Woman Gives Birth to 5 Children : ਝਾਰਖੰਡ ਦੇ ਰਿਮਸ ਰਾਂਚੀ ਦੇ ਮਹਿਲਾ ਅਤੇ ਬਾਲ ਜਨਮ ਵਿਭਾਗ ਵਿੱਚ ਇਤਖੋਰੀ ਚਤਰਾ ਦੀ ਇੱਕ ਔਰਤ ਨੇ ਪੰਜ ਬੱਚਿਆਂ ਨੂੰ ਜਨਮ ਦਿੱਤਾ ਹੈ। ਬੱਚੇ NICU 'ਚ ਡਾਕਟਰਾਂ ਦੀ ਦੇਖ-ਰੇਖ ਵਿੱਚ ਹਨ। ਡਾ: ਸ਼ਸ਼ੀ ਬਾਲਾ ਸਿੰਘ ਦੀ ਅਗਵਾਈ 'ਚ ਸਫ਼ਲਤਾਪੂਰਵਕ ਡਿਲੀਵਰੀ ਕਰਵਾਈ ਗਈ ਹੈ। ਪੰਜ ਬੱਚਿਆਂ ਦੇ ਜਨਮ ਤੋਂ ਹਰ ਕੋਈ ਹੈਰਾਨ ਹੈ। ਸਾਰੇ ਪੰਜ ਬੱਚੇ ਸਿਹਤਮੰਦ ਹਨ ਅਤੇ ਉਨ੍ਹਾਂ ਨੂੰ ਨਿਗਰਾਨੀ ਲਈ ਨਿਓਨੇਟਲ ਇੰਟੈਂਸਿਵ ਕੇਅਰ ਯੂਨਿਟ (ਐਨਆਈਸੀਯੂ) ਵਿੱਚ ਰੱਖਿਆ ਗਿਆ ਹੈ। ਰਿਮਸ ਰਾਂਚੀ ਨੇ ਆਪਣੇ ਟਵਿੱਟਰ ਹੈਂਡਲ ਰਾਹੀਂ ਇਹ ਜਾਣਕਾਰੀ ਦਿੱਤੀ ਹੈ।


ਡਾਕਟਰਾਂ ਨੇ ਦੱਸਿਆ ਕਿ ਸਾਰੇ ਬੱਚੇ ਪ੍ਰੀ-ਮੈਚਿਓਰ ਹਨ। ਇਨ੍ਹਾਂ ਦਾ ਜਨਮ 26-27 ਹਫ਼ਤਿਆਂ ਵਿੱਚ ਹੀ ਹੋਇਆ ਹੈ। ਅਜਿਹੇ 'ਚ ਉਨ੍ਹਾਂ ਦੀ ਹਾਲਤ 'ਤੇ ਲਗਾਤਾਰ ਨਜ਼ਰ ਰੱਖੀ ਜਾ ਰਹੀ ਹੈ। ਬੱਚਿਆਂ ਦੀ ਸਹੀ ਦੇਖਭਾਲ ਕੀਤੀ ਜਾ ਰਹੀ ਹੈ। ਦੱਸ ਦੇਈਏ ਕਿ ਇਹ ਪਹਿਲੀ ਵਾਰ ਨਹੀਂ ਹੈ ਜਦੋਂ ਔਰਤ ਨੇ ਪੰਜ ਬੱਚਿਆਂ ਨੂੰ ਜਨਮ ਦਿੱਤਾ ਹੈ। ਇਸ ਦੇ ਨਾਲ ਹੀ ਇਸ ਤੋਂ ਪਹਿਲਾਂ ਵੀ ਇੱਕ ਔਰਤ ਨੇ ਰਿਮਸ ਵਿੱਚ ਹੀ ਚਾਰ ਬੱਚਿਆਂ ਨੂੰ ਜਨਮ ਦਿੱਤਾ ਸੀ। ਉਸਦੇ ਸਾਰੇ ਬੱਚੇ ਸਿਹਤਮੰਦ ਹੋ ਗਏ ਸਨ। ਉਮੀਦ ਹੈ ਕਿ ਇਹ ਸਾਰੇ ਬੱਚੇ ਵੀ ਜਲਦੀ ਸਿਹਤਮੰਦ ਹੋ ਜਾਣਗੇ।





ਹਾਲ ਹੀ 'ਚ ਮਹਿਲਾ ਨੇ  ਦਿੱਤਾ ਸੀ 5 ਬੱਚਿਆਂ ਨੂੰ ਜਨਮ  

ਹਾਲ ਹੀ 'ਚ ਅਜਿਹੀ ਖਬਰ ਆਈ ਸੀ। ਸਮਾਚਾਰ ਏਜੰਸੀ ਏ.ਪੀ. ਮੁਤਾਬਕ 'ਕ੍ਰਾਕੋ ਯੂਨੀਵਰਸਿਟੀ' ਦੇ ਹਸਪਤਾਲ ਦੇ ਅਧਿਕਾਰੀਆਂ ਮੁਤਾਬਕ 37 ਸਾਲਾ ਔਰਤ ਜੋ ਪੋਲੈਂਡ ਦੀ ਰਹਿਣ ਵਾਲੀ ਹੈ। ਉਨ੍ਹਾਂ ਨੇ ਇਕੱਠੇ 5 ਬੱਚਿਆਂ ਨੂੰ ਜਨਮ ਦਿੱਤਾ ਸੀ। ਡੋਮਿਨਿਕਾ ਕਲਾਰਕ ਨੇ ਆਪਣੀ ਗਰਭ ਅਵਸਥਾ ਦੇ 28ਵੇਂ ਹਫਤੇ 'ਚ 5 ਬੱਚਿਆਂ ਨੂੰ ਜਨਮ ਦਿੱਤਾ। ਇਸ ਵਿੱਚ ਤਿੰਨ ਲੜਕੀਆਂ ਅਤੇ ਦੋ ਲੜਕੇ ਹਨ।