ਅੱਗ ਨਾਲ ਸੁਆਹ ਹੋਈ ਕਣਕ, ਪਰ ਲੀਡਰਾਂ ਦੀ ਸਿਆਸਤ ਚਮਕੀ
ਲੰਬੀ ਹਲਕੇ ਦੇ ਪਿੰਡਾਂ ਵਿੱਚ ਅੱਗ ਨਾਲ ਸੜੀ ਕਣਕ ਦੇ ਮਾਮਲੇ ‘ਚ ਕਾਂਗਰਸ ਪਾਰਟੀ ਦੇ ਆਗੂ ਜਗਪਾਲ ਸਿੰਘ ਅਬੁਲ ਖੁਰਾਣਾ ਪੀੜਤ ਕਿਸਾਨਾਂ ਨਾਲ ਮਿਲਣ ਪੁੱਜੇ। ਉਨ੍ਹਾਂ ਕਿਸਾਨਾਂ ਨਾਲ ਹਮਦਰਦੀ ਜਤਾਈ ਅਤੇ ਪਾਰਟੀ ਵੱਲੋਂ ਨਾਲ ਹੀ ਨਿੱਜੀ ਤੌਰ ‘ਤੇ ਮਦਦ ਕਰਨ ਦਾ ਭਰੋਸਾ ਦਿੱਤਾ। ਇਸਦੇ ਨਾਲ ਹੀ ਉਨ੍ਹਾਂ ਸਰਕਾਰ ਦੀ ਕਾਰਗੁਜ਼ਾਰੀ ਨੂੰ ਫੇਲ ਦੱਸਦਿਆਂ ਕਿਹਾ ਕਿ ਨਲਾਇਕੀ ਕਾਰਨ ਸੈਕੜੇ ਏਕੜ ਕਣਕ ਦਾ ਨੁਕਸਾਨ ਹੋਇਆ ਹੈ।
ਲੰਬੀ ਹਲਕੇ ਦੇ ਪਿੰਡਾਂ ਕਬਰਵਾਲਾ, ਗੁਰੂਸਰ ਅਤੇ ਪੱਕੀ ਟਿੱਬੀ ਵਿੱਚ ਬੀਤੇ ਦਿਨ ਅਚਾਨਕ ਲੱਗੀ ਅੱਗ ਨੇ ਸੈਂਕੜੇ ਏਕੜ ਕਣਕ ਨੂੰ ਸੁਆਹ ਕਰ ਦਿੱਤਾ। ਇਸ ਵੱਡੇ ਨੁਕਸਾਨ ਤੋਂ ਬਾਅਦ ਕਿਸਾਨ ਪੂਰੀ ਤਰ੍ਹਾਂ ਟੁੱਟ ਚੁੱਕੇ ਹਨ—ਕਿਸੇ ਦੇ ਮੂੰਹ ‘ਚ ਬੋਲ ਨਹੀਂ, ਅੱਖਾਂ ‘ਚ ਸਿਰਫ਼ ਨੁਕਸਾਨ ਦੀ ਚਿੰਤਾ ਹੈ।
ਦੂਜੇ ਪਾਸੇ, ਅੱਗ ਦੀ ਘਟਨਾ ਤੋਂ ਬਾਅਦ ਵੱਖ-ਵੱਖ ਸਿਆਸੀ ਪਾਰਟੀਆਂ ਦੇ ਆਗੂ ਮੌਕੇ ‘ਤੇ ਪਹੁੰਚ ਕੇ ਹਮਦਰਦੀ ਜਤਾਉਣ ‘ਚ ਲੱਗੇ ਹੋਏ ਹਨ। ਇੱਕ ਦੂਜੇ ਤੋਂ ਅੱਗੇ ਨਿਕਲਣ ਦੀ ਦੌੜ ਵਿੱਚ ਲੀਡਰਾਂ ਦੇ ਲੰਮੇ ਭਾਸ਼ਣ ਜਾਰੀ ਹਨ, ਪਰ ਕਿਸਾਨਾਂ ਲਈ ਹਾਲਾਤ ਅਜੇ ਵੀ ਉਹੀ ਦੇ ਉਹੀ ਹਨ।
ਇਸ ਮੌਕੇ ‘ਤੇ ਕਾਂਗਰਸ ਦੇ ਆਗੂ ਜਗਪਾਲ ਸਿੰਘ ਅਬੁਲ ਖੁਰਾਣਾ ਨੇ ਕਿਹਾ ਕਿ ਪਾਰਟੀ ਕਿਸਾਨਾਂ ਦੇ ਨਾਲ ਖੜੀ ਹੈ ਅਤੇ ਹਰ ਸੰਭਵ ਮਦਦ ਕੀਤੀ ਜਾਵੇਗੀ। ਉਨ੍ਹਾਂ ਇਹ ਵੀ ਕਿਹਾ ਕਿ ਉਹ ਨਿੱਜੀ ਤੌਰ ‘ਤੇ ਵੀ ਯਤਨ ਕਰਨਗੇ ਤਾਂ ਜੋ ਪੀੜਤ ਕਿਸਾਨਾਂ ਨੂੰ ਰਾਹਤ ਮਿਲ ਸਕੇ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
