ਬਾਲੀਵੁੱਡ ਗਾਇਕਾ ਅਲਕਾ ਯਾਗਨਿਕ ਨੇ ਆਪਣੀ ਸੁਰੀਲੀ ਆਵਾਜ਼ ਵਿੱਚ ਕਈ ਸ਼ਾਨਦਾਰ ਗੀਤ ਗਾਏ ਹਨ ਜੋ ਸੁਪਰ-ਡੁਪਰ ਹਿੱਟ ਰਹੇ ਹਨ

ਅਲਕਾ ਦੀ ਆਵਾਜ਼ ਦੇ ਦੁਨੀਆ ਭਰ ਵਿੱਚ ਪ੍ਰਸ਼ੰਸਕ ਹਨ ਜੋ ਉਸ ਦੇ ਗੀਤਾਂ ਨੂੰ ਸੁਣਨ ਲਈ ਬੇਤਾਬ ਹਨ।

ਦੂਜੇ ਪਾਸੇ ਗਾਇਕਾ ਅਲਕਾ ਯਾਗਨਿਕ ਨੇ ਲਗਾਤਾਰ ਤੀਜੇ ਸਾਲ ਗਿੰਨੀਜ਼ ਬੁੱਕ ਆਫ ਵਰਲਡ ਰਿਕਾਰਡ ਵਿੱਚ ਥਾਂ ਬਣਾਈ ਹੈ।

ਅਲਕਾ ਨੇ ਟੇਲਰ ਸਵਿਫਟ, ਡਰੇਕ ਵਰਗੇ ਦੁਨੀਆ ਦੇ ਸਭ ਤੋਂ ਵੱਡੇ ਗਾਇਕਾਂ ਨੂੰ ਪਛਾੜ ਕੇ ਇਹ ਉਪਲਬਧੀ ਹਾਸਲ ਕੀਤੀ ਹੈ ਤੇ ਯੂਟਿਊਬ 'ਤੇ 2022 ਦੀ ਸਭ ਤੋਂ ਵੱਧ ਸੁਣੀ ਜਾਣ ਵਾਲੀ ਗਾਇਕਾ ਬਣ ਗਈ

ਗਿੰਨੀਜ਼ ਬੁੱਕ ਆਫ਼ ਵਰਲਡ ਰਿਕਾਰਡ ਦੀ ਰਿਪੋਰਟ ਦੇ ਅਨੁਸਾਰ, ਅਲਕਾ ਯਾਗਨਿਕ ਦੇ ਗੀਤਾਂ ਨੇ 15.3 ਬਿਲੀਅਨ ਸਟ੍ਰੀਮਜ਼ ਰਿਕਾਰਡ ਕੀਤੇ ਹਨ, ਜਿਸਦਾ ਮਤਲਬ ਹੈ ਕਿ ਰੋਜ਼ਾਨਾ ਔਸਤਨ 42 ਮਿਲੀਅਨ ਸਟ੍ਰੀਮਜ਼ ਹਨ

ਖਾਸ ਗੱਲ ਇਹ ਹੈ ਕਿ ਉਸ ਨੇ ਇਹ ਉਪਲਬਧੀ ਵੀ ਪਿਛਲੇ ਦੋ ਸਾਲਾਂ 'ਚ ਹਾਸਲ ਕੀਤੀ ਹੈ। 2021 ਵਿੱਚ ਇਸ ਦੀਆਂ 17 ਬਿਲੀਅਨ ਸਟ੍ਰੀਮਜ਼ ਸਨ ਅਤੇ 2020 ਵਿੱਚ 16.6 ਬਿਲੀਅਨ ਸਟ੍ਰੀਮ ਸਨ

ਸੂਚੀ ਵਿੱਚ ਇਹ ਵੀ ਖੁਲਾਸਾ ਹੋਇਆ ਹੈ ਕਿ ਅਲਕਾ ਯਾਗਨਿਕ ਦਾ ਬਹੁਤ ਮਸ਼ਹੂਰ ਗੀਤ ਏਕ ਦਿਨ ਆਪ ਯੂੰ ਹਮ ਕੋ ਮਿਲ ਜਾਏਂਗੇ ਸਾਲ 2021 ਅਤੇ 2020 ਵਿੱਚ ਯੂਟਿਊਬ ਉੱਤੇ 16.6 ਵਾਰ ਸਟ੍ਰੀਮ ਕੀਤਾ ਗਿਆ ਸੀ।

ਦੱਸ ਦੇਈਏ ਕਿ ਸੂਚੀ ਵਿੱਚ ਅਲਕਾ ਤੋਂ ਬਾਅਦ ਬੈਡ ਬੰਨੀ 14.7 ਬਿਲੀਅਨ ਸਟ੍ਰੀਮ ਦੇ ਨਾਲ ਦੂਜੇ ਨੰਬਰ 'ਤੇ ਹੈ। ਇਸੇ ਸੂਚੀ ਵਿੱਚ ਤਿੰਨ ਭਾਰਤੀ ਗਾਇਕ ਹਨ।

ਇਨ੍ਹਾਂ ਵਿੱਚ ਉਦਿਤ ਨਰਾਇਣ (10.8 ਬਿਲੀਅਨ), ਅਰਿਜੀਤ ਸਿੰਘ (10.7 ਬਿਲੀਅਨ) ਅਤੇ ਕੁਮਾਰ ਸਾਨੂ (9.09 ਬਿਲੀਅਨ) ਹਨ।

ਅਲਕਾ ਯਾਗਿੰਗ 90 ਦੇ ਦਹਾਕੇ ਵਿੱਚ ਬਾਲੀਵੁੱਡ ਦੀ ਇੱਕ ਪ੍ਰਮੁੱਖ ਪਲੇਬੈਕ ਗਾਇਕਾ ਰਹੀ ਹੈ। ਉਸਨੇ ਬਹੁਤ ਸਾਰੇ ਸ਼ਾਨਦਾਰ ਗੀਤ ਗਾਏ ਹਨ।