Singer Zubeen Garg Death Case: ਅਸਾਮ ਦੇ ਮਸ਼ਹੂਰ ਗਾਇਕ ਜ਼ੁਬਿਨ ਗਰਗ ਦੇ ਬੈਂਡ ਮੈਂਬਰ, ਸ਼ੇਖਰ ਜੋਤੀ ਗੋਸਵਾਮੀ ਨੇ ਇੱਕ ਹੈਰਾਨ ਕਰਨ ਵਾਲਾ ਖੁਲਾਸਾ ਕੀਤਾ ਹੈ।

ਗੋਸਵਾਮੀ ਨੇ ਦੱਸਿਆ ਕਿ ਗਰਗ ਨੂੰ ਸਿੰਗਾਪੁਰ ਵਿੱਚ ਜ਼ਹਿਰ ਦਿੱਤਾ ਗਿਆ ਸੀ, ਜਿਸ ਕਾਰਨ ਉਸਦੀ ਮੌਤ ਹੋਈ। ਪੁਲਿਸ ਕੋਲ ਮੌਜੂਦ ਅਧਿਕਾਰਤ ਦਸਤਾਵੇਜ਼ਾਂ ਵਿੱਚ ਇਹ ਜਾਣਕਾਰੀ ਦਿੱਤੀ ਗਈ ਹੈ।

ਪੀਟੀਆਈ ਨੂੰ ਮਿਲੇ ਡਿਟੇਲ ਗ੍ਰਾਊਂਡਸ ਆਫ ਅਰੇਸਟ ਜਾਂ ਰਿਮਾਂਡ ਨੋਟ ਦੇ ਅਨੁਸਾਰ, ਗੋਸਵਾਮੀ ਨੇ ਦੋਸ਼ ਲਗਾਇਆ ਕਿ ਗਰਗ ਨੂੰ ਸਿੰਗਾਪੁਰ ਵਿੱਚ ਉਸਦੇ ਮੈਨੇਜਰ...

ਸਿਧਾਰਥ ਸ਼ਰਮਾ ਅਤੇ ਉੱਤਰ-ਪੂਰਬੀ ਭਾਰਤ ਤਿਉਹਾਰ ਦੇ ਪ੍ਰਬੰਧਕ ਸ਼ਿਆਮਕਾਨੂ ਮਹੰਤ ਨੇ ਜ਼ਹਿਰ ਦਿੱਤਾ ਸੀ। ਇਸ ਮਾਮਲੇ ਵਿੱਚ, ਤਿਉਹਾਰ ਪ੍ਰਬੰਧਕ, ਗਰਗ ਦੇ ਮੈਨੇਜਰ, ਅਤੇ ਦੋ ਬੈਂਡ ਮੈਂਬਰਾਂ, ਗੋਸਵਾਮੀ ਅਤੇ ਅੰਮ੍ਰਿਤਪ੍ਰਭਾ ਮਹੰਤ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ...

...ਅਤੇ 14 ਦਿਨਾਂ ਦੀ ਪੁਲਿਸ ਹਿਰਾਸਤ ਵਿੱਚ ਭੇਜ ਦਿੱਤਾ ਗਿਆ ਹੈ। ਗਰਗ ਦੀ ਮੌਤ ਸਿੰਗਾਪੁਰ ਵਿੱਚ ਸਮੁੰਦਰ ਵਿੱਚ ਤੈਰਦੇ ਸਮੇਂ ਰਹੱਸਮਈ ਹਾਲਾਤਾਂ ਵਿੱਚ ਹੋਈ।

ਉਹ ਸ਼ਿਆਮਕਾਨੂ ਮਹੰਤ ਅਤੇ ਉਸਦੀ ਕੰਪਨੀ ਦੁਆਰਾ ਆਯੋਜਿਤ ਤਿਉਹਾਰ ਦੇ ਚੌਥੇ ਐਡੀਸ਼ਨ ਵਿੱਚ ਹਿੱਸਾ ਲੈਣ ਲਈ ਸਿੰਗਾਪੁਰ ਗਏ ਸੀ। ਨੋਟ ਵਿੱਚ ਲਿਖਿਆ ਹੈ, “ਜਦੋਂ ਜ਼ੁਬਿਨ ਗਰਗ ਸਾਹ ਲੈਣ ਲਈ ਹਫੜਾ-ਦਫੜੀ ਕਰ ਰਹੇ ਸੀ...

ਅਤੇ ਡੁੱਬਣ ਦੀ ਸਥਿਤੀ ਵਿੱਚ ਸੀ, ਤਾਂ ਸਿਧਾਰਥ ਸ਼ਰਮਾ ਨੂੰ, ‘ਜਾਬੋ ਦੇ, ਜਾਬੋ ਦੇ’ (ਜਾਣ ਦਿਓ, ਜਾਣ ਦਿਓ) ਕਹਿੰਦੇ ਹੋਏ ਸੁਣਿਆ ਗਿਆ। ਗਵਾਹ ਨੇ ਕਿਹਾ ਕਿ ਜ਼ੁਬਿਨ ਗਰਗ ਇੱਕ ਮਾਹਰ ਤੈਰਾਕ ਸੀ ਅਤੇ ਇਸ ਲਈ ਡੁੱਬਣ ਕਾਰਨ ਉਨ੍ਹਾਂ ਦੀ ਮੌਤ ਨਹੀਂ ਹੋ ਸਕਦੀ।”

ਨੋਟ ਵਿੱਚ SIT ਮੈਂਬਰ ਅਤੇ ਸੀਨੀਅਰ ਸੁਪਰਡੈਂਟ ਆਫ਼ ਪੁਲਿਸ ਰੋਜ਼ੀ ਕਲਿਤਾ ਦੇ ਦਸਤਖਤ ਹਨ। ਨੋਟ ਵਿੱਚ ਲਿਖਿਆ ਹੈ, “ਗੋਸਵਾਮੀ ਨੇ ਦੋਸ਼ ਲਗਾਇਆ ਹੈ ਕਿ ਮੈਨੇਜਰ ਸ਼ਰਮਾ ਅਤੇ ਸ਼ਿਆਮਕਾਨੂ ਮਹੰਤ ਨੇ ਪੀੜਤ ਨੂੰ ਜ਼ਹਿਰ ਦਿੱਤਾ...

ਅਤੇ ਆਪਣੀ ਸਾਜ਼ਿਸ਼ ਨੂੰ ਛੁਪਾਉਣ ਲਈ ਜਾਣਬੁੱਝ ਕੇ ਇੱਕ ਵਿਦੇਸ਼ੀ ਸਥਾਨ ਚੁਣਿਆ। ਮੈਨੇਜਰ ਸ਼ਰਮਾ ਨੇ ਉਨ੍ਹਾਂ ਨੂੰ ਕਿਸ਼ਤੀ ਦਾ ਵੀਡੀਓ ਕਿਸੇ ਨਾਲ ਸਾਂਝਾ ਨਾ ਕਰਨ ਦੀ ਹਦਾਇਤ ਵੀ ਦਿੱਤੀ ਸੀ।”

ਸੀਆਈਡੀ ਦੀ ਨੌਂ ਮੈਂਬਰੀ ਵਿਸ਼ੇਸ਼ ਜਾਂਚ ਟੀਮ (SIT) ਇਸ ਸਮੇਂ ਸਿੰਗਾਪੁਰ ਵਿੱਚ ਗਰਗ ਦੀ ਮੌਤ ਦੀ ਜਾਂਚ ਕਰ ਰਹੀ ਹੈ। ਅਸਾਮ ਸਰਕਾਰ ਨੇ ਮਾਮਲੇ ਦੀ ਜਾਂਚ ਲਈ ਇੱਕ ਮੈਂਬਰੀ ਨਿਆਂਇਕ ਕਮਿਸ਼ਨ ਦਾ ਵੀ ਗਠਨ ਕੀਤਾ ਹੈ।