Samantha-Raj Nidimoru Wedding: ਅਦਾਕਾਰਾ ਸਮੰਥਾ ਰੂਥ ਪ੍ਰਭੂ ਆਪਣੀ ਨਿੱਜੀ ਜ਼ਿੰਦਗੀ ਨੂੰ ਲੈ ਚਰਚਾ ਵਿੱਚ ਹੈ। ਦੱਸ ਦੇਈਏ ਕਿ ਅਦਾਕਾਰਾ ਨੇ ਆਪਣੀ ਜ਼ਿੰਦਗੀ ਦਾ ਨਵਾਂ ਸਫ਼ਰ ਸ਼ੁਰੂ ਕੀਤਾ ਹੈ।

ਅਦਾਕਾਰਾ ਆਪਣੇ ਦੂਜੇ ਵਿਆਹ ਦੀਆਂ ਖਬਰਾਂ ਨੂੰ ਲੈ ਸੁਰਖੀਆਂ ਵਿੱਚ ਆ ਗਈ ਹੈ। ਰਿਪੋਰਟਾਂ ਤੋਂ ਪਤਾ ਚੱਲਦਾ ਹੈ ਕਿ ਸਮੰਥਾ ਨੇ ਦ ਫੈਮਿਲੀ ਮੈਨ ਦੇ ਡਾਇਰੈਕਟਰ ਰਾਜ ਨਿਦੀਮੋਰੂ ਨਾਲ ਇੱਕ ਗੁਪਤ ਸਮਾਰੋਹ ਵਿੱਚ ਵਿਆਹ ਕੀਤਾ ਹੈ।

ਹਾਲਾਂਕਿ, ਜੋੜੇ ਨੇ ਅਜੇ ਤੱਕ ਅਧਿਕਾਰਤ ਤੌਰ 'ਤੇ ਆਪਣੇ ਵਿਆਹ ਦੀ ਪੁਸ਼ਟੀ ਨਹੀਂ ਕੀਤੀ ਹੈ। ਮਸ਼ਹੂਰ ਅਦਾਕਾਰਾ ਨੇ ਆਪਣੇ ਸੋਸ਼ਲ ਮੀਡੀਆ ਹੈਂਡਲ ਉੱਪਰ ਵਿਆਹ ਦੀਆਂ ਖੂਬਸੂਰਤ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ।

ਸਮੰਥਾ ਅਤੇ ਰਾਜ ਸੋਮਵਾਰ ਸਵੇਰੇ ਵਿਆਹ ਦੇ ਬੰਧਨ ਵਿੱਚ ਬੱਝੇ। ਵਿਆਹ ਈਸ਼ਾ ਯੋਗਾ ਸੈਂਟਰ ਦੇ ਲਿੰਗ ਭੈਰਵੀ ਮੰਦਰ ਵਿੱਚ ਹੋਇਆ। ਵਿਆਹ ਵਿੱਚ ਤੀਹ ਮਹਿਮਾਨ ਸ਼ਾਮਲ ਹੋਏ। ਸਮੰਥਾ ਨੇ ਲਾਲ ਸਾੜੀ ਪਹਿਨੀ ਹੋਈ ਸੀ।

ਦੱਸ ਦੇਈਏ ਕਿ ਐਤਵਾਰ ਰਾਤ ਤੋਂ ਉਨ੍ਹਾਂ ਦੇ ਵਿਆਹ ਬਾਰੇ ਖੂਬ ਚਰਚਾ ਹੋ ਰਹੀ ਸੀ। ਇਹ ਰਾਜ ਅਤੇ ਸਮੰਥਾ ਦੋਵਾਂ ਲਈ ਦੂਜਾ ਵਿਆਹ ਹੈ। ਰਾਜ ਦੀ ਸਾਬਕਾ ਪਤਨੀ ਸ਼ਿਆਮਲੀ ਡੇ ਨੇ ਵੀ ਇੰਸਟਾਗ੍ਰਾਮ 'ਤੇ ਇੱਕ ਸਟੋਰੀ ਪੋਸਟ ਕੀਤੀ।

ਇਸ ਵਿੱਚ ਲਿਖਿਆ ਸੀ, ਡੈਸਪੇਰੇਟ ਲੋਕ ਡੈਸਪੇਰੇਟ ਕਰਨ ਵਾਲੇ ਕੰਮ ਕਰਦੇ ਹਨ। ਇਸ ਪੋਸਟ ਤੋਂ ਬਾਅਦ, ਸਮੰਥਾ ਅਤੇ ਰਾਜ ਦੇ ਵਿਆਹ ਦੀਆਂ ਅਫਵਾਹਾਂ ਨੇ ਹੋਰ ਜ਼ੋਰ ਫੜ ਲਿਆ। ਰਾਜ ਅਤੇ ਸ਼ਿਆਮਲੀ ਦਾ ਸਾਲ 2022 ਵਿੱਚ ਤਲਾਕ ਲਿਆ ਸੀ।

ਸਮੰਥਾ ਰੂਥ ਪ੍ਰਭੂ ਦਾ ਪਹਿਲਾ ਵਿਆਹ ਨਾਗਾ ਚੈਤੰਨਿਆ ਨਾਲ ਹੋਇਆ ਸੀ। ਉਨ੍ਹਾਂ ਦਾ ਇਹ ਵਿਆਹ ਵੀ ਚੱਲ ਨਹੀਂ ਸਕਿਆ। 2021 ਵਿੱਚ ਉਨ੍ਹਾਂ ਦਾ ਤਲਾਕ ਹੋ ਗਿਆ। ਇਸ ਤੋਂ ਬਾਅਦ ਦੋਵੇਂ ਆਪਣੀ ਜ਼ਿੰਦਗੀ ਵਿੱਚ ਅੱਗੇ ਵਧੇ।

ਨਾਗਾ ਚੈਤੰਨਿਆ ਨੇ ਵੀ ਦੁਬਾਰਾ ਵਿਆਹ ਕਰਵਾ ਲਿਆ ਹੈ। ਉਨ੍ਹਾਂ ਨੇ ਅਦਾਕਾਰਾ ਸੋਭਿਤਾ ਧੂਲੀਪਾਲਾ ਨਾਲ ਵਿਆਹ ਕੀਤਾ। ਉਨ੍ਹਾਂ ਦਾ ਵਿਆਹ ਇੱਕ ਸ਼ਾਨਦਾਰ ਸਮਾਰੋਹ ਵਾਂਗ ਹੋਇਆ।

ਨਾਗਾ ਚੈਤੰਨਿਆ ਤੋਂ ਵੱਖ ਹੋਣ ਤੋਂ ਬਾਅਦ, ਸਮੰਥਾ ਅਤੇ ਰਾਜ ਨੇ ਵੈੱਬ ਸੀਰੀਜ਼ 'ਦ ਫੈਮਿਲੀ ਮੈਨ 2' ਵਿੱਚ ਇਕੱਠੇ ਕੰਮ ਕੀਤਾ।

ਉਨ੍ਹਾਂ ਦੀ ਨੇੜਤਾ ਵਧਦੀ ਗਈ, ਅਤੇ ਹੌਲੀ-ਹੌਲੀ, ਉਨ੍ਹਾਂ ਨੂੰ ਪਿਆਰ ਹੋ ਗਿਆ। ਫਿਲਹਾਲ ਹੁਣ, ਉਹ ਵਿਆਹ ਦੇ ਬੰਧਨ ਵਿੱਚ ਬੱਝ ਗਏ ਹਨ।