Comedian Health: ਮਸ਼ਹੂਰ ਕਾਮੇਡੀਅਨ ਦੀਆਂ ਹਾਲ ਹੀ ਵਿੱਚ ਸਾਹਮਣੇ ਆਈਆਂ ਤਸਵੀਰਾਂ ਨੇ ਪ੍ਰਸ਼ੰਸਕਾਂ ਨੂੰ ਹੈਰਾਨ ਕਰ ਦਿੱਤਾ ਹੈ। ਦੱਸ ਦੇਈਏ ਕਿ ਅਸੀਂ ਸੁਨੀਲ ਪਾਲ ਦੀ ਗੱਲ ਕਰ ਰਹੇ ਹਾਂ, ਜਿਨ੍ਹਾਂ ਦੀ ਲੁੱਕ ਵੇਖਣ ਤੋਂ ਬਾਅਦ ਹਰ ਕੋਈ ਪਰੇਸ਼ਾਨ ਹੈ।

ਸੁਨੀਲ ਪਾਲ ਨੂੰ ਹਾਲ ਹੀ ਵਿੱਚ ਕਾਮੇਡੀ ਸਟਾਰ ਕਪਿਲ ਸ਼ਰਮਾ ਦੀ ਫਿਲਮ 'ਕਿਸ ਕਿਸਕੋ ਪਿਆਰ ਕਰੂੰ 2' ਦੀ ਸਕ੍ਰੀਨਿੰਗ ਦੌਰਾਨ ਦੇਖਿਆ ਗਿਆ।

ਇੱਕ ਸਮਾਂ ਸੀ ਜਦੋਂ ਰਾਜੂ ਸ੍ਰੀਵਾਸਤਵ ਅਤੇ ਅਹਿਸਾਨ ਕੁਰੈਸ਼ੀ ਵਰਗੇ ਕਾਮੇਡੀਅਨਾਂ ਦੇ ਨਾਲ ਸੁਨੀਲ ਪਾਲ ਦੀ ਕਾਮੇਡੀ ਨੂੰ ਵੀ ਬਹੁਤ ਪਸੰਦ ਕੀਤਾ ਜਾਂਦਾ ਸੀ ਅਤੇ ਉਨ੍ਹਾਂ ਨੇ ਖੂਬ ਨਾਮ ਅਤੇ ਸ਼ੌਹਰਤ ਕਮਾਈ ਸੀ।

ਪਰ ਫਿਲਮ ਦੇ ਪ੍ਰੀਮੀਅਰ ਦੌਰਾਨ ਉਨ੍ਹਾਂ ਦੀ ਹਾਲਤ ਦੇਖ ਕੇ ਹਰ ਕੋਈ ਦੰਗ ਰਹਿ ਗਿਆ। ਇਸ ਦੌਰਾਨ ਸੁਨੀਲ ਪਾਲ ਨੇ ਪੈਰਾਂ ਵਿੱਚ ਚੱਪਲਾਂ, ਸਾਧਾਰਨ ਪੈਂਟ-ਕਮੀਜ਼ ਅਤੇ ਸਿਰ 'ਤੇ ਇੱਕ ਪੁਰਾਣੀ ਜਿਹੀ ਟੋਪੀ ਪਾਈ ਹੋਈ ਸੀ।

ਇਸ ਤੋਂ ਇਲਾਵਾ, ਉਨ੍ਹਾਂ ਦਾ ਭਾਰ ਵੀ ਪਹਿਲਾਂ ਨਾਲੋਂ ਕਾਫੀ ਘੱਟ ਨਜ਼ਰ ਆਇਆ ਅਤੇ ਉਨ੍ਹਾਂ ਦੇ ਚਿਹਰੇ 'ਤੇ ਮਾਯੂਸੀ ਸਾਫ਼ ਦਿਖਾਈ ਦੇ ਰਹੀ ਸੀ। ਸੁਨੀਲ ਪਾਲ ਨੂੰ ਅਜਿਹੀ ਹਾਲਤ ਵਿੱਚ ਦੇਖ ਕੇ ਸੋਸ਼ਲ ਮੀਡੀਆ 'ਤੇ ਪ੍ਰਸ਼ੰਸਕਾਂ ਨੇ ਚਿੰਤਾ ਜ਼ਾਹਿਰ ਕੀਤੀ।

ਕਈ ਪ੍ਰਸ਼ੰਸਕਾਂ ਨੇ ਇਸ ਗੱਲ 'ਤੇ ਚਿੰਤਾ ਪ੍ਰਗਟਾਈ ਕਿ ਫਿਲਮ ਅਤੇ ਟੀਵੀ ਇੰਡਸਟਰੀ ਵਿੱਚ ਇੰਨਾ ਕੰਮ ਕਰਨ ਦੇ ਬਾਵਜੂਦ ਉਨ੍ਹਾਂ ਦੀ ਅੱਜ ਇਹ ਹਾਲਤ ਹੈ ਕਿ ਉਹ ਕਿਸੇ ਪ੍ਰੀਮੀਅਰ 'ਤੇ ਚੱਪਲਾਂ ਅਤੇ ਸਾਧਾਰਨ ਕੱਪੜੇ ਪਾ ਕੇ ਆਏ ਹਨ।

ਹਾਲਾਂਕਿ, ਕੁਝ ਹੋਰ ਲੋਕਾਂ ਨੇ ਇਸ ਹਾਲਤ ਨੂੰ ਪਬਲੀਸਿਟੀ ਸਟੰਟ ਵੀ ਕਿਹਾ, ਜਿਸ ਕਾਰਨ ਸੋਸ਼ਲ ਮੀਡੀਆ 'ਤੇ ਬਹਿਸ ਵੀ ਛਿੜ ਗਈ। ਸੁਨੀਲ ਪਾਲ ਦੇ ਵਰਕਫਰੰਟ ਦੀ ਗੱਲ ਕਰਿਏ ਤਾਂ ਸਾਲ 2005 ਵਿੱਚ 'ਦਿ ਗ੍ਰੇਟ ਇੰਡੀਅਨ ਲਾਫਟਰ ਚੈਲੇਂਜ 1'...

ਦਾ ਜੇਤੂ ਬਣਨ ਤੋਂ ਬਾਅਦ ਵੱਡੀ ਪਛਾਣ ਮਿਲੀ ਸੀ। ਉਨ੍ਹਾਂ ਨੇ 2007 ਵਿੱਚ 'ਬੌਂਬੇ ਟੂ ਗੋਆ' ਨਾਲ ਬਾਲੀਵੁੱਡ ਵਿੱਚ ਡੈਬਿਊ ਕੀਤਾ ਅਤੇ 'ਹਮ ਤੁਮ', 'ਫਿਰ ਹੇਰਾ ਫੇਰੀ' ਵਰਗੀਆਂ ਫਿਲਮਾਂ ਵਿੱਚ ਵੀ ਛੋਟੇ ਕਿਰਦਾਰ ਨਿਭਾਏ।

ਪਰ ਰਿਪੋਰਟਾਂ ਅਨੁਸਾਰ, ਸੁਨੀਲ ਪਾਲ 2010 ਤੋਂ ਟੀਵੀ ਤੋਂ ਅਤੇ 2018 ਤੋਂ ਫਿਲਮਾਂ ਤੋਂ ਦੂਰ ਹਨ, ਜਿਸ ਕਾਰਨ ਪਿਛਲੇ ਕਰੀਬ 15 ਸਾਲਾਂ ਤੋਂ ਉਨ੍ਹਾਂ ਕੋਲ ਕੋਈ ਕੰਮ ਨਹੀਂ ਹੈ।