SBI ਨੇ ਆਪਣੇ ਗਾਹਕਾਂ ਲਈ ਵੱਡਾ ਝਟਕਾ ਦਿੱਤਾ ਹੈ। 15 ਅਗਸਤ 2025 ਤੋਂ, ਆਨਲਾਈਨ IMPS ਟ੍ਰਾਂਸਫਰ 'ਤੇ ਫੀਸ ਲੱਗੇਗੀ।

ਪਹਿਲਾਂ ਇਹ ਸੇਵਾ ਮੁਫ਼ਤ ਸੀ। IMPS ਰਾਹੀਂ ਤੁਸੀਂ 24×7, ਸਾਲ ਭਰ ਕਦੇ ਵੀ ਤੁਰੰਤ ਪੈਸੇ ਭੇਜ ਸਕਦੇ ਹੋ ਅਤੇ ਇੱਕ ਵਾਰ ਵਿੱਚ 5 ਲੱਖ ਰੁਪਏ ਤੱਕ ਭੇਜੇ ਜਾ ਸਕਦੇ ਹਨ।

SBI ਵੱਲੋਂ ਕੀਤਾ ਗਿਆ ਬਦਲਾਅ ਸਿਰਫ਼ ਆਨਲਾਈਨ ਲੈਣ-ਦੇਣ 'ਤੇ ਲਾਗੂ ਹੋਵੇਗਾ। ਕੁਝ ਲੈਣ-ਦੇਣ ਸਲੈਬਾਂ 'ਚ ਛੋਟੇ-ਮੋਟੇ ਚਾਰਜ ਜੋੜੇ ਜਾਣਗੇ।

ਹਾਲਾਂਕਿ, ਕੁਝ ਖਾਸ ਖਾਤਿਆਂ 'ਤੇ ਇਹ ਫੀਸ ਨਹੀਂ ਲਗੇਗੀ। ਬੈਂਕ ਨੇ ਹਰ ਸਲੈਬ ਲਈ ਵੱਖ-ਵੱਖ ਫੀਸਾਂ ਦਾ ਨਿਰਧਾਰਨ ਕੀਤਾ ਹੈ।

ਜੇਕਰ ਤੁਸੀਂ ਇੰਟਰਨੈੱਟ ਬੈਂਕਿੰਗ, ਮੋਬਾਈਲ ਬੈਂਕਿੰਗ ਜਾਂ UPI ਰਾਹੀਂ IMPS ਟ੍ਰਾਂਸਫਰ ਕਰਦੇ ਹੋ, ਤਾਂ ਹੁਣ ਤੁਹਾਨੂੰ ਫੀਸ ਦੇਣੀ ਪਵੇਗੀ।

ਨਵੇਂ ਨਿਯਮ ਅਨੁਸਾਰ 25,000 ਰੁਪਏ ਤੱਕ ਦੇ ਲੈਣ-ਦੇਣ 'ਤੇ ਕੋਈ ਚਾਰਜ ਨਹੀਂ ਲੱਗੇਗਾ।

25,001 ਰੁਪਏ ਤੋਂ 1 ਲੱਖ ਰੁਪਏ ਤੱਕ 2 ਰੁਪਏ + GST, 1 ਲੱਖ ਰੁਪਏ ਤੋਂ 2 ਲੱਖ ਰੁਪਏ ਤੱਕ 6 ਰੁਪਏ + GST

2 ਲੱਖ ਰੁਪਏ ਤੋਂ 5 ਲੱਖ ਰੁਪਏ ਤੱਕ 10 ਰੁਪਏ + GST ਵਸੂਲਿਆ ਜਾਵੇਗਾ।

ਪਹਿਲਾਂ ਇਹ ਸਾਰੇ ਆਨਲਾਈਨ ਲੈਣ-ਦੇਣ ਪੂਰੀ ਤਰ੍ਹਾਂ ਮੁਫ਼ਤ ਸਨ ਪਰ ਹੁਣ ਹਰ ਸਲੈਬ 'ਤੇ ਚਾਰਜ ਲਾਗੂ ਹੋਣਗੇ।

ਇਹ ਚਾਰਜ ਸਰਕਾਰੀ ਜਾਂ ਨਿੱਜੀ ਸੰਸਥਾਵਾਂ ਦੇ ਵਿਸ਼ੇਸ਼ ਤਨਖਾਹ ਪੈਕੇਜ ਖਾਤੇ (ਜਿਵੇਂ ਕਿ DSP, CGSP, PSP, RSP, CSP, SGSP, ICGSP, SUSP) ਵਾਲੇ ਗਾਹਕਾਂ 'ਤੇ ਲਾਗੂ ਨਹੀਂ ਹੋਵੇਗਾ।

ਸ਼ਾਖਾ ਤੋਂ IMPS ਕਰਨ ਲਈ, ਪਹਿਲਾਂ ਵਾਂਗ 2 ਰੁਪਏ ਤੋਂ 20 ਰੁਪਏ + GST ਦਾ ਚਾਰਜ ਵਸੂਲਿਆ ਜਾਵੇਗਾ, ਜੋ ਕਿ ਟ੍ਰਾਂਸਫਰ ਰਕਮ 'ਤੇ ਨਿਰਭਰ ਕਰਦਾ ਹੈ।