ਘਰੇਲੂ ਫਿਊਚਰ ਮਾਰਕੀਟ 'ਚ ਐਤਵਾਰ ਵਾਲੇ ਦਿਨ ਯਾਨੀਕਿ 1 ਫਰਵਰੀ ਨੂੰ ਸੋਨੇ ਦੀਆਂ ਕੀਮਤਾਂ ਵਿੱਚ ਕਾਫ਼ੀ ਕਟੌਤੀ ਦੇਖਣ ਨੂੰ ਮਿਲੀ। ਮਲਟੀ ਕਮੋਡੀਟੀ ਐਕਸਚੇਂਜ (MCX) ‘ਤੇ 5 ਫਰਵਰੀ, 2026 ਦੇ ਫਿਊਚਰ ਵਾਲਾ ਸੋਨਾ 1,45,164 ਰੁਪਏ (ਪ੍ਰਤੀ 10 ਗ੍ਰਾਮ) ‘ਤੇ ਓਪਨ ਹੋਇਆ।

ਇਸ ਦੇ ਆਖ਼ਰੀ ਕਾਰੋਬਾਰੀ ਦਿਨ MCX ‘ਤੇ ਸੋਨਾ 1,49,653 ਰੁਪਏ ‘ਤੇ ਟ੍ਰੇਡ ਕਰਦੇ ਹੋਏ ਬੰਦ ਹੋਇਆ ਸੀ।

1 ਫਰਵਰੀ ਨੂੰ MCX ‘ਤੇ ਸੋਨੇ ਅਤੇ ਚਾਂਦੀ ਦੇ ਭਾਅ ਵਿੱਚ ਜ਼ੋਰਦਾਰ ਘਟਾਅ ਦੇਖਣ ਨੂੰ ਮਿਲ ਰਿਹਾ ਹੈ।

ਖਾਸ ਕਰਕੇ ਚਾਂਦੀ ਦੀਆਂ ਕੀਮਤਾਂ ਵਿੱਚ ਕਾਫ਼ੀ ਕਟੌਤੀ ਦੇਖਣ ਨੂੰ ਮਿਲੀ ਹੈ। MCX ‘ਤੇ ਚਾਂਦੀ ਫਿਊਚਰ ਵਾਇਦਾ ਲਗਭਗ 6% ਤੱਕ ਡਿੱਗ ਗਿਆ ਹੈ।

1 ਫਰਵਰੀ ਦੀ ਸਵੇਰੇ 11:10 ਵਜੇ, MCX ‘ਤੇ 5 ਮਾਰਚ ਦੇ ਐਕਸਪਾਇਰੀ ਵਾਲੇ ਚਾਂਦੀ ਫਿਊਚਰ ਦਾ ਭਾਅ 2,66,130 ਰੁਪਏ ‘ਤੇ ਟ੍ਰੇਡ ਕਰ ਰਿਹਾ ਸੀ।

ਇਹ ਪਿਛਲੇ ਦਿਨ ਦੇ ਬੰਦ ਕੀਮਤ ਨਾਲ ਲਗਭਗ 25,800 ਰੁਪਏ ਦੀ ਗਿਰਾਵਟ ਦਰਸਾਉਂਦਾ ਹੈ। ਸ਼ੁਰੂਆਤੀ ਕਾਰੋਬਾਰ ਵਿੱਚ MCX ਚਾਂਦੀ 2,84,826 ਰੁਪਏ ਦੇ ਉੱਚ ਸਤਰ ‘ਤੇ ਪਹੁੰਚੀ ਸੀ।

ਦਿੱਲੀ ਵਿੱਚ ਸੋਨੇ ਦੇ ਦਾਮ (ਪ੍ਰਤੀ 10 ਗ੍ਰਾਮ): 24 ਕੇਰਟ: 1,60,730 ਰੁਪਏ, 22 ਕੇਰਟ: 1,47,350 ਰੁਪਏ, 18 ਕੇਰਟ: 1,20,590 ਰੁਪਏ

ਗੁੱਡ ਰਿਟਰਨ ਮੁਤਾਬਕ ਦੇਸ਼ ਦੀ ਰਾਜਧਾਨੀ ਦਿੱਲੀ 'ਚ ਐਤਵਾਰ 1 ਫਰਵਰੀ ਨੂੰ 100 ਗ੍ਰਾਮ ਚਾਂਦੀ ਖਰੀਦਣ ਲਈ 35,000 ਰੁਪਏ ਖਰਚ ਕਰਨੇ ਪੈਣਗੇ।

ਚਾਂਦੀ ਦੇ ਨਾਲ-ਨਾਲ ਅੱਜ ਸੋਨੇ ਦੀਆਂ ਕੀਮਤਾਂ 'ਚ ਵੀ ਗਿਰਾਵਟ ਦੇਖਣ ਨੂੰ ਮਿਲ ਰਹੀ ਹੈ।