IND vs ENG 3rd Test Yashasvi Jaiswal Double Century: ਭਾਰਤ ਨੇ ਰਾਜਕੋਟ ਟੈਸਟ 'ਚ ਇੰਗਲੈਂਡ ਨੂੰ ਵੱਡੇ ਫਰਕ ਨਾਲ ਹਰਾਇਆ।

ਬੇਨ ਸਟੋਕਸ ਦੀ ਅਗਵਾਈ ਵਾਲੀ ਬ੍ਰਿਟਿਸ਼ ਟੀਮ ਨੂੰ 434 ਦੌੜਾਂ ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਭਾਰਤ ਨੇ ਆਪਣੀ ਦੂਜੀ ਪਾਰੀ 4 ਵਿਕਟਾਂ 'ਤੇ 430 ਦੌੜਾਂ 'ਤੇ ਐਲਾਨ ਦਿੱਤੀ।

ਇਸ ਤਰ੍ਹਾਂ ਇੰਗਲੈਂਡ ਦੇ ਸਾਹਮਣੇ 557 ਦੌੜਾਂ ਦਾ ਵੱਡਾ ਟੀਚਾ ਸੀ। ਪਰ ਇੰਗਲੈਂਡ ਦੀ ਪੂਰੀ ਟੀਮ ਸਿਰਫ਼ 122 ਦੌੜਾਂ ਤੱਕ ਹੀ ਸਿਮਟ ਗਈ। ਇਸ ਦੇ ਨਾਲ ਹੀ ਇਸ ਜਿੱਤ ਤੋਂ ਬਾਅਦ ਭਾਰਤੀ ਟੀਮ 5 ਟੈਸਟ ਮੈਚਾਂ ਦੀ ਸੀਰੀਜ਼ 'ਚ 2-1 ਨਾਲ ਅੱਗੇ ਹੈ।

ਤੀਜੇ ਟੈਸਟ 'ਚ ਟੀਮ ਇੰਡੀਆ ਦੀ ਜਿੱਤ 'ਤੇ ਸਾਬਕਾ ਭਾਰਤੀ ਬੱਲੇਬਾਜ਼ ਵਸੀਮ ਜਾਫਰ ਦੀ ਪੋਸਟ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ।

ਯਸ਼ਸਵੀ ਜੈਸਵਾਲ ਦੀ ਉਮਰ ਸਿਰਫ 22 ਸਾਲ ਦੀ ਹੈ ਅਤੇ ਉਸ ਨੇ ਛੋਟੀ ਉਮਰ 'ਚ ਹੀ ਟੈਸਟ ਕ੍ਰਿਕਟ 'ਚ ਕਈ ਵੱਡੇ ਰਿਕਾਰਡ ਬਣਾਏ ਹਨ।

ਉਸ ਨੇ ਇੰਗਲੈਂਡ ਖਿਲਾਫ ਤੀਜੇ ਟੈਸਟ ਮੈਚ 'ਚ 214 ਦੌੜਾਂ ਦੀ ਪਾਰੀ ਖੇਡੀ ਸੀ। ਜੈਸਵਾਲ ਦੇ ਕਰੀਅਰ ਦਾ ਇਹ ਤੀਜਾ ਸੈਂਕੜਾ ਹੈ। ਖਾਸ ਗੱਲ ਇਹ ਹੈ ਕਿ ਜਦੋਂ ਵੀ ਉਸ ਨੇ ਸੈਂਕੜਾ ਲਗਾਇਆ ਹੈ ਤਾਂ ਉਸ ਨੇ 150 ਤੋਂ ਵੱਧ ਦੌੜਾਂ ਦੀ ਪਾਰੀ ਖੇਡੀ ਹੈ।

ਉਹ ਆਪਣੇ ਪਹਿਲੇ ਤਿੰਨ ਸੈਂਕੜੇ ਨੂੰ 150 ਤੋਂ ਵੱਧ ਦੇ ਸਕੋਰ ਵਿੱਚ ਬਦਲਣ ਵਾਲਾ ਪਹਿਲਾ ਭਾਰਤੀ ਖਿਡਾਰੀ ਬਣ ਗਿਆ ਹੈ। ਕੁੱਲ ਮਿਲਾ ਕੇ ਉਹ ਸੱਤਵਾਂ ਖਿਡਾਰੀ ਹੈ।

ਦੱਖਣੀ ਅਫ਼ਰੀਕਾ ਦੇ ਸਾਬਕਾ ਕਪਤਾਨ ਗ੍ਰੀਮ ਸਮਿਥ ਦੁਨੀਆ ਦੇ ਇਕਲੌਤੇ ਅਜਿਹੇ ਕ੍ਰਿਕਟਰ ਹਨ ਜਿਨ੍ਹਾਂ ਨੇ ਆਪਣੇ ਪਹਿਲੇ ਚਾਰ ਸੈਂਕੜਿਆਂ ਨੂੰ 150 ਤੋਂ ਵੱਧ ਦੇ ਸਕੋਰ ਵਿੱਚ ਬਦਲ ਦਿੱਤਾ ਹੈ।

ਯਸ਼ਸਵੀ ਜੈਸਵਾਲ ਨੇ ਪਿਛਲੇ ਸਾਲ ਵੈਸਟਇੰਡੀਜ਼ ਖਿਲਾਫ ਡੈਬਿਊ ਕੀਤਾ ਸੀ। ਉਸ ਨੇ ਆਪਣੇ ਡੈਬਿਊ ਵਿੱਚ ਹੀ 173 ਦੌੜਾਂ ਦੀ ਪਾਰੀ ਖੇਡੀ ਸੀ।

ਇਸ ਤੋਂ ਬਾਅਦ ਇੰਗਲੈਂਡ ਦੇ ਖਿਲਾਫ ਦੂਜੇ ਟੈਸਟ 'ਚ 209 ਦੌੜਾਂ ਅਤੇ ਤੀਜੇ ਟੈਸਟ ਮੈਚ 'ਚ 214 ਦੌੜਾਂ ਬਣਾਈਆਂ। ਹੁਣ ਤੱਕ ਉਸ ਨੇ ਭਾਰਤ ਲਈ 13 ਟੈਸਟ ਪਾਰੀਆਂ 'ਚ ਕੁੱਲ 861 ਦੌੜਾਂ ਬਣਾਈਆਂ ਹਨ।

ਜਦੋਂ ਜੈਸਵਾਲ ਕ੍ਰੀਜ਼ 'ਤੇ ਸੈਟਲ ਹੁੰਦਾ ਹੈ, ਉਹ ਧਮਾਕੇਦਾਰ ਬੱਲੇਬਾਜ਼ੀ ਕਰਦਾ ਹੈ।