T20 World Cup: ਆਈਪੀਐੱਲ 2024 ਸੀਜ਼ਨ 17 ਨੂੰ ਉਸਦਾ ਚੈਪੀਅਨ ਮਿਲਣ ਤੋਂ ਬਾਅਦ ਹੁਣ ਪ੍ਰਸ਼ੰਸਕਾਂ ਵਿਚਾਲੇ ਟੀ-20 ਵਿਸ਼ਵ ਕੱਪ 2024 ਨੂੰ ਲੈ ਹਲਚਲ ਮੱਚ ਗਈ ਹੈ।

ਦੱਸ ਦੇਈਏ ਕਿ ਅਮਰੀਕਾ ਅਤੇ ਵੈਸਟਇੰਡੀਜ਼ ਦੀ ਮੇਜ਼ਬਾਨੀ 'ਚ ਹੋਣ ਵਾਲੇ ਟੀ-20 ਵਿਸ਼ਵ ਕੱਪ 2024 ਦੇ ਸ਼ੁਰੂ ਹੋਣ 'ਚ ਹੁਣ ਸਿਰਫ 5 ਦਿਨ ਬਾਕੀ ਹਨ।

ਟੀ-20 ਵਿਸ਼ਵ ਕੱਪ ਦੀ ਸ਼ੁਰੂਆਤ ਅਮਰੀਕਾ ਅਤੇ ਕੈਨੇਡਾ ਦੇ ਮੈਚ ਨਾਲ ਹੋਣੀ ਹੈ। ਇਸ ਵਿਚਾਲੇ ਬੁਰੀ ਖਬਰ ਸਾਹਮਣੇ ਆ ਰਹੀ ਹੈ।

ਦਰਅਸਲ, ਟੀਮ ਇੰਡੀਆ 1 ਜੂਨ ਨੂੰ ਬੰਗਲਾਦੇਸ਼ ਨਾਲ ਅਭਿਆਸ ਮੈਚ ਖੇਡੇਗੀ। ਟੀ-20 ਵਿਸ਼ਵ ਕੱਪ ਲਈ ਟੀਮ ਇੰਡੀਆ ਦੇ ਕਈ ਖਿਡਾਰੀ 25 ਮਈ ਨੂੰ ਅਮਰੀਕਾ ਲਈ ਰਵਾਨਾ ਹੋਏ ਸਨ।

ਹਾਲਾਂਕਿ ਟੀਮ ਇੰਡੀਆ ਦੇ ਅਮਰੀਕਾ ਪਹੁੰਚਦੇ ਹੀ ਇੱਕ ਵੱਡੀ ਖਬਰ ਸਾਹਮਣੇ ਆਈ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਟੀ-20 ਵਿਸ਼ਵ ਕੱਪ ਤੋਂ ਪਹਿਲਾਂ ਹੀ ਇਕ ਆਲਰਾਊਂਡਰ ਖਿਡਾਰੀ ਜ਼ਖਮੀ ਹੋ ਗਿਆ ਸੀ ਅਤੇ ਟੀ-20 ਵਿਸ਼ਵ ਕੱਪ ਤੋਂ ਬਾਹਰ ਹੋ ਗਿਆ।

ਟੀ-20 ਵਿਸ਼ਵ ਕੱਪ ਸ਼ੁਰੂ ਹੋਣ ਤੋਂ ਪਹਿਲਾਂ ਸਾਰੇ ਕ੍ਰਿਕਟ ਪ੍ਰਸ਼ੰਸਕਾਂ ਲਈ ਇੱਕ ਬੁਰੀ ਖ਼ਬਰ ਆਈ ਹੈ। ਕਿਉਂਕਿ, ਵੈਸਟਇੰਡੀਜ਼ ਟੀਮ ਦੇ ਸਟਾਰ ਖਿਡਾਰੀ ਜੇਸਨ ਹੋਲਡਰ ਸੱਟ ਕਾਰਨ ਟੀ-20 ਵਿਸ਼ਵ ਕੱਪ ਤੋਂ ਬਾਹਰ ਹੋ ਗਏ ਹਨ।

ਜਿਸ ਕਾਰਨ ਮੇਜ਼ਬਾਨ ਦੇਸ਼ ਵੈਸਟਇੰਡੀਜ਼ ਨੂੰ ਵੱਡਾ ਝਟਕਾ ਲੱਗਾ ਹੈ। ਹੋਲਡਰ ਵੈਸਟਇੰਡੀਜ਼ ਟੀਮ ਦੇ ਸੀਨੀਅਰ ਖਿਡਾਰੀ ਹਨ ਅਤੇ ਉਨ੍ਹਾਂ ਦੇ ਤਜ਼ਰਬੇ ਕਾਰਨ ਟੀਮ ਇਸ ਵਾਰ ਟੀ-20 ਵਿਸ਼ਵ ਕੱਪ ਜਿੱਤ ਸਕਦੀ ਸੀ।

ਪਰ ਕਾਊਂਟੀ ਚੈਂਪੀਅਨਸ਼ਿਪ 'ਚ ਖੇਡ ਰਹੇ ਹੋਲਡਰ ਜ਼ਖਮੀ ਹੋ ਗਏ ਅਤੇ ਟੀ-20 ਵਿਸ਼ਵ ਕੱਪ 'ਚੋਂ ਪੂਰੀ ਤਰ੍ਹਾਂ ਬਾਹਰ ਹੋ ਗਏ।

ਵੈਸਟਇੰਡੀਜ਼ ਦੀ ਟੀਮ ਨੇ ਜੇਸਨ ਹੋਲਡਰ ਦੀ ਜਗ੍ਹਾ ਟੀ-20 ਵਿਸ਼ਵ ਕੱਪ 2024 ਵਿੱਚ ਓਬੇਡ ਮੈਕਕੋਏ ਨੂੰ ਚੁਣਿਆ ਹੈ। ਵੈਸਟਇੰਡੀਜ਼ ਨੇ ਇੱਕ ਪ੍ਰੈਸ ਬਿਆਨ ਜਾਰੀ ਕਰਕੇ ਸਭ ਨੂੰ ਇਸ ਬਾਰੇ ਜਾਣਕਾਰੀ ਦਿੱਤੀ।

ਪ੍ਰੈਸ ਰਿਲੀਜ਼ ਵਿੱਚ ਕਿਹਾ ਗਿਆ ਹੈ, 'ਹਾਲਾਂਕਿ, ਜੇਸਨ ਹੋਲਡਰ ਦੇ ਕੈਲੀਬਰ ਦੇ ਖਿਡਾਰੀ ਨੂੰ ਗੁਆਉਣਾ ਮੰਦਭਾਗਾ ਹੈ। ਸਾਨੂੰ ਓਬੇਦ ਮੈਕਕੋਏ ਦੀਆਂ ਕਾਬਲੀਅਤਾਂ ਵਿੱਚ ਭਰੋਸਾ ਹੈ।

ਓਬੇਦ ਨੇ ਆਪਣੇ ਪ੍ਰਦਰਸ਼ਨ ਵਿੱਚ ਕਮਾਲ ਦਾ ਹੁਨਰ ਅਤੇ ਵਾਅਦਾ ਦਿਖਾਇਆ ਹੈ ਅਤੇ ਇਹ ਮੌਕਾ ਉਸਨੂੰ ਅੰਤਰਰਾਸ਼ਟਰੀ ਮੰਚ 'ਤੇ ਆਪਣੀ ਪ੍ਰਤਿਭਾ ਦਾ ਪ੍ਰਦਰਸ਼ਨ ਕਰਨ ਦਾ ਮੌਕਾ ਦੇਵੇਗਾ।'

ਰੋਵਮੈਨ ਪਾਵੇਲ (ਕਪਤਾਨ), ਅਲਜ਼ਾਰੀ ਜੋਸੇਫ (ਉਪ-ਕਪਤਾਨ), ਜੌਹਨਸਨ ਚਾਰਲਸ, ਰੋਸਟਨ ਚੇਜ਼, ਸ਼ਿਮਰੋਨ ਹੇਟਮਾਇਰ, ਸ਼ਾਈ ਹੋਪ, ਅਕੇਲ ਹੋਸੀਨ, ਸ਼ਮਰ ਜੋਸੇਫ, ਬ੍ਰੈਂਡਨ ਕਿੰਗ, ਓਬੇਦ ਮੈਕਕੋਏ, ਗੁਡਾਕੇਸ਼ ਮੋਤੀ, ਨਿਕੋਲਸ ਪੂਰਨ, ਆਂਦਰੇ ਰਸਲ, ਸ਼ੇਰਫੇਨ ਰਦਰਫੋਰਡ, ਰੋਮਾਰੀਓ ਸ਼ੈਫਰਡ।