Public Holiday: ਨਵਰਾਤਰੀ ਦੇ ਤਿਓਹਾਰ ਵਿਚਾਲੇ ਵਿਦਿਆਰਥੀਆਂ ਅਤੇ ਮੁਲਾਜ਼ਮਾਂ ਲਈ ਅਹਿਮ ਖਬਰ ਸਾਹਮਣੇ ਆ ਰਹੀ ਹੈ। ਦੱਸ ਦੇਈਏ ਕਿ ਸੋਮਵਾਰ ਯਾਨੀ 19 ਅਕਤੂਬਰ ਦੇਸ਼ ਦੇ ਕਈ ਸੂਬਿਆਂ ਵਿੱਚ ਜਨਤਕ ਛੁੱਟੀ ਰਹੇਗੀ।

ਇਸ ਵਾਰ ਅਸ਼ਟਮੀ ਅਤੇ ਨਵਮੀ ਇੱਕੋ ਦਿਨ ਪੈ ਰਹੀ ਹੈ। ਇਸ ਲਈ ਕੰਚਕ ਪੂਜਣ ਵੀ ਸੋਮਵਾਰ ਨੂੰ ਹੋਵੇਗਾ। ਜਿਸਦੇ ਚਲਦਿਆਂ ਸੋਮਵਾਰ ਨੂੰ ਜਨਤਕ ਛੁੱਟੀ ਦਾ ਐਲਾਨ ਕੀਤਾ ਹੈ।

19 ਅਕਤੂਬਰ ਸੋਮਵਾਰ ਨੂੰ ਕਈ ਸੂਬਿਆਂ ਵਿੱਚ ਜਨਤਕ ਛੁੱਟੀ ਐਲਾਨ ਕੀਤੀ ਗਈ ਹੈ। 1881 ਦੇ ਨੈਗੋਸ਼ੀਏਬਲ ਇੰਸਟਰੂਮੈਂਟਸ ਐਕਟ ਅਨੁਸਾਰ ਸਰਕਾਰ ਛੁੱਟੀ ਦਾ ਐਲਾਨ ਕਰਦੀ ਹੈ। ਇਸ ਸੰਬੰਧੀ ਸਰਕਾਰੀ ਆਦੇਸ਼ ਜਲਦੀ ਜਾਰੀ ਹੋਵੇਗਾ।

ਸਰਕਾਰੀ ਸੂਤਰਾਂ ਨੇ ਇਹ ਜਾਣਕਾਰੀ ਦਿੱਤੀ। 19 ਅਕਤੂਬਰ ਨੂੰ ਛੁੱਟੀ ਪੈਣ ਨਾਲ ਲਗਾਤਾਰ 3 ਦਿਨ ਛੁੱਟੀ ਮਿਲੇਗੀ। 18 ਅਕਤੂਬਰ ਐਤਵਾਰ ਵੀਕਐਂਡ ਛੁੱਟੀ, 19 ਸੋਮਵਾਰ ਨਵਰਾਤਰੀ ਜਨਤਕ ਛੁੱਟੀ ਅਤੇ 20 ਮੰਗਲਵਾਰ ਨੂੰ ਦੁਸਹਿਰੇ ਦੀ ਛੁੱਟੀ 21 ਬੁੱਧਵਾਰ ਵਿਜੈਦਸ਼ਮੀ ਹੈ।

ਸਰਕਾਰੀ, ਅਰਧ-ਸਰਕਾਰੀ ਸੰਸਥਾਵਾਂ, ਪਬਲਿਕ ਸੈਕਟਰ ਸੰਸਥਾਵਾਂ ਅਤੇ ਸਿੱਖਿਆ ਸੰਸਥਾਵਾਂ ਲਈ ਛੁੱਟੀ ਦਾ ਦਾਇਰਾ ਸਰਕਾਰੀ ਆਦੇਸ਼ ਦੀਆਂ ਸ਼ਰਤਾਂ ਅਨੁਸਾਰ ਤੈਅ ਕੀਤਾ ਜਾਵੇਗਾ।

ਚੈੱਕ, ਪ੍ਰੋਮਿਸਰੀ ਨੋਟ, ਬਿਲ ਆਫ ਐਕਸਚੇਂਜ ਆਦਿ ਵਿੱਤੀ ਦਸਤਾਵੇਜ਼ਾਂ ਦੇ ਲੈਣ-ਦੇਣ ਨੂੰ ਨਿਯੰਤ੍ਰਿਤ ਕਰਨ ਵਾਲਾ ਕਾਨੂੰਨ 1881 ਦਾ ਨੈਗੋਸ਼ੀਏਬਲ ਇੰਸਟਰੂਮੈਂਟਸ ਐਕਟ ਹੈ।

ਬੈਂਕਿੰਗ ਲੈਣ-ਦੇਣ ਅਤੇ ਜਨਤਕ ਛੁੱਟੀ ਐਲਾਨਾਂ ਵਿਚ ਇਸ ਕਾਨੂੰਨ ਦਾ ਵੱਡਾ ਮਹੱਤਵ ਹੈ। ਇਸ ਕਾਨੂੰਨ ਦੀ ਧਾਰਾ 25 ਅਨੁਸਾਰ ਐਤਵਾਰਾਂ ਅਤੇ ਕੇਂਦਰ-ਰਾਜ ਸਰਕਾਰਾਂ ਵੱਲੋਂ ਵਿਗਿਆਪਿਤ ਕੀਤੇ ਦਿਨਾਂ ਨੂੰ ਜਨਤਕ ਛੁੱਟੀ ਵਜੋਂ ਮਾਨਤਾ ਦਿੱਤੀ ਜਾ ਸਕਦੀ ਹੈ।

ਨੈਗੋਸ਼ੀਏਬਲ ਇੰਸਟਰੂਮੈਂਟਸ ਐਕਟ ਅਨੁਸਾਰ ਛੁੱਟੀ ਐਲਾਨਣ ਵੇਲੇ ਬੈਂਕਾਂ ਦਾ ਕੰਮਕਾਜ, ਚੈੱਕ ਕਲੀਅਰਿੰਗ ਆਦਿ ਬੈਂਕਿੰਗ ਲੈਣ-ਦੇਣ ਉਸ ਦਿਨ ਨਹੀਂ ਹੋਣਗੇ।

ਇਸ ਦੇ ਨਾਲ ਹੀ, ਇਸ ਕਾਨੂੰਨ ਅਨੁਸਾਰ ਛੁੱਟੀ ਦਾ ਐਲਾਨ ਹੋਣ ਮਾਤਰ ਇਹ ਸਾਰੀਆਂ ਪ੍ਰਾਈਵੇਟ ਸੰਸਥਾਵਾਂ ਲਈ ਲਾਜ਼ਮੀ ਨਹੀਂ ਹੁੰਦੀ। ਆਦੇਸ਼ ਵਿਚ ਦਿੱਤੇ ਨਿਰਦੇਸ਼ਾਂ ਅਨੁਸਾਰ ਹੀ ਹਰ ਖੇਤਰ ਵਿਚ ਛੁੱਟੀ ਲਾਗੂ ਹੋਵੇਗੀ।

ਦੱਸ ਦਈਏ ਕਿ ਪੰਜਾਬ ਸਰਕਾਰ ਵੱਲੋਂ ਅਜੇ ਤੱਕ ਅਜਿਹਾ ਕੋਈ ਐਲਾਨ ਨਹੀਂ ਕੀਤਾ ਗਿਆ ਹੈ। ਇਸ ਲਈ ਜਦੋਂ ਤੱਕ ਕੋਈ ਅਧਿਕਾਰਤ ਨੋਟੀਫਿਕੇਸ਼ਨ ਜਾਰੀ ਨਹੀਂ ਹੁੰਦਾ ਓਦੋਂ ਤੱਕ ਕਿਸੇ ਵੀ ਅਫਵਾਹ ਉਤੇ ਯਕੀਨ ਨਾ ਕੀਤਾ ਜਾਵੇ।