Public Holiday: ਜਨਵਰੀ ਤੋਂ ਬਾਅਦ ਫਰਵਰੀ ਮਹੀਨਾ ਵੀ ਤਿਉਹਾਰਾਂ ਨਾਲ ਭਰਪੂਰ ਰਿਹਾ। ਦੱਸ ਦੇਈਏ ਕਿ ਰਵੀਦਾਸ ਜਯੰਤੀ ਤੋਂ ਬਾਅਦ ਹੁਣ ਮਹਾਸ਼ਿਵਰਾਤਰੀ ਸਣੇ ਹੋਣ ਕਈ ਤਿਉਹਾਰਾਂ ਦੇ ਚਲਦਿਆਂ ਸਕੂਲ ਬੰਦ ਰਹਿਣਗੇ।

ਇਸਦੇ ਨਾਲ ਹੀ ਅਕਾਦਮਿਕ ਤੌਰ ਉਤੇ ਜ਼ਿਆਦਾਤਰ ਸਕੂਲਾਂ ਵਿੱਚ ਪ੍ਰੀ-ਬੋਰਡ, ਰੀਵਿਜ਼ਨ ਕਲਾਸਾਂ ਅਤੇ ਬੋਰਡ ਪ੍ਰੀਖਿਆ ਦੀਆਂ ਤਿਆਰੀਆਂ ਚੱਲ ਰਹੀਆਂ ਹਨ।

ਇਸ ਵਿਚਾਲੇ ਅਸੀ ਤੁਹਾਨੂੰ ਦੱਸਾਂਗੇ ਕਿ ਫਰਵਰੀ 2026 ਵਿੱਚ ਅਜਿਹੀਆਂ ਕਿਹੜੀਆਂ ਤਰੀਕਾਂ ਹਨ, ਜਿਨ੍ਹਾਂ ਉਤੇ ਕਈ ਸੂਬਿਆਂ ਵਿੱਚ ਸਕੂਲ ਬੰਦ ਹੋ ਸਕਦੇ ਹਨ।

ਫਰਵਰੀ 2026 ਵਿੱਚ ਆਉਣ ਵਾਲੇ ਮੁੱਖ ਤਿਉਹਾਰਾਂ ਅਤੇ ਮੌਕਿਆਂ ਉਤੇ ਕਈ ਰਾਜਾਂ ਵਿੱਚ ਛੁੱਟੀਆਂ ਆ ਰਹੀਆਂ ਹਨ। ਅੰਤਿਮ ਫੈਸਲਾ ਸੂਬਾ ਸਰਕਾਰ, ਸਿੱਖਿਆ ਵਿਭਾਗ, ਜਾਂ ਜ਼ਿਲ੍ਹਾ ਮੈਜਿਸਟ੍ਰੇਟ ਦੇ ਆਦੇਸ਼ 'ਤੇ ਨਿਰਭਰ ਕਰੇਗਾ।

ਜਾਣਕਾਰੀ ਲਈ ਦੱਸ ਦੇਈਏ ਕਿ ਬੰਗਾਲ ਸਰਕਾਰ ਨੇ ਸ਼ਬ-ਏ-ਬਾਰਾਤ ਮੌਕੇ 13 ਫਰਵਰੀ, ਵੀਰਵਾਰ ਨੂੰ ਛੁੱਟੀ ਦਾ ਐਲਾਨ ਕੀਤਾ ਹੈ। ਇਸ ਛੁੱਟੀ ਨਾਲ ਸੂਬਾ ਸਰਕਾਰ ਦੇ ਕਰਮਚਾਰੀਆਂ ਨੂੰ...

13 ਫਰਵਰੀ ਤੋਂ 16 ਫਰਵਰੀ ਤੱਕ ਚਾਰ ਦਿਨਾਂ ਦਾ ਲੰਬਾ ਵੀਕਐਂਡ ਮਿਲੇਗਾ। 14 ਫਰਵਰੀ ਨੂੰ ਠਾਕੁਰ ਪੰਚਾਨਨ ਬਰਮਾ ਜਯੰਤੀ ਕਾਰਨ ਪਹਿਲਾਂ ਹੀ ਛੁੱਟੀ ਘੋਸ਼ਿਤ ਕੀਤੀ ਗਈ ਹੈ।

ਇਸ ਤਰ੍ਹਾਂ 13 ਅਤੇ 14 ਫਰਵਰੀ ਨੂੰ ਐਲਾਨੀਆਂ ਗਈਆਂ ਛੁੱਟੀਆਂ ਦੇ ਨਾਲ, ਕਰਮਚਾਰੀਆਂ ਨੂੰ ਚਾਰ ਦਿਨ ਦੀ ਛੁੱਟੀ ਮਿਲੇਗੀ, ਜਿਸ ਵਿੱਚ ਸ਼ਨੀਵਾਰ ਅਤੇ ਐਤਵਾਰ ਦੀਆਂ ਨਿਯਮਤ ਛੁੱਟੀਆਂ ਸ਼ਾਮਲ ਹਨ।

ਇਸਦੇ ਨਾਲ ਹੀ ਰਾਜ ਵਿਧਾਨ ਸਭਾ ਦੀ ਕਾਰਵਾਈ ਵਿੱਚ ਵੀ ਬਦਲਾਅ ਕੀਤਾ ਗਿਆ ਹੈ। ਕਿਉਂਕਿ 13 ਫਰਵਰੀ ਸ਼ਬ-ਏ-ਬਰਾਤ ਕਾਰਨ ਛੁੱਟੀ ਹੈ, ਇਸ ਲਈ ਰਾਜਪਾਲ ਦੇ ਭਾਸ਼ਣ 'ਤੇ ਚਰਚਾ ਸੋਮਵਾਰ 17 ਫਰਵਰੀ ਨੂੰ ਹੋਵੇਗੀ।

ਇਸ ਤੋਂ ਬਾਅਦ 18 ਫਰਵਰੀ ਨੂੰ ਬਜਟ 'ਤੇ ਚਾਰ ਘੰਟੇ ਦੀ ਚਰਚਾ ਅਤੇ 19 ਫਰਵਰੀ ਨੂੰ ਤਿੰਨ ਘੰਟੇ ਦੀ ਚਰਚਾ ਹੋਵੇਗੀ। ਵਿਧਾਨ ਸਭਾ 16 ਫਰਵਰੀ ਤੱਕ ਬੰਦ ਰਹੇਗੀ।

ਇਸਦੇ ਨਾਲ ਹੀ ਦੱਸ ਦੇਈਏ ਕਿ ਕੇਂਦਰੀ ਸੈਕੰਡਰੀ ਸਿੱਖਿਆ ਬੋਰਡ (CBSE) ਦੇ ਅਨੁਸਾਰ 10ਵੀਂ ਅਤੇ 12ਵੀਂ ਜਮਾਤ ਦੀਆਂ ਬੋਰਡ ਪ੍ਰੀਖਿਆਵਾਂ 17 ਫਰਵਰੀ 2026 ਤੋਂ ਸ਼ੁਰੂ ਹੋਣ ਦੀ ਸੰਭਾਵਨਾ ਹੈ।