Hema Malini Birthday: ਬਾਲੀਵੁੱਡ ਦੀ ਡ੍ਰੀਮ ਗਰਲ ਵਜੋਂ ਮਸ਼ਹੂਰ ਹੇਮਾ ਮਾਲਿਨੀ ਅੱਜ ਆਪਣਾ 75ਵਾਂ ਜਨਮਦਿਨ ਮਨਾ ਰਹੀ ਹੈ।

ਇਸ ਖਾਸ ਮੌਕੇ 'ਤੇ ਉਨ੍ਹਾਂ ਦੀ ਵੱਡੀ ਬੇਟੀ ਬਾਲੀਵੁੱਡ ਅਭਿਨੇਤਰੀ ਈਸ਼ਾ ਦਿਓਲ ਨੇ ਆਪਣੀ ਮਾਂ ਨੂੰ ਜਨਮਦਿਨ ਦੀ ਖਾਸ ਸ਼ੁਭਕਾਮਨਾਵਾਂ ਦਿੱਤੀਆਂ ਹਨ।

ਈਸ਼ਾ ਨੇ ਹੇਮਾ ਮਾਲਿਨੀ ਨਾਲ ਕਈ ਤਸਵੀਰਾਂ ਸ਼ੇਅਰ ਕਰਦੇ ਹੋਏ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ 'ਤੇ ਇੱਕ ਖਾਸ ਨੋਟ ਲਿਖਿਆ ਹੈ। ਈਸ਼ਾ ਨੇ ਇਹ ਤਸਵੀਰਾਂ ਆਪਣੇ ਇੰਸਟਾਗ੍ਰਾਮ ਅਕਾਊਂਟ 'ਤੇ ਸ਼ੇਅਰ ਕੀਤੀਆਂ ਹਨ,

ਜਿਸ 'ਚ ਮਾਂ-ਧੀ ਦਾ ਬੇਹੱਦ ਖੂਬਸੂਰਤ ਬਾਡਿੰਗ ਵੇਖਣ ਨੂੰ ਮਿਲ ਰਹੀ ਹੈ। ਇਸ ਨੂੰ ਸ਼ੇਅਰ ਕਰਦੇ ਹੋਏ ਈਸ਼ਾ ਨੇ ਇੱਕ ਲੰਮਾ ਕੈਪਸ਼ਨ ਵੀ ਲਿਖਿਆ ਹੈ।

ਉਹ ਲਿਖਦੀ ਹੈ, 'ਜਨਮ ਦਿਨ ਮੁਬਾਰਕ ਮਾਂ।' ਅੱਜ ਅਤੇ ਹਮੇਸ਼ਾ ਮੈਂ ਤੁਹਾਨੂੰ ਸੈਲਿਬ੍ਰੇਟ ਕਰਦੀ ਰਹਾਂ। ਤੁਸੀਂ ਇੱਕ ਡਿਵਾਈਨ ਲੇਡੀ ਹੋ, ਜੋ ਹਮੇਸ਼ਾ ਆਪਣੀਆਂ ਸ਼ਰਤਾਂ 'ਤੇ ਜਿਉਂਦੀ ਆਈ ਹੈ।

ਤੁਸੀਂ ਇੱਕ ਪਾਵਰਹਾਊਸ, ਇੱਕ ਪਿਆਰੀ ਧੀ, ਪਤਨੀ, ਦਿਆਲੂ ਮਾਂ, ਪਿਆਰ ਕਰਨ ਵਾਲੀ ਦਾਦੀ, ਸ਼ਾਨਦਾਰ ਅਭਿਨੇਤਰੀ, ਸ਼ਾਨਦਾਰ ਡਾਂਸਰ, ਇਮਾਨਦਾਰ ਸਿਆਸਤਦਾਨ ਹੋ ਅਤੇ

ਲਿਸਟ ਵੱਧਦੀ ਜਾਵੇਗੀ। ਤੁਸੀਂ ਆਪਣੇ ਮਾਤਾ ਅਤੇ ਪਿਤਾ ਦੀ ਪਿਆਰੀ ਬੱਚੀ ਹੋ, ਜਿਸ ਨੂੰ ਅਸੀਂ ਸਾਰੇ ਪੂਜਦੇ ਹਾਂ। ਡਰੀਮ ਗਰਲ ਇੱਕ ਹੀ ਹੋ ਸਕਦੀ ਹੈ ਅਤੇ ਉਹ ਹੈ ਹੇਮਾ ਮਾਲਿਨੀ। ਆਈ ਲਵ ਯੂ...

ਦੱਸ ਦੇਈਏ ਕਿ 80 ਦੇ ਦਹਾਕੇ ਦੀਆਂ ਟਾਪ ਅਭਿਨੇਤਰੀਆਂ ਦੀ ਸੂਚੀ ਵਿੱਚ ਸ਼ਾਮਲ ਹੇਮਾ ਮਾਲਿਨੀ ਨੇ 100 ਤੋਂ ਵੱਧ ਫਿਲਮਾਂ ਵਿੱਚ ਕੰਮ ਕੀਤਾ ਹੈ। ਇੱਕ ਸਮਾਂ ਸੀ ਜਦੋਂ ਉਨ੍ਹਾਂ ਦਾ ਨਾਮ ਇੰਡਸਟਰੀ ਵਿੱਚ ਮਸ਼ਹੂਰ ਸੀ।

ਵੱਡੇ-ਵੱਡੇ ਨਿਰਦੇਸ਼ਕ-ਨਿਰਮਾਤਾ ਆਪਣੀਆਂ ਫਿਲਮਾਂ ਵਿੱਚ ਹੇਮਾ ਮਾਲਿਨੀ ਨੂੰ ਕਾਸਟ ਕਰਨਾ ਚਾਹੁੰਦੇ ਸਨ। ਅੱਜ ਵੀ ਉਸ ਦੀ ਬੇਮਿਸਾਲ ਖੂਬਸੂਰਤੀ ਦੇ ਲੱਖਾਂ ਪ੍ਰਸ਼ੰਸਕ ਹਨ।