ਘਰੇਲੂ ਸ਼ੇਅਰ ਬਾਜ਼ਾਰ (domestic stock market) ਦੀ ਸ਼ੁਰੂਆਤ ਸ਼ਾਨਦਾਰ ਰਹੀ ਹੈ ਤੇ ਕੱਲ੍ਹ ਸ਼ਾਮ ਬਾਜ਼ਾਰ 'ਚ ਵੇਖਣ ਨੂੰ ਮਿਲੀ ਤੇਜ਼ੀ ਦਾ ਰੁਝਾਨ ਅੱਜ ਵੀ ਜਾਰੀ ਹੈ।

ਬੈਂਕ ਨਿਫਟੀ ਅਤੇ ਆਟੋ ਸ਼ੇਅਰਾਂ 'ਚ ਤੇਜ਼ੀ ਨਾਲ ਬਾਜ਼ਾਰ ਨੂੰ ਸਮਰਥਨ ਮਿਲਿਆ ਹੈ।

ਬੈਂਕ ਸਟਾਕ ਦੀ ਸ਼ੁਰੂਆਤ ਵਾਧੇ ਦੇ ਨਾਲ ਹੋਈ ਸੀ ਪਰ ਬਾਜ਼ਾਰ ਖੁੱਲ੍ਹਣ ਦੇ ਅੱਧੇ ਘੰਟੇ ਬਾਅਦ ਬੈਂਕ ਸਟਾਕਾਂ 'ਚ ਵੀ ਤੇਜ਼ੀ ਦੇਖਣ ਨੂੰ ਮਿਲੀ।

ਬੀਐਸਈ ਦਾ ਸੈਂਸੈਕਸ 238.64 ਅੰਕ ਜਾਂ 0.33 ਫੀਸਦੀ ਦੇ ਵਾਧੇ ਨਾਲ 72,061 ਦੇ ਪੱਧਰ 'ਤੇ ਖੁੱਲ੍ਹਿਆ ਤੇ ਐਨਐਸਈ ਦਾ ਨਿਫਟੀ 66.50 ਅੰਕ ਜਾਂ 0.30 ਫੀਸਦੀ ਦੇ ਵਾਧੇ ਨਾਲ 21,906 ਦੇ ਪੱਧਰ 'ਤੇ ਖੁੱਲ੍ਹਿਆ।

ਸਵੇਰੇ 9.35 ਵਜੇ, NSE ਨਿਫਟੀ ਦੇ 50 ਵਿੱਚੋਂ 30 ਸਟਾਕ ਵਧਦੇ ਨਜ਼ਰ ਆ ਰਹੇ ਹਨ ਅਤੇ 20 ਸਟਾਕ ਗਿਰਾਵਟ ਦੇ ਨਾਲ ਕਾਰੋਬਾਰ ਕਰ ਰਹੇ ਹਨ।

ਸੈਂਸੈਕਸ ਦੇ 30 ਸਟਾਕਾਂ 'ਚੋਂ 15 ਵਾਧੇ ਨਾਲ ਅਤੇ 15 ਗਿਰਾਵਟ ਨਾਲ ਕਾਰੋਬਾਰ ਕਰ ਰਹੇ ਹਨ।

ਅੱਜ M&M ਸ਼ੇਅਰ ਸੈਂਸੈਕਸ ਵਿੱਚ ਸਭ ਤੋਂ ਵੱਧ ਲਾਭਕਾਰੀ ਹੈ ਤੇ 3.68 ਪ੍ਰਤੀਸ਼ਤ ਦੇ ਵਾਧੇ ਨਾਲ ਵਪਾਰ ਕਰ ਰਿਹਾ ਹੈ।

NTPC 1.51 ਫੀਸਦੀ ਅਤੇ ਟਾਟਾ ਸਟੀਲ 1.13 ਫੀਸਦੀ ਚੜ੍ਹਿਆ ਹੈ। ਵਿਪਰੋ 'ਚ 1.01 ਫੀਸਦੀ ਦਾ ਵਾਧਾ ਜਾਰੀ ਹੈ।

ਬੀਐਸਈ 'ਤੇ ਕੁੱਲ 3074 ਸ਼ੇਅਰਾਂ ਦਾ ਕਾਰੋਬਾਰ ਹੋ ਰਿਹਾ ਹੈ ਤੇ ਇਨ੍ਹਾਂ ਵਿੱਚੋਂ 2221 ਸ਼ੇਅਰ ਵਧ ਰਹੇ ਹਨ ਤੇ 774 ਸ਼ੇਅਰ ਘਟ ਰਹੇ ਹਨ।

74 ਸ਼ੇਅਰ ਬਿਨਾਂ ਕਿਸੇ ਬਦਲਾਅ ਦੇ ਕਾਰੋਬਾਰ ਕਰ ਰਹੇ ਹਨ। 165 ਸ਼ੇਅਰਾਂ ਵਿੱਚ ਅੱਪਰ ਸਰਕਟ ਅਤੇ 88 ਸ਼ੇਅਰਾਂ ਵਿੱਚ ਲੋਅਰ ਸਰਕਟ ਲਗਾਇਆ ਗਿਆ ਹੈ।