ਗੰਨੇ ਦਾ ਰਸ ਇਕ ਕੁਦਰਤੀ, ਮਿੱਠਾ ਤੇ ਠੰਡਕਦਾਇਕ ਪੀਣ ਵਾਲਾ ਪਦਾਰਥ ਹੈ ਜੋ ਗੰਨੇ ਤੋਂ ਨਿਕਲਦਾ ਹੈ। ਗੰਨੇ ਦੇ ਰਸ ਨੂੰ ਆਮ ਤੌਰ 'ਤੇ ਗਰਮੀ ਦੇ ਮੌਸਮ ’ਚ ਪੀਤਾ ਜਾਂਦਾ ਹੈ ਕਿਉਂਕਿ ਇਹ ਸਰੀਰ ਨੂੰ ਤੁਰੰਤ ਊਰਜਾ ਅਤੇ ਠੰਡਕ ਪ੍ਰਦਾਨ ਕਰਦਾ ਹੈ।

ਗੰਨੇ ਦਾ ਰਸ ਲਿਵਰ ਦੀ ਕਾਰਗੁਜ਼ਾਰੀ ਨੂੰ ਸੁਧਾਰਦਾ ਹੈ ਅਤੇ ਪੀਲੀਆ ਵਰਗੀਆਂ ਬਿਮਾਰੀਆਂ ’ਚ ਲਾਭਕਾਰੀ ਮੰਨਿਆ ਜਾਂਦਾ ਹੈ।

ਇਹ ਕੁਦਰਤੀ ਗਲੂਕੋਜ਼ ਨਾਲ ਭਰਪੂਰ ਹੁੰਦਾ ਹੈ ਜੋ ਥਕਾਵਟ ਦੂਰ ਕਰਦਾ ਹੈ ਅਤੇ ਤੁਰੰਤ ਊਰਜਾ ਦਿੰਦਾ ਹੈ।

ਇਹ ਕੁਦਰਤੀ ਡਾਇਯੂਰੇਟਿਕ ਚੀਜ਼ ਹੈ ਜੋ ਯੂਰੀਨ ਇਨਫੈਕਸ਼ਨ ਅਤੇ ਕਮਜ਼ੋਰੀ ਨੂੰ ਦੂਰ ਕਰਦਾ ਹੈ।

ਗੰਨੇ ਦਾ ਰਸ ਪੇਟ ਦੀ ਅਮਲਤਾ ਘਟਾਉਂਦਾ ਹੈ, ਗੈਸ, ਅਜੀਰਨ ਅਤੇ ਐਸਿਡਿਟੀ ਤੋਂ ਰਾਹਤ ਦਿੰਦਾ ਹੈ।

ਗੰਨੇ ’ਚ ਕੈਲਸ਼ੀਅਮ, ਫਾਸਫੋਰਸ ਅਤੇ ਆਇਰਨ ਪਾਏ ਜਾਂਦੇ ਹਨ ਜੋ ਹੱਡੀਆਂ ਅਤੇ ਦੰਦਾਂ ਲਈ ਲਾਭਕਾਰੀ ਹਨ।

ਕੁਝ ਅਧਿਐਨਾਂ ਅਨੁਸਾਰ, ਗੰਨੇ ਦੇ ਰਸ ’ਚ ਮੌਜੂਦ ਫਲਾਵਨੌਇਡ ਕੈਂਸਰ ਤੋਂ ਬਚਾਅ ’ਚ ਸਹਾਇਕ ਹੋ ਸਕਦੇ ਹਨ, ਖਾਸ ਕਰਕੇ ਪ੍ਰੋਸਟੇਟ ਅਤੇ ਛਾਤੀ ਦੇ ਕੈਂਸਰ ਵਿਰੁੱਧ।

ਇਸ ’ਚ ਐਂਟੀ-ਆਕਸੀਡੈਂਟ ਹੋਣ ਕਰਕੇ ਇਹ ਸਕਿਨ ਨੂੰ ਨਿਖਾਰਦਾ ਹੈ ਤੇ ਮੁਹਾਂਸਿਆਂ ਤੋਂ ਬਚਾਅ ਕਰਦਾ ਹੈ।

ਜਿਹੜੇ ਲੋਕ ਪਤਲੇ ਹੁੰਦੇ ਨੇ ਅਤੇ ਆਪਣਾ ਵਜ਼ਨ ਵਧਾਉਣਾ ਚਾਹੁੰਦੇ ਹਨ, ਉਨ੍ਹਾਂ ਲਈ ਇਹ ਰਸ ਮਦਦਗਾਰ ਸਾਬਿਤ ਹੁੰਦਾ ਹੈ।

ਇਹ ਰਸ ਪੀਣ ਨਾਲ ਤੰਦਰੁਸਤੀ ਨਾਲ ਭਾਰ ਵੱਧ ਸਕਦਾ ਹੈ ਕਿਉਂਕਿ ਇਹ ਐਨਰਜੀ ਦੇ ਨਾਲ-ਨਾਲ ਪਚਾਉਣ ਯੋਗ ਹੋਣ ਕਰਕੇ ਭੁੱਖ ਵੀ ਵਧਾਉਂਦਾ ਹੈ।

ਸ਼ੁਗਰ ਦੇ ਮਰੀਜ਼ ਡਾਕਟਰ ਦੀ ਸਲਾਹ ਤੋਂ ਬਾਅਦ ਹੀ ਇਸ ਦਾ ਸੇਵਨ ਕਰਨਾ ਚਾਹੀਦਾ ਹੈ।