ਦੀਵਾਲੀ ਦੇ ਮੌਕੇ 'ਤੇ ਦਿੱਲੀ ਮੈਟਰੋ ਨੇ ਯਾਤਰੀਆਂ ਦੀ ਸਹੂਲਤ ਲਈ ਆਪਣੇ ਚੱਲਣ ਦੇ ਸਮੇਂ ਵਿੱਚ ਬਦਲਾਅ ਕੀਤਾ ਹੈ।

ਤਿਉਹਾਰਾਂ ਦੀ ਭੀੜ ਅਤੇ ਸੁਰੱਖਿਆ ਵਿਵਸਥਾ ਨੂੰ ਧਿਆਨ ਵਿੱਚ ਰੱਖਦਿਆਂ ਹੋਇਆਂ ਦਿੱਲੀ ਮੈਟਰੋ ਰੇਲ ਕਾਰਪੋਰੇਸ਼ਨ (DMRC) ਨੇ ਯਾਤਰੀਆਂ ਨੂੰ ਅਪੀਲ ਕੀਤੀ ਹੈ ਕਿ ਉਹ ਯਾਤਰਾ ਕਰਨ ਤੋਂ ਪਹਿਲਾਂ ਟਾਈਮ ਜ਼ਰੂਰ ਦੇਖ ਲੈਣ।

ਦਿਵਾਲੀ ਦੇ ਤਿਉਹਾਰ ਦੌਰਾਨ ਸਮਾਂ-ਸਾਰਣੀ ਥੋੜੀ ਜਿਹੀ ਵੱਖਰੀ ਹੋਵੇਗੀ, ਤਾਂ ਕਿ ਤੁਹਾਡੀ ਯਾਤਰਾ ਨੂੰ ਸੁਰੱਖਿਅਤ ਬਣਾਇਆ ਜਾ ਸਕੇ।

ਦਰਅਸਲ, ਦਿੱਲੀ ਮੈਟਰੋ ਵਲੋਂ ਜਾਰੀ ਕੀਤੇ ਗਏ ਇੱਕ ਅਪਡੇਟ ਦੇ ਅਨੁਸਾਰ ਐਤਵਾਰ, 19 ਅਕਤੂਬਰ, 2025 ਨੂੰ, ਦੀਵਾਲੀ ਦੀ ਪੂਰਵ ਸੰਧਿਆ 'ਤੇ

ਪਿੰਕ, ਮੈਜੈਂਟਾ ਅਤੇ ਗ੍ਰੇ ਲਾਈਨਾਂ 'ਤੇ ਮੈਟਰੋ ਸੇਵਾਵਾਂ ਆਮ ਸਵੇਰੇ 7:00 ਵਜੇ ਦੀ ਬਜਾਏ ਸਵੇਰੇ 6:00 ਵਜੇ ਸ਼ੁਰੂ ਹੋਣਗੀਆਂ।

ਇਹ ਤਿਉਹਾਰ ਤੋਂ ਪਹਿਲਾਂ ਸਵੇਰੇ ਜਲਦੀ ਬਾਜ਼ਾਰਾਂ, ਮੰਦਰਾਂ ਅਤੇ ਉਨ੍ਹਾਂ ਦੇ ਘਰਾਂ ਨੂੰ ਜਾਣ ਵਾਲੇ ਯਾਤਰੀਆਂ ਨੂੰ ਵਾਧੂ ਸਹੂਲਤ ਪ੍ਰਦਾਨ ਕਰਨ ਲਈ ਹੈ।

ਉੱਥੇ ਹੀ ਸੋਮਵਾਰ, 20 ਅਕਤੂਬਰ, 2025 ਨੂੰ, ਦੀਵਾਲੀ ਦੇ ਦਿਨ, ਸਾਰੀਆਂ ਲਾਈਨਾਂ 'ਤੇ ਆਖਰੀ ਮੈਟਰੋ ਸੇਵਾ ਟਰਮੀਨਲ ਸਟੇਸ਼ਨਾਂ ਤੋਂ ਰਾਤ 10:00 ਵਜੇ ਰਵਾਨਾ ਹੋਵੇਗੀ।

ਆਮ ਦਿਨਾਂ ਦੀ ਤਰ੍ਹਾਂ ਸੇਵਾਵਾਂ ਰਾਤ 11 ਵਜੇ ਤੱਕ ਨਹੀਂ ਚੱਲਣਗੀਆਂ।

ਇਹ ਬਦਲਾਅ ਏਅਰਪੋਰਟ ਐਕਸਪ੍ਰੈਸ ਲਾਈਨ 'ਤੇ ਵੀ ਲਾਗੂ ਹੋਵੇਗਾ। ਹਾਲਾਂਕਿ, ਮੈਟਰੋ ਟ੍ਰੇਨਾਂ ਦਿਨ ਭਰ ਆਪਣੇ ਆਮ ਸਮਾਂ-ਸਾਰਣੀ 'ਤੇ ਚੱਲਣਗੀਆਂ

ਸਿਰਫ ਆਖਰੀ ਮੈਟਰੋ ਟ੍ਰੇਨ ਦਾ ਸਮਾਂ ਇੱਕ ਘੰਟਾ ਅੱਗੇ ਵਧਾਇਆ ਗਿਆ ਹੈ।