ਜੁੱਤੀ ਖਰੀਦਣ ਤੋਂ ਪਹਿਲਾਂ, ਸਾਨੂੰ ਸਾਰਿਆਂ ਨੂੰ ਆਪਣੇ ਜੁੱਤੇ ਦੇ ਆਕਾਰ ਦਾ ਪਤਾ ਲਗਾਉਣਾ ਪੈਂਦਾ ਹੈ। ਜਿਸ ਕਰਕੇ ਜਦੋਂ ਵੀ ਅਸੀਂ ਜੁੱਤੇ ਖਰੀਦਣ ਜਾਂਦੇ ਹਾਂ ਤਾਂ ਸਾਨੂੰ ਅਮਰੀਕਾ ਜਾਂ ਯੂਕੇ ਸਾਈਜ਼ ਦੇ ਅਨੁਸਾਰ ਲੈਣਾ ਪੈਂਦਾ ਹੈ।

ਤੁਹਾਨੂੰ ਦੱਸ ਦੇਈਏ ਕਿ ਹੁਣ ਭਾਰਤ 'ਚ ਜੁੱਤੀਆਂ ਦੇ ਆਕਾਰ ਲਈ ਇੰਡੀਅਨ ਸਾਈਜ਼ ਸਿਸਟਮ ਵੀ ਆਉਣ ਵਾਲਾ ਹੈ।

ਭਾਰਤ ਦੀ ਨੁਮਾਇੰਦਗੀ ਕਰਨ ਵਾਲੀ ਇਸ ਆਕਾਰ ਪ੍ਰਣਾਲੀ ਨੂੰ Bha ਦਾ ਨਾਮ ਦੇਣ ਦਾ ਪ੍ਰਸਤਾਵ ਕੀਤਾ ਗਿਆ ਹੈ।

ਦਸੰਬਰ 2021 ਅਤੇ ਮਾਰਚ 2022 ਦਰਮਿਆਨ ਭਾਰਤੀ ਜੁੱਤੀਆਂ ਦੇ ਆਕਾਰ ਬਾਰੇ ਇੱਕ ਸਰਵੇਖਣ ਕੀਤਾ ਗਿਆ ਸੀ।

ਸਰਵੇਖਣ 'ਚ ਪਾਇਆ ਗਿਆ ਕਿ ਭਾਰਤ 'ਚ 11 ਸਾਲ ਦੀ ਉਮਰ 'ਚ ਔਸਤ ਔਰਤ ਦੇ ਪੈਰਾਂ ਦਾ ਆਕਾਰ ਤੇਜ਼ੀ ਨਾਲ ਬਦਲਦਾ ਹੈ, ਜਦਕਿ ਮਰਦ ਦੇ ਪੈਰ ਦਾ ਆਕਾਰ 15 ਜਾਂ 16 ਸਾਲ ਦੀ ਉਮਰ 'ਚ ਤੇਜ਼ੀ ਨਾਲ ਬਦਲਦਾ ਹੈ।

ਸਰਵੇਖਣ ਵਿੱਚ ਇਹ ਵੀ ਪਾਇਆ ਗਿਆ ਕਿ ਭਾਰਤੀ ਲੋਕਾਂ ਦੇ ਪੈਰ ਅਮਰੀਕੀਆਂ ਅਤੇ ਯੂਰਪੀਅਨਾਂ ਨਾਲੋਂ ਚੌੜੇ ਹਨ।

ਜਦੋਂ ਕਿ ਯੂਰਪੀਅਨ, ਯੂਐਸ ਅਤੇ ਯੂਕੇ ਦੇ ਆਕਾਰ ਪ੍ਰਣਾਲੀ ਦੇ ਤਹਿਤ, ਜੁੱਤੀਆਂ ਨੂੰ ਥੋੜ੍ਹਾ ਘੱਟ ਚੌੜਾ ਬਣਾਇਆ ਜਾਂਦਾ ਹੈ।

ਅਜਿਹੀ ਸਥਿਤੀ ਵਿੱਚ, ਭਾਰਤੀ ਲੋਕ ਆਮ ਤੌਰ 'ਤੇ ਅਜਿਹੇ ਜੁੱਤੇ ਪਹਿਨਦੇ ਹਨ ਜੋ ਗਲਤ ਜਾਂ ਵੱਡੇ ਹੁੰਦੇ ਹਨ। ਇਸ ਬੇਅਰਾਮੀ ਕਾਰਨ ਸੱਟ ਲੱਗਣ ਦਾ ਖ਼ਤਰਾ ਵੱਧ ਜਾਂਦਾ ਹੈ।

ਭਾਰਤ ਦੁਨੀਆ ਦਾ ਸਭ ਤੋਂ ਵੱਧ ਆਬਾਦੀ ਵਾਲਾ ਦੇਸ਼ ਬਣ ਗਿਆ ਹੈ। ਇਹ ਦੁਨੀਆ ਦੇ ਸਭ ਤੋਂ ਵੱਡੇ ਫੁੱਟਵੀਅਰ ਬਾਜ਼ਾਰਾਂ ਵਿੱਚੋਂ ਇੱਕ ਹੈ।

ਇਸ ਦੇ ਮੱਦੇਨਜ਼ਰ ‘ਭਾਅ’ ਫੁਟਵੀਅਰ ਸਿਸਟਮ ਸ਼ੁਰੂ ਕਰਨ ਦੀ ਗੱਲ ਚੱਲ ਰਹੀ ਹੈ। ਮੰਨਿਆ ਜਾ ਰਿਹਾ ਹੈ ਕਿ ਇਸ ਨੂੰ ਸਾਲ 2025 ਤੱਕ ਕਿਸੇ ਵੀ ਸਮੇਂ ਲਾਗੂ ਕੀਤਾ ਜਾ ਸਕਦਾ ਹੈ।