ਦੇਸ਼ ਦੇ ਵੱਖ-ਵੱਖ ਹਿੱਸਿਆਂ ਵਿੱਚ ਵਪਾਰੀਆਂ ਨੇ UPI ਚਾਰਜਾਂ ਦਾ ਵਿਰੋਧ ਕਰਨਾ ਸ਼ੁਰੂ ਕਰ ਦਿੱਤਾ ਹੈ। ਫੈਡਰੇਸ਼ਨ ਆਫ਼ ਆਲ ਇੰਡੀਆ ਵਪਾਰ ਮੰਡਲ (FAIVM)

ਅਤੇ ਕਨਫੈਡਰੇਸ਼ਨ ਆਫ਼ ਆਲ ਇੰਡੀਆ ਟਰੇਡਰਜ਼ (CAIT) ਵਰਗੀਆਂ ਵੱਡੀਆਂ ਵਪਾਰਕ ਸੰਸਥਾਵਾਂ ਨੇ ਹੁਣ 2 ਅਕਤੂਬਰ ਨੂੰ ਗਾਂਧੀ ਜਯੰਤੀ 'ਤੇ ਨੋ UPI ਡੇ ਦਾ ਐਲਾਨ ਕੀਤਾ ਹੈ

ਇਸਦਾ ਮਤਲਬ ਹੈ ਕਿ ਵਪਾਰੀ 2 ਅਕਤੂਬਰ ਨੂੰ UPI ਭੁਗਤਾਨ ਸਵੀਕਾਰ ਨਹੀਂ ਕਰਨਗੇ, ਅਤੇ ਲੋਕਾਂ ਨੂੰ ਨਕਦੀ ਜਾਂ ਕਾਰਡ ਦੀ ਵਰਤੋਂ ਕਰਕੇ ਸਮਾਨ ਖਰੀਦਣਾ ਪਵੇਗਾ

ਕਾਰੋਬਾਰ UPI ਲੈਣ-ਦੇਣ 'ਤੇ ਲਗਾਈ ਗਈ 0.4% ਮਰਚੈਂਟ ਡਿਸਕਾਊਂਟ ਰੇਟ (MDR) ਫੀਸ ਦਾ ਵਿਰੋਧ ਕਰ ਰਹੇ ਹਨ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਪੈਟਰੋਲ, ਡੀਜ਼ਲ, ਕਰਿਆਨੇ, ਇਲੈਕਟ੍ਰਾਨਿਕਸ ਅਤੇ ਅਨਾਜ 'ਤੇ ਮਾਰਜਿਨ ਪਹਿਲਾਂ ਹੀ ਬਹੁਤ ਘੱਟ ਹੈ

ਹੁਣ ਇਹ ਨਵਾਂ ਟੈਕਸ ਵਿੱਤੀ ਬੋਝ ਵਧਾਏਗਾ। ਇੰਦੌਰ ਰਿਟੇਲ ਗਾਰਮੈਂਟਸ ਐਸੋਸੀਏਸ਼ਨ ਪਹਿਲਾਂ ਹੀ ਚੇਤਾਵਨੀ ਦੇ ਚੁੱਕੀ ਹੈ

ਕਿ ਜੇਕਰ ਇਸ ਫੈਸਲੇ ਨੂੰ 15 ਅਕਤੂਬਰ ਤੋਂ ਪਹਿਲਾਂ ਵਾਪਸ ਨਹੀਂ ਲਿਆ ਗਿਆ, ਤਾਂ ਉਹ UPI QR ਕੋਡ ਮਸ਼ੀਨਾਂ ਨੂੰ ਪਾਣੀ ਵਿੱਚ ਰੋੜ ਦੇਣਗੇ

ਇਸ ਸਰਕਾਰੀ ਫੈਸਲੇ ਤੋਂ ਕਾਰੋਬਾਰ ਇੰਨੇ ਗੁੱਸੇ ਵਿੱਚ ਹਨ ਕਿ 23 ਸਤੰਬਰ ਨੂੰ ਮੱਧ ਪ੍ਰਦੇਸ਼ ਦੇ ਸ਼ਹਿਰਾਂ ਜਿਵੇਂ ਕਿ ਭੋਪਾਲ, ਇੰਦੌਰ, ਜਬਲਪੁਰ

ਅਤੇ ਗਵਾਲੀਅਰ ਵਿੱਚ ਲਗਭਗ 125 ਵਪਾਰਕ ਸੰਗਠਨਾਂ ਵਲੋਂ ਪਹਿਲਾਂ ਹੀ ਨੋ UPI ਡੇਅ ਮਨਾਇਆ ਜਾ ਚੁੱਕਿਆ ਹੈ

ਇਸ ਨਾਲ ਰਾਜ ਭਰ ਵਿੱਚ ਲਗਭਗ 25% ਕਾਰੋਬਾਰ ਪ੍ਰਭਾਵਿਤ ਹੋਇਆ। ਮਹਾਰਾਸ਼ਟਰ ਚੈਂਬਰ ਆਫ਼ ਕਾਮਰਸ (MACCIA) ਅਤੇ ਪੈਟਰੋਲ ਪੰਪ ਡੀਲਰਜ਼ ਐਸੋਸੀਏਸ਼ਨ ਵੀ ਇਸ ਅੰਦੋਲਨ ਦਾ ਜ਼ੋਰਦਾਰ ਸਮਰਥਨ ਕਰ ਰਹੇ ਹਨ

ਬਿਜ਼ਨਸ ਸਟੈਂਡਰਡ ਦੀ ਰਿਪੋਰਟ ਦੇ ਅਨੁਸਾਰ, MACCIA (ਮਹਾਰਾਸ਼ਟਰ ਚੈਂਬਰ ਆਫ਼ ਕਾਮਰਸ, ਇੰਡਸਟਰੀ ਐਂਡ ਐਗਰੀਕਲਚਰ) ਦੇ ਪ੍ਰਧਾਨ ਰਵਿੰਦਰ ਮੰਗਵੇ ਨੇ ਕਿਹਾ ਕਿ 2 ਅਕਤੂਬਰ ਨੂੰ 'ਨੋ UPI ਡੇ' ਵਜੋਂ ਮਨਾਇਆ ਜਾਵੇਗਾ