PAN Card: ਅਜੋਕੇ ਸਮੇਂ ਵਿੱਚ ਪੈਨ ਕਾਰਡ ਤੇ ਆਧਾਰ ਕਾਰਡ ਸਾਡੇ ਬਹੁਤ ਹੀ ਅਹਿਮ ਪਛਾਣ ਪੱਤਰ ਹਨ। ਜਿਸ ਦੀ ਵਰਤੋਂ ਅਸੀਂ ਆਮ ਤੌਰ ਉੱਤੇ ਬੈਂਕ ਵਿੱਚ ਤੇ ਹੋਰ ਸੰਸਥਾਵਾਂ ਵਿੱਚ ਕਰਦੇ ਹਨ ਪਰ ਹੁਣ ਇਸ ਤੋਂ ਧੋਖਾਧੜੀ ਦਾ ਵੀ ਲੋਕ ਸ਼ਿਕਾਰ ਹੋ ਰਹੇ ਹਨ।
ਪੈਨ ਕਾਰਡ ਲੋਨ ਦੀ ਧੋਖਾਧੜੀ ਤੋਂ ਪੀੜਤ ਦੀ CIBIL ਰੇਟਿੰਗ ਨੂੰ ਗੰਭੀਰ ਨੁਕਸਾਨ ਪਹੁੰਚਾਉਂਦਾ ਹੈ। ਪੈਨ ਅਤੇ ਆਧਾਰ ਨੰਬਰ ਸਾਂਝੇ ਨਹੀਂ ਕੀਤੇ ਜਾਣੇ ਚਾਹੀਦੇ ਕਿਉਂਕਿ ਇਹ ਬੇਹੱਦ ਗੁਪਤ ਜਾਣਕਾਰੀ ਹਨ।
ਇਸ ਤੋਂ ਇਲਾਵਾ, ਆਪਣੇ ਪੈਨ ਕਾਰਡ ਅਤੇ ਆਧਾਰ ਕਾਰਡ ਦੀ ਜ਼ੇਰੋਕਸ ਦੀਆਂ ਫੋਟੋ ਕਾਪੀਆਂ ਪ੍ਰਦਾਨ ਕਰਦੇ ਸਮੇਂ, ਇਸ 'ਤੇ ਕਾਰਨ ਵੀ ਲਿਖਣਾ ਚਾਹੀਦਾ ਹੈ।
ਦੱਸਣਯੋਗ ਹੈ ਕਿ ਬੀਤੇ ਕੁੱਝ ਸਮੇਂ ਪਹਿਲਾਂ ਬਾਲੀਵੁੱਡ ਅਭਿਨੇਤਾ ਰਾਜਕੁਮਾਰ ਰਾਓ ਵੀ ਵਿੱਤੀ ਧੋਖਾਧੜੀ ਦਾ ਸ਼ਿਕਾਰ ਹੋਏ ਸਨ, ਜਿੱਥੇ ਉਨ੍ਹਾਂ ਦੇ ਪੈਨ ਕਾਰਡ ਦੀ ਵਰਤੋਂ ਉਨ੍ਹਾਂ ਦੇ ਨਾਮ 'ਤੇ ਕਰਜ਼ਾ ਲੈਣ ਲਈ ਕੀਤੀ ਗਈ ਸੀ।
ਪੈਨ ਕਾਰਡ ਦੀ ਜਾਣਕਾਰੀ ਨੂੰ ਕਿਵੇਂ ਕੀਤਾ ਜਾਵੇ ਚੈੱਕ : ਹਰ ਵਿਅਕਤੀ ਦਾ ਪੈਨ ਉਹਨਾਂ ਦੇ ਬੈਂਕ/ਵਿੱਤੀ ਸੰਸਥਾਨ ਖਾਤਿਆਂ ਨਾਲ ਜੁੜਿਆ ਹੁੰਦਾ ਹੈ। ਇਸ ਲਈ ਕੋਈ ਵੀ ਸੰਸਥਾ ਜਿਸ ਤੋਂ ਕੋਈ ਵਿਅਕਤੀ ਉਧਾਰ ਲੈਂਦਾ ਹੈ, ਇਹ ਜਾਣਕਾਰੀ ਨਿਯਮਤ ਅਧਾਰ 'ਤੇ ਕ੍ਰੈਡਿਟ ਬਿਊਰੋ ਨਾਲ ਸਾਂਝੀ ਕਰਦਾ ਹੈ, ਜਿਸ ਨੂੰ ਉਹ ਆਪਣੇ ਸਿਸਟਮਾਂ ਵਿੱਚ ਵੀ ਅਪਡੇਟ ਕਰਦੇ ਹਨ।
ਕ੍ਰੈਡਿਟ ਰੇਟਿੰਗ ਕੰਪਨੀਆਂ ਪੈਨ 'ਤੇ ਬਕਾਇਆ ਕਰਜ਼ਿਆਂ ਬਾਰੇ ਜਾਣਕਾਰੀ ਪ੍ਰਾਪਤ ਕਰ ਸਕਦੀਆਂ ਹਨ। ਅਜਿਹੀਆਂ ਕਈ ਵੈੱਬਸਾਈਟਾਂ 'ਤੇ ਲਾਗਇਨ ਕਰਕੇ ਕੋਈ ਵੀ ਆਪਣੇ ਕਰਜ਼ੇ ਦੀ ਸਥਿਤੀ ਦਾ ਪਤਾ ਲਾ ਸਕਦਾ ਹੈ।
ਇਹ ਐਪਸ ਅਤੇ ਵੈੱਬਸਾਈਟਾਂ ਉਪਭੋਗਤਾਵਾਂ ਨੂੰ ਉਹਨਾਂ ਦੇ CIBIL ਸਕੋਰ ਦੇ ਨਾਲ-ਨਾਲ ਰੀਅਲ ਟਾਈਮ ਵਿੱਚ ਲੋਨ ਦੀ ਜਾਣਕਾਰੀ ਪ੍ਰਦਾਨ ਕਰਦੀਆਂ ਹਨ।
ਪੈਨ ਕਾਰਡ ਧਾਰਕਾਂ ਨੂੰ ਸਲਾਹ ਦਿੱਤੀ ਜਾਂਦੀ ਹੈ ਕਿ ਉਹ ਸਮੇਂ-ਸਮੇਂ 'ਤੇ ਆਪਣੀ ਕ੍ਰੈਡਿਟ ਜਾਣਕਾਰੀ ਤੇ ਆਪਣੇ CIBIL ਸਕੋਰ ਦੀ ਜਾਂਚ ਕਰਦੇ ਰਹਿਣ।