Punjabi Singer Gets Threat: ਮਸ਼ਹੂਰ ਪੰਜਾਬੀ ਗਾਇਕ ਆਪਣੀ ਆਵਾਜ਼ ਦੇ ਦਮ ਤੇ ਦੁਨੀਆ ਭਰ ਵਿੱਚ ਖੂਬ ਸੁਰਖੀਆਂ ਬਟੋਰ ਰਹੇ ਹਨ। ਹਾਲਾਂਕਿ ਕਈ ਵਾਰ ਉਨ੍ਹਾਂ ਨੂੰ ਆਪਣੇ ਗੀਤਾਂ ਦੇ ਚੱਲਦੇ ਨਫਰਤ ਦਾ ਸਾਹਮਣਾ ਕਰਨਾ ਪੈਂਦਾ ਹੈ।

ਦੱਸ ਦੇਈਏ ਕਿ ਪੰਜਾਬੀ ਗਾਇਕ ਕੈਂਬੀ ਰਾਜਪੁਰੀਆ ਨਾਂਅ ਨਾਲ ਮਸ਼ਹੂਰ ਪੰਜਾਬੀ ਗਾਇਕ ਨੇ ਮੰਗਲਵਾਰ ਨੂੰ ਆਪਣੇ ਯੂਟਿਊਬ ਚੈਨਲ 'ਤੇ ਆਪਣਾ ਨਵਾਂ ਗੀਤ 'ਤੇਜ਼ ਮਾਲ' (Tezz Maal) ਰਿਲੀਜ਼ ਕੀਤਾ।

ਗਾਇਕ ਦੇ ਕੁਝ ਫਾਲੋਅਰਜ਼ ਨੂੰ ਇਹ ਗੀਤ ਪਸੰਦ ਆਇਆ ਅਤੇ ਕੁਝ ਨੇ ਇਸਨੂੰ ਨਾ ਪਸੰਦ ਕੀਤਾ। ਗਾਇਕ ਕੈਂਬੀ ਰਾਜਪੁਰੀਆ ਦੀ ਇਸ ਵੀਡੀਓ ਨੇ ਪ੍ਰਸ਼ੰਸਕਾਂ ਦਾ ਧਿਆਨ ਖਿੱਚਿਆ ਹੈ, ਕਿਉਂਕਿ ਗਾਇਕ ਨੇ ਗੀਤ ਵਿੱਚ 'ਪੀਕੇ' ਵਰਗਾ ਲੁੱਕ ਅਪਣਾਇਆ ਹੈ,

ਜੋ ਕਿ ਆਈਪੀਐਲ 2025 ਦੌਰਾਨ ਕੀਤੇ ਗਏ ਆਪਣੇ ਵਾਅਦੇ ਨੂੰ ਪੂਰਾ ਕਰਦਾ ਹੈ। ਵੀਡੀਓ ਵਿੱਚ ਕੈਂਬੀ ਰਾਜਪੁਰੀਆ ਨੂੰ ਬਿਨ੍ਹਾਂ ਕਿਸੇ ਕੱਪੜਿਆਂ ਦੇ ਦੇਖਿਆ ਜਾ ਸਕਦਾ ਹੈ, ਨਾਲ ਹੀ ਇੱਕ ਰੇਡੀਓ ਫੜਿਆ ਹੋਇਆ ਹੈ।

ਬਿਲਕੁਲ ਜਿਵੇਂ ਆਮਿਰ ਖਾਨ ਨੇ ਆਪਣੀ ਸੁਪਰਹਿੱਟ ਫਿਲਮ 'ਪੀਕੇ' ਵਿੱਚ ਕੀਤਾ ਸੀ। ਹੁਣ ਗਾਇਕ ਦੀ ਇਸ ਵੀਡੀਓ ਤੋਂ ਬਾਅਦ ਜਿੱਥੇ ਗਾਇਕ ਦੁਆਰਾ ਕਹੀ ਗੱਲ ਨੂੰ ਪੂਰਾ ਕੀਤੇ ਜਾਣ ਤੋਂ ਬਾਅਦ ਤਾਰੀਫ਼ ਹੋ ਰਹੀ ਹੈ,

ਉੱਥੇ ਹੀ ਬਹੁਤ ਸਾਰੇ ਪ੍ਰਸ਼ੰਸਕ ਗਾਇਕ ਦੀ ਇਸ ਵੀਡੀਓ ਉਤੇ ਗਾਇਕ ਨੂੰ ਟ੍ਰੋਲ ਕਰ ਰਹੇ ਹਨ, ਜਿਸ ਤੋਂ ਬਾਅਦ ਹੁਣ ਗਾਇਕ ਨੇ ਇੱਕ ਵੀਡੀਓ ਸਾਂਝੀ ਕਰਕੇ ਸਭ ਨੂੰ ਜਵਾਬ ਦਿੱਤਾ।

ਵੀਡੀਓ ਸਾਂਝੀ ਕਰਦੇ ਹੋਏ ਗਾਇਕ ਨੇ ਕਿਹਾ, ਪਹਿਲਾਂ ਤਾਂ ਧੰਨਵਾਦ ਉਹਨਾਂ ਸਾਰੇ ਸੱਭਿਆਚਾਰ ਦੇ ਦਾਇਰੇ ਵਿੱਚ ਰਹਿਣ ਵਾਲੇ ਪੰਜਾਬੀਆਂ ਦਾ...ਜਿੰਨ੍ਹਾਂ ਨੇ ਮੈਨੂੰ ਮਾਵਾਂ-ਭੈਣਾਂ ਦੀਆਂ ਗਾਲ੍ਹਾਂ ਕੱਢੀਆਂ...ਖਾਸ ਕਰ ਪੰਜਾਬੀਆਂ ਦਾ...

ਕਿਉਂਕਿ ਇਹਨਾਂ ਨੂੰ ਭੜਾਸ ਕੱਢਣ ਲਈ ਕਲਾਕਾਰ ਹੀ ਮਿਲਦੇ ਹਨ, ਕਿਉਂਕਿ ਪਤਾ ਹੈ ਕਿ ਜੇਕਰ ਰਾਹ ਜਾਂਦੇ ਕਿਸੇ ਬੰਦੇ ਨੂੰ ਗਾਲ੍ਹਾਂ ਕੱਢਾਂਗੇ ਤਾਂ ਥੱਪੜੇ ਖਾਵਾਂਗੇ,

ਇਸ ਨਾਲੋਂ ਚੰਗਾ ਹੈ ਕਿ ਕਲਾਕਾਰ ਨੂੰ ਗਾਲ੍ਹਾਂ ਕੱਢਦੇ ਹਾਂ ਘਰੇ ਬੈਠ ਕੇ...ਅਤੇ ਜੇਕਰ ਕਲਾਕਾਰ ਸਾਨੂੰ ਕੁੱਝ ਬੋਲੇਗਾ ਤਾਂ ਅਸੀਂ ਪੱਤਾ ਖੇਡਾਂਗੇ ਕਿ ਇਸਨੂੰ ਸਰੋਤਿਆਂ ਨਾਲ ਗੱਲ ਕਰਨ ਦੀ ਅਕਲ ਨਹੀਂ ਹੈਗੀ।

ਗਾਇਕ ਨੇ ਕਿਹਾ ਕਿ, ਮੈਂ ਬਹੁਤ ਹੀ ਸ਼ਾਂਤ ਕਿਸਮ ਦਾ ਆਦਮੀ ਹਾਂ, ਜਦੋਂ ਤੁਸੀਂ ਇਸ ਤਰ੍ਹਾਂ ਦੇ ਬੰਦੇ ਨੂੰ ਤੰਗ ਪਰੇਸ਼ਾਨ ਕਰੋਗੇ ਤਾਂ ਪਤਾ ਨਹੀਂ ਕਿ ਉਸ ਸ਼ਾਂਤ ਬੰਦੇ ਦੇ ਅੰਦਰ ਕਿੰਨਾ ਸ਼ੋਰ ਹੁੰਦਾ ਸੋ ਬਿਨ੍ਹਾਂ ਮਤਲਬ ਤੋਂ ਕੋਈ ਲਪੇਟਿਆ ਨਾ ਜਾਵੇ। ਇਹ ਮੈਂ ਸਿਰਫ਼ ਇੱਕ ਬੇਨਤੀ ਕਰ ਰਿਹਾ ਹਾਂ।