ਵਿਵਾਦਿਤ ਰਿਐਲਟੀ ਸ਼ੋਅ 'ਬਿੱਗ ਬੌਸ ਓਟੀਟੀ' ਦਾ ਸੀਜ਼ਨ 2 ਲਗਾਤਾਰ ਚਰਚਾ 'ਚ ਬਣਿਆ ਹੋਇਆ ਹੈ।

ਸ਼ੋਅ 'ਚ ਪ੍ਰਤੀਯੋਗੀ ਦੇ ਰੂਪ 'ਚ ਨਜ਼ਰ ਆਉਣ ਵਾਲੇ ਸਾਰੇ ਸੈਲੇਬਸ ਆਪਣੀ ਜ਼ਿੰਦਗੀ ਦੇ ਰਾਜ ਵੀ ਖੋਲ੍ਹ ਰਹੇ ਹਨ। ਸ਼ੋਅ ਦੀ ਪ੍ਰਤੀਯੋਗੀ ਅਤੇ ਬਾਲੀਵੁੱਡ ਅਦਾਕਾਰਾ ਪੂਜਾ ਭੱਟ ਨੇ ਵੀ ਆਪਣੀ ਜ਼ਿੰਦਗੀ ਦੇ ਕਈ ਰਾਜ਼ ਖੋਲ੍ਹੇ ਹਨ।

'ਬਿੱਗ ਬੌਸ ਓਟੀਟੀ 2' ਦੇ ਤਾਜ਼ਾ ਐਪੀਸੋਡ ਵਿੱਚ ਪੂਜਾ ਭੱਟ ਜੀਆ ਸ਼ੰਕਰ ਨਾਲ ਆਪਣੇ 11 ਸਾਲਾਂ ਦੇ ਟੁੱਟੇ ਵਿਆਹ ਬਾਰੇ ਗੱਲ ਕਰਦੀ ਨਜ਼ਰ ਆਈ।

ਪੂਜਾ ਨੇ ਕਿਹਾ, ਇਮਾਨਦਾਰੀ ਨਾਲ ਕਹਾਂ ਤਾਂ, ਜੇ ਤੁਸੀਂ ਮੈਨੂੰ ਪੁੱਛੋ ਜੀਆ, ਮੇਰੀ ਜ਼ਿੰਦਗੀ ਦਾ ਸਭ ਤੋਂ ਬੁਰਾ ਸਮਾਂ ਉਹ ਸੀ ਜਦੋਂ ਮੈਂ ਵਿਆਹ ਦੇ 11 ਸਾਲ ਬਾਅਦ ਆਪਣੇ ਪਤੀ ਨੂੰ ਤਲਾਕ ਦੇ ਦਿੱਤਾ ਸੀ। ਇਹ ਪੂਰੀ ਤਰ੍ਹਾਂ ਨਾਲ ਮੇਰਾ ਫੈਸਲਾ ਸੀ।

ਪੂਜਾ ਨੇ ਅੱਗੇ ਕਿਹਾ, “ਮੈਂ ਆਪਣੇ ਆਪ ਨਾਲ ਝੂਠ ਨਹੀਂ ਬੋਲ ਸਕਦੀ ਕਿਉਂਕਿ ਮੇਰਾ ਇਸਨੂੰ ਜਾਰੀ ਰੱਖਣ ਦਾ ਮਨ ਨਹੀਂ ਸੀ। ਮੈਂ ਕਿਹਾ ਕਿ ਮੈਂ ਆਪਣੀ ਜ਼ਿੰਦਗੀ ਆਰਾਮ ਨਾਲ ਜਿਊਣਾ ਚਾਹੁੰਦੀ ਹਾਂ

ਜਾਂ ਆਪਣੇ 10 ਤੋਂ 11 ਸਾਲ ਪੁਰਾਣੇ ਰਿਸ਼ਤੇ ਨੂੰ ਬਰਕਰਾਰ ਰੱਖਣਾ ਚਾਹੁੰਦੀ ਹਾਂ ਅਤੇ ਮੇਰਾ ਪਤੀ ਕੋਈ ਬੁਰਾ ਸ਼ਖਸ਼ ਨਹੀਂ ਹੈ।

ਸਾਡੇ ਵਿਚਾਲੇ ਜੋ ਕੁਝ ਵੀ ਹੋਇਆ ਉਸ ਸਭ ਉਹੀ ਸੀ। ਪਰ ਫਿਰ ਮੈਂ ਸੋਚਿਆ ਕਿ ਮੈਂ ਆਪਣੇ ਆਪ ਨੂੰ ਗੁਆ ਲਿਆ ਹੈ ਅਤੇ ਇਹ ਕਿਸੇ ਹੋਰ ਦੇ ਲਈ ਜਾਂ ਜ਼ਿੰਦਗੀ ਦੀ ਬਿਹਤਰੀ ਲਈ ਨਹੀਂ ਹੈ।

ਪੂਜਾ ਭੱਟ ਇਨ੍ਹੀਂ ਦਿਨੀਂ ਐਕਟਿੰਗ ਤੋਂ ਦੂਰ ਹੈ ਪਰ ਉਹ ਬਾਲੀਵੁੱਡ ਦੀਆਂ ਕਈ ਮਹਾਨ ਫਿਲਮਾਂ ਅਤੇ ਕਲਾਕਾਰਾਂ ਨਾਲ ਕੰਮ ਕਰ ਚੁੱਕੀ ਹੈ।

ਪੂਜਾ ਨੂੰ ਆਪਣੇ ਦੌਰ ਦੀਆਂ ਸਫਲ ਅਭਿਨੇਤਰੀਆਂ ਵਿੱਚੋਂ ਇੱਕ ਮੰਨਿਆ ਜਾਂਦਾ ਸੀ, ਪਰ ਪਰਦੇ ਦੇ ਪਿੱਛੇ ਉਸਦੀ ਜ਼ਿੰਦਗੀ ਵਧੇਰੇ ਰੋਮਾਂਚਕ ਰਹੀ ਹੈ।

ਪੂਜਾ ਭੱਟ ਭਾਵੇਂ ਹੀ ਮਹੇਸ਼ ਭੱਟ ਵਰਗੇ ਮਸ਼ਹੂਰ ਬਾਲੀਵੁੱਡ ਨਿਰਦੇਸ਼ਕ ਦੀ ਧੀ ਰਹੀ ਹੋਵੇ ਪਰ ਉਸ ਦੀ ਜ਼ਿੰਦਗੀ ਕਾਫੀ ਵਿਵਾਦਾਂ ਵਾਲੀ ਰਹੀ ਹੈ।