Holiday in Punjab: ਵਿਦਿਆਰਥੀਆਂ ਅਤੇ ਸਰਕਾਰੀ ਮੁਲਾਜ਼ਮਾਂ ਲਈ ਨਵੰਬਰ ਮਹੀਨਾ ਬਹੁਤ ਖਾਸ ਰਿਹਾ, ਕਿਉਂਕਿ ਦੀਵਾਲੀ ਤੋਂ ਬਾਅਦ ਵੀ ਉਨ੍ਹਾਂ ਨੂੰ ਛੁੱਟੀਆਂ ਦਾ ਆਨੰਦ ਮਿਲਿਆ।

ਨਵੰਬਰ ਮਹੀਨਾ ਵੈਸੇ ਵੀ ਪੰਜਾਬ ਸਿੱਖ ਇਤਿਹਾਸ ਅਤੇ ਧਾਰਮਿਕ ਆਸਥਾ ਨਾਲ ਜੁੜੇ ਕਈ ਮਹੱਤਵਪੂਰਨ ਦਿਨਾਂ ਲਈ ਜਾਣਿਆ ਜਾਂਦਾ ਹੈ। ਇਨ੍ਹਾਂ ਵਿੱਚੋਂ ਇਕ ਪਵਿੱਤਰ ਮੌਕਾ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦਾ ਗੁਰਗੱਦੀ ਦਿਵਸ ਹੈ, ਜਿਸ ਨੂੰ ਸਿੱਖ ਭਾਈਚਾਰਾ ਪੂਰੇ ਉਤਸ਼ਾਹ ਅਤੇ ਸ਼ਰਧਾ ਨਾਲ ਮਨਾਉਂਦਾ ਹੈ।

ਇਸੇ ਧਾਰਮਿਕ ਮਹੱਤਵ ਨੂੰ ਦੇਖਦੇ ਹੋਏ ਪੰਜਾਬ ਸਰਕਾਰ ਵੱਲੋਂ ਜਾਰੀ ਛੁੱਟੀਆਂ ਦੇ ਕੈਲੰਡਰ ਵਿਚ ਇਸ ਦਿਨ ਨੂੰ ਰੈਸਟ੍ਰਿਕਟਿਡ ਹਾਲੀਡੇ (RH) ਵਜੋਂ ਦਰਜ ਕੀਤਾ ਗਿਆ ਹੈ।

ਇਸ ਅਨੁਸਾਰ ਬੁੱਧਵਾਰ, 11 ਨਵੰਬਰ 2026 ਨੂੰ ਪੰਜਾਬ ਵਿਚ ਰੈਸਟ੍ਰਿਕਟਿਡ ਹਾਲੀਡੇ ਰਹੇਗੀ। ਇਹ ਛੁੱਟੀ ਲਾਜ਼ਮੀ ਜਨਤਕ ਛੁੱਟੀ ਨਹੀਂ ਹੈ, ਸਗੋਂ ਵਿਕਲਪਿਕ ਛੁੱਟੀ ਹੈ, ਜਿਸ ਨੂੰ ਮੁਲਾਜ਼ਮ ਆਪਣੀ ਸੁਵਿਧਾ ਅਨੁਸਾਰ ਲੈ ਸਕਦਾ ਹੈ।

ਰੈਸਟ੍ਰਿਕਟਿਡ ਹਾਲੀਡੇ ਉਹ ਛੁੱਟੀ ਹੁੰਦੀ ਹੈ ਜੋ ਸਰਕਾਰੀ ਛੁੱਟੀਆਂ ਦੀ ਸੂਚੀ ਵਿੱਚ ਸ਼ਾਮਲ ਹੁੰਦੀ ਹੈ, ਪਰ ਇਹ ਲਾਜ਼ਮੀ ਨਹੀਂ ਹੁੰਦੀ ਕਿ ਸਾਰੇ ਦਫ਼ਤਰ ਬੰਦ ਰਹਿਣ। ਇਸ ਦਿਨ ਦਫ਼ਤਰ ਖੁੱਲ੍ਹੇ ਰਹਿ ਸਕਦੇ ਹਨ ਅਤੇ ਮੁਲਾਜ਼ਮ ਆਪਣੀ ਇੱਛਾ ਅਨੁਸਾਰ ਇਸ ਛੁੱਟੀ ਦਾ ਲਾਭ ਲੈ ਸਕਦਾ ਹੈ।

ਆਮ ਤੌਰ ’ਤੇ ਇਕ ਮੁਲਾਜ਼ਮ ਸਾਲ ਭਰ ਵਿਚ ਰੈਸਟ੍ਰਿਕਟਿਡ ਹਾਲੀਡੇ ਦੀ ਸੂਚੀ ਵਿੱਚੋਂ ਸੀਮਿਤ ਗਿਣਤੀ ਵਿਚ ਛੁੱਟੀਆਂ ਲੈ ਸਕਦਾ ਹੈ, ਅਤੇ ਇਸ ਲਈ ਪਹਿਲਾਂ ਤੋਂ ਵਿਭਾਗ ਨੂੰ ਸੂਚਿਤ ਕਰਨਾ ਜਾਂ ਮਨਜ਼ੂਰੀ ਲੈਣੀ ਪੈ ਸਕਦੀ ਹੈ।

ਇਹ ਛੁੱਟੀ ਆਮ ਤੌਰ ’ਤੇ ਸਰਕਾਰੀ ਮੁਲਾਜ਼ਮਾਂ, ਅਧਿਆਪਕਾਂ ਅਤੇ ਸਰਕਾਰੀ ਸੰਸਥਾਵਾਂ ਵਿਚ ਕੰਮ ਕਰਨ ਵਾਲਿਆਂ ਨੂੰ ਮਿਲਦੀ ਹੈ। ਪ੍ਰਾਈਵੇਟ ਸੰਸਥਾਵਾਂ ਆਪਣੇ ਨਿਯਮਾਂ ਅਨੁਸਾਰ ਇਸ ਬਾਰੇ ਫੈਸਲਾ ਲੈ ਸਕਦੀਆਂ ਹਨ।

ਇਸ ਲਈ ਇਹ ਨਹੀਂ ਕਿਹਾ ਜਾ ਸਕਦਾ ਕਿ ਸਾਰੇ ਸਕੂਲ, ਕਾਲਜ ਜਾਂ ਦਫ਼ਤਰ ਬੰਦ ਰਹਿਣਗੇ; ਮੁਲਾਜ਼ਮਾਂ ਨੂੰ ਆਪਣੇ ਵਿਭਾਗ ਦੇ ਨਿਯਮਾਂ ਦੀ ਜਾਂਚ ਕਰਨ ਦੀ ਸਲਾਹ ਦਿੱਤੀ ਜਾਂਦੀ ਹੈ।