ਬਹੁਤ ਸਾਰੇ ਲੋਕ ਕਿਸਮਤ ਉਪਰ ਭਰੋਸਾ ਨਹੀਂ ਕਰਦੇ। ਉਹ ਹਮੇਸ਼ਾਂ ਮਿਹਨਤ ਕਰਨ ਨੂੰ ਹੀ ਤਰਜੀਹ ਦਿੰਦੇ ਹਨ। ਬੇਸ਼ੱਕ ਇਹ ਕਾਫੀ ਹੱਦ ਤੱਕ ਸਹੀ ਹੈ ਪਰ ਕਈ ਵਾਰ ਅਜਿਹੀਆਂ ਚੀਜ਼ਾਂ ਵੀ ਵਾਪਰਦੀਆਂ ਹਨ ਕਿ ਮਨੁੱਖ ਨੂੰ ਮੰਨਣਾ ਪੈਂਦੈ ਹੈ ਕਿ ਕਿਸਾਮਤ ਦੀ ਖੇਡ ਨਿਰਾਲੀ ਹੈ।

ਅਜਿਹਾ ਹੀ ਮਾਮਲਾ ਮਲੋਟ ਵਿੱਚ ਸਾਹਮਣੇ ਆਇਆ।

ਇੱਥੇ ਇੱਕ ਵਿਅਕਤੀ ਸਿਰਫ 90 ਮਿੰਟ ਵਿੱਚ ਕਰੋੜਪਤੀ ਬਣ ਗਿਆ। ਇਸ ਦੀ ਕਾਫੀ ਚਰਚਾ ਹੋ ਰਹੀ ਹੈ।

ਮਲੋਟ ਸ਼ਹਿਰ ’ਚ ਗਰੀਨ ਵੈਲੀ ਦਾ ਰਹਿਣ ਵਾਲਾ ਦੀਪਤੀ ਬਾਂਸਲ 90 ਮਿੰਟਾਂ ਅੰਦਰ ਉਸ ਸਮੇਂ ਕਰੋੜਪਤੀ ਬਣ ਗਿਆ

ਜਦੋਂ ਉਸ ਵੱਲੋਂ ਬੀਤੇ ਦਿਨ ਤਕਰੀਬਨ ਡੇਢ ਘੰਟਾ ਪਹਿਲਾਂ ਖਰੀਦੀ ‘ਨਾਗਾਲੈਂਡ ਸਟੇਡ ਡੀਅਰ 500 ਸੁਪਰ ਮਹੀਨਾਵਾਰ ਲਾਟਰੀ’ ਦੀ ਟਿਕਟ ’ਚੋਂ ਢਾਈ ਕਰੋੜ ਰੁਪਏ ਦਾ ਇਨਾਮ ਨਿਕਲ ਆਇਆ।

ਦੀਪਤੀ ਬਾਂਸਲ ਨੂੰ ਜਦੋਂ ਪਤਾ ਲੱਗਾ ਤਾਂ ਉਸ ਨੂੰ ਯਕੀਨ ਨਹੀਂ ਆਇਆ।

ਦੀਪਤੀ ਬਾਂਸਲ ਦੇ ਕੁਝ ਹੀ ਸਮੇਂ ਵਿੱਚ ਕਰੋੜਪਤੀ ਬਣਨ ਦੀ ਗੱਲ ਤੋਂ ਹਰ ਕੋਈ ਹੈਰਾਨ ਹੈ।

ਮਲੋਟ ’ਚ ਕਾਰ ਬਾਜ਼ਾਰ ਚਲਾਉਂਦੇ ਦੀਪਤੀ ਦੀ ਟਿਕਟ ਖਰੀਦਣ ਦੀ ਕੋਈ ਯੋਜਨਾ ਨਹੀਂ ਸੀ ਪਰ ਲਾਟਰੀ ਏਜੰਟ ਨਾਲ ਹੋਈ ਗੱਲਬਾਤ ਨੇ ਸਭ ਕੁਝ ਬਦਲ ਕੇ ਰੱਖ ਦਿੱਤਾ।

ਦੀਪਤੀ ਨੇ ਕਿਹਾ, ‘ਕੱਲ੍ਹ ਦਾ ਦਿਨ ਬਹੁਤ ਕਿਸਮਤ ਵਾਲਾ ਸੀ। ਮੇਰਾ ਕਾਰੋਬਾਰੀ ਭਾਈਵਾਲ ਲਾਟਰੀ ਦੀ ਟਿਕਟ ਖਰੀਦਣਾ ਚਾਹੁੰਦਾ ਸੀ ਤੇ ਅਸੀਂ ਇੱਕ ਲਾਟਰੀ ਏਜੰਟ ਨੂੰ ਦੁਕਾਨ ’ਤੇ ਬੁਲਾਇਆ ਜੋ ਬਾਜ਼ਾਰ ’ਚ ਘੁੰਮ ਰਿਹਾ ਸੀ। ਫਿਰ ਏਜੰਟ ਨੇ ਮੈਨੂੰ ਵੀ ਟਿਕਟ ਖਰੀਦਣ ਲਈ ਕਿਹਾ ਤੇ ਕਿਹਾ ਕਿ ਉਸੇ ਰਾਤ ਡਰਾਅ ਨਿਕਲ ਜਾਵੇਗਾ।’

ਤਕਰੀਬਨ ਡੇਢ ਘੰਟੇ ਬਾਅਦ ਮੈਨੂੰ ਉਸੇ ਏਜੰਟ ਦਾ ਫੋਨ ਆਇਆ ਤੇ ਉਸ ਨੇ ਦੱਸਿਆ ਕਿ ਮੈਨੂੰ 2.5 ਕਰੋੜ ਰੁਪਏ ਦਾ ਪਹਿਲਾ ਇਨਾਮ ਨਿਕਲਿਆ ਹੈ।