ਸਾਊਥ ਸਿਨੇਮਾ ਦੀ ਫਿਲਮ ਕਾਂਤਾਰਾ ਇਨ੍ਹੀਂ ਦਿਨੀਂ ਹਰ ਪਾਸੇ ਧਮਾਕਾ ਕਰ ਰਹੀ ਹੈ। ਫਿਲਮ ਬਾਕਸ ਆਫਿਸ 'ਤੇ ਕਮਾਈ ਦੇ ਜ਼ਬਰਦਸਤ ਰਿਕਾਰਡ ਬਣਾ ਰਹੀ ਹੈ।

ਦੱਖਣ ਦੇ ਵੱਡੇ ਸਿਤਾਰੇ ਕਾਂਤਾਰਾ ਦੀ ਖੂਬ ਤਾਰੀਫ ਕਰ ਰਹੇ ਹਨ। ਇਸ ਦੇ ਨਾਲ ਹੀ ਸਾਊਥ ਦੇ ਮੈਗਾ ਸਟਾਰ ਰਜਨੀਕਾਂਤ ਨੇ ਵੀ ਫਿਲਮ ਦੀ ਖੂਬ ਤਾਰੀਫ ਕੀਤੀ ਹੈ।

ਫਿਲਮ ਕੰਤਾਰਾ ਲਗਾਤਾਰ ਸੋਸ਼ਲ ਮੀਡੀਆ 'ਤੇ ਹਾਵੀ ਹੈ। ਅਜਿਹੇ 'ਚ ਟਵਿਟਰ 'ਤੇ ਰਜਨੀਕਾਂਤ ਨੇ ਫਿਲਮ ਬਾਰੇ ਆਪਣਾ ਅਨੁਭਵ ਦੱਸਿਆ ਹੈ।

ਉਨ੍ਹਾਂ ਨੇ ਕਬੂਲ ਕੀਤਾ ਕਿ ਉਹ ਇਸ ਫ਼ਿਲਮ ਦੇ ਮੁਰੀਦ ਹੋ ਗਏ ਹਨ। ਇਹੀ ਨਹੀਂ ਜਦੋਂ ਰਜਨੀਕਾਂਤ ਨੇ ਫ਼ਿਲਮ ਦੇਖੀ ਤਾਂ ਉਨ੍ਹਾਂ ਦੇ ਰੌਂਟਟੇ ਖੜੇ ਹੋ ਗਏ।

ਉਨ੍ਹਾਂ ਨੇ ਰਿਸ਼ਭ ਸ਼ੈੱਟੀ ਦੀ ਅਦਾਕਾਰੀ, ਲੇਖਣ ਅਤੇ ਨਿਰਦੇਸ਼ਨ ਦੇ ਹੁਨਰ ਦੀ ਵੀ ਤਾਰੀਫ ਕੀਤੀ। ਫਿਲਮ ਦੀ ਤਾਰੀਫ ਕਰਦੇ ਹੋਏ ਰਜਨੀਕਾਂਤ ਨੇ ਇਸ ਨੂੰ ਭਾਰਤੀ ਸਿਨੇਮਾ ਦਾ ਮਾਸਟਰਪੀਸ ਦੱਸਿਆ ਹੈ।

ਰਜਨੀਕਾਂਤ ਨੇ ਅੱਗੇ ਲਿਖਿਆ, ''ਰਿਸ਼ਭ ਸ਼ੈੱਟੀ ਤੁਹਾਨੂੰ ਲੇਖਕ, ਨਿਰਦੇਸ਼ਕ ਅਤੇ ਅਦਾਕਾਰ ਵਜੋਂ ਸਲਾਮ ਕਰਦਾ ਹਾਂ। ਭਾਰਤੀ ਸਿਨੇਮਾ ਵਿੱਚ ਇਸ ਮਾਸਟਰਪੀਸ ਦੀ ਸਮੁੱਚੀ ਕਾਸਟ ਅਤੇ ਟੀਮ ਨੂੰ ਵਧਾਈ।

ਰਜਨੀਕਾਂਤ ਦੀ ਤਾਰੀਫ ਰਿਸ਼ਭ ਸ਼ੈੱਟੀ ਲਈ ਸੁਪਨੇ ਦੇ ਸੱਚ ਹੋਣ ਵਾਂਗ ਸੀ

ਅਜਿਹੇ 'ਚ ਉਨ੍ਹਾਂ ਨੇ ਮੈਗਾਸਟਾਰ ਰਜਨੀਕਾਂਤ ਦੇ ਟਵੀਟ ਦਾ ਜਵਾਬ ਦਿੰਦੇ ਹੋਏ ਲਿਖਿਆ, 'ਪਿਆਰੇ ਰਜਨੀਕਾਂਤ ਸਰ, ਤੁਸੀਂ ਭਾਰਤ ਦੇ ਸਭ ਤੋਂ ਵੱਡੇ ਸੁਪਰਸਟਾਰ ਹੋ ਅਤੇ ਮੈਂ ਬਚਪਨ ਤੋਂ ਹੀ ਤੁਹਾਡਾ ਫੈਨ ਰਿਹਾ ਹਾਂ।

ਤੁਹਾਡੀ ਪ੍ਰਸ਼ੰਸਾ ਨੇ ਮੇਰਾ ਸੁਪਨਾ ਸਾਕਾਰ ਕਰ ਦਿੱਤਾ। ਤੁਸੀਂ ਮੈਨੂੰ ਹੋਰ ਸਥਾਨਕ ਕਹਾਣੀਆਂ ਕਰਨ ਲਈ ਪ੍ਰੇਰਿਤ ਕਰਦੇ ਹੋ ਅਤੇ ਸਾਡੇ ਦਰਸ਼ਕਾਂ ਨੂੰ ਹਰ ਜਗ੍ਹਾ ਪ੍ਰੇਰਿਤ ਕਰਦੇ ਹੋ। ਧੰਨਵਾਦ ਸਰ

ਫਿਲਮ ਨੇ ਦੂਜੇ ਮੰਗਲਵਾਰ ਨੂੰ 4 ਕਰੋੜ ਰੁਪਏ ਤੋਂ ਜ਼ਿਆਦਾ ਦੀ ਕਮਾਈ ਕੀਤੀ ਸੀ, ਜਦਕਿ ਯਸ਼ ਦੀ ਫਿਲਮ 'ਕੇਜੀਐਫ 2' ਨੇ ਸਿਰਫ 3 ਕਰੋੜ ਰੁਪਏ ਦੀ ਕਮਾਈ ਕੀਤੀ ਸੀ। ਅਜਿਹੇ 'ਚ 'ਕਾਂਤਾਰਾ' ਵਰਗੀ ਛੋਟੇ ਬਜਟ ਦੀ ਫਿਲਮ ਨੇ ਵੀ ਯਸ਼ ਦੀ ਵੱਡੇ ਬਜਟ ਦੀ ਫਿਲਮ ਦਾ ਰਿਕਾਰਡ ਤੋੜ ਦਿੱਤਾ ਹੈ।