ਭਾਰਤੀ ਰਿਜ਼ਰਵ ਬੈਂਕ (Reserve Bank of India) ਨੇ ਜਾਣਕਾਰੀ ਦਿੱਤੀ ਹੈ ਕਿ ਕੇਂਦਰੀ ਬੈਂਕ ਡਿਜੀਟਲ ਕਰੰਸੀ (RBI Digital Currency) ਦਾ ਪਹਿਲਾ ਪਾਇਲਟ ਪ੍ਰੋਜੈਕਟ ਮੰਗਲਵਾਰ ਨੂੰ ਡਿਜੀਟਲ ਰੁਪਈਆ (Digital Rupee) ਲਾਂਚ ਕਰਨ ਜਾ ਰਿਹਾ ਹੈ।

ਇਸਦੀ ਵਰਤੋਂ ਸਰਕਾਰੀ ਸੁਰੱਖਿਆ ਲੈਣ-ਦੇਣ ਵਿੱਚ ਕੀਤੀ ਜਾਵੇਗੀ। ਇਹ ਸਿਰਫ ਥੋਕ ਵਪਾਰ ਲਈ ਹੋਵੇਗਾ।

RBI ਨੇ ਕਿਹਾ ਕਿ 1 ਮਹੀਨੇ ਦੇ ਅੰਦਰ ਰਿਟੇਲ ਸੈਗਮੈਂਟ ਲਈ ਵੀ ਡਿਜੀਟਲ ਰੁਪਈਆ ਲਾਂਚ ਕਰਨ ਦੀ ਯੋਜਨਾ ਹੈ।

ਇਸ ਨੂੰ ਸਭ ਤੋਂ ਪਹਿਲਾਂ ਚੋਣਵੇਂ ਸਥਾਨਾਂ 'ਤੇ ਕੁਝ ਚੁਣੇ ਹੋਏ ਉਪਭੋਗਤਾਵਾਂ ਲਈ ਲਾਂਚ ਕੀਤਾ ਜਾਵੇਗਾ। ਇਨ੍ਹਾਂ ਉਪਭੋਗਤਾਵਾਂ ਵਿੱਚ ਗਾਹਕ ਅਤੇ ਵਪਾਰੀ ਸ਼ਾਮਲ ਹੋਣਗੇ।

ਰਿਜ਼ਰਵ ਬੈਂਕ ਨੇ ਸੋਮਵਾਰ ਨੂੰ ਜਾਣਕਾਰੀ ਦਿੱਤੀ ਹੈ ਕਿ ਇਸ ਪਾਇਲਟ ਪ੍ਰੋਜੈਕਟ 'ਚ 9 ਬੈਂਕ ਹਿੱਸਾ ਲੈਣਗੇ।

ਇਸ ਵਿੱਚ ਸਟੇਟ ਬੈਂਕ ਆਫ ਇੰਡੀਆ , ਬੈਂਕ ਆਫ ਬੜੌਦਾ , ਯੂਨੀਅਨ ਬੈਂਕ ਆਫ ਇੰਡੀਆ , ਐਚਡੀਐਫਸੀ ਬੈਂਕ, ICICI Bank, ਕੋਟਕ ਮਹਿੰਦਰਾ ਬੈਂਕ, ਯੈੱਸ ਬੈਂਕ, ਆਈਡੀਐਫਸੀ ਫਸਟ ਬੈਂਕ ਤੇ ਐਚਐਸਬੀਸੀ ਬੈਂਕ ਨੂੰ ਭਾਗ ਲੈਣ ਲਈ ਚੁਣਿਆ ਗਿਆ ਹੈ।

ਦੱਸਣਯੋਗ ਹੈ ਕਿ ਆਰਬੀਆਈ ਨੇ 7 ਅਕਤੂਬਰ 2022 ਨੂੰ ਕਿਹਾ ਸੀ ਕਿ ਉਹ ਛੇਤੀ ਹੀ ਇਸ ਲਈ ਪਾਇਲਟ ਪ੍ਰੋਜੈਕਟ ਸ਼ੁਰੂ ਕਰੇਗਾ।

ਪਾਇਲਟ ਪ੍ਰੋਜੈਕਟ ਦੌਰਾਨ ਡਿਜੀਟਲ ਰੁਪਏ ਦੀ ਵਰਤੋਂ ਨੂੰ ਸੀਮਤ ਰੱਖਿਆ ਗਿਆ ਹੈ। ਪਾਇਲਟ ਪ੍ਰੋਜੈਕਟ ਦੇ ਨਤੀਜਿਆਂ ਦਾ ਕੇਂਦਰੀ ਬੈਂਕ ਦੁਆਰਾ ਵਿਸ਼ਲੇਸ਼ਣ ਕੀਤਾ ਜਾਵੇਗਾ।

ਇਸ ਤੋਂ ਬਾਅਦ ਇਸ ਨੂੰ ਵੱਡੇ ਪੱਧਰ 'ਤੇ ਬਾਜ਼ਾਰ 'ਚ ਲਿਆਂਦਾ ਜਾਵੇਗਾ। ਡਿਜੀਟਲ ਰੁਪਈਆ ਬੈਂਕਾਂ ਦੇ ਲੈਣ-ਦੇਣ ਦੀ ਲਾਗਤ ਨੂੰ ਘਟਾਏਗਾ।

ਟੈਕਨੋਲੋਡਰ ਪ੍ਰਾਈਵੇਟ ਲਿਮਟਿਡ ਦੇ ਸੀਈਓ ਵਿਪਿਨ ਕੁਮਾਰ ਦਾ ਕਹਿਣਾ ਹੈ ਕਿ ਬਲਾਕਚੇਨ ਦੀ ਵਰਤੋਂ ਕਰਕੇ ਡਿਜੀਟਲ ਰੁਪਈਆ ਸ਼ੁਰੂ ਕਰਨਾ ਸਰਕਾਰ ਲਈ ਕੋਈ ਔਖਾ ਕੰਮ ਨਹੀਂ ਹੈ।