ਅਦਾਕਾਰ ਪਰੇਸ਼ ਰਾਵਲ ਨੇ ਹਾਲ ਹੀ ਵਿੱਚ ਸੋਸ਼ਲ ਮੀਡੀਆ ਰਾਹੀਂ ਇੱਕ ਸਵਾਲ ਦੇ ਜਵਾਬ ਵਿੱਚ ਪੁਸ਼ਟੀ ਕੀਤੀ ਸੀ ਕਿ ‘ਹੇਰਾ ਫੇਰੀ 3’ ਵਿੱਚ ਅਕਸ਼ੈ ਕੁਮਾਰ ਦੀ ਥਾਂ ਕਾਰਤਿਕ ਆਰੀਅਨ ਮੁੱਖ ਭੂਮਿਕਾ ਵਿੱਚ ਹੋਣਗੇ

ਇਸ ਤੋਂ ਬਾਅਦ ਜਿੱਥੇ ਕਾਰਤਿਕ ਦੇ ਪ੍ਰਸ਼ੰਸਕ ਸੋਸ਼ਲ ਮੀਡੀਆ 'ਤੇ 'ਤੇ ਖੁਸ਼ੀ ਜ਼ਾਹਰ ਕਰ ਰਹੇ ਹਨ, ਉਥੇ ਹੀ ਉਨ੍ਹਾਂ ਦੇ ਪ੍ਰਸ਼ੰਸਕ ਫਿਲਮ ਦੇ ਇਕ ਹੋਰ ਸੀਕੁਅਲ 'ਚ ਅਕਸ਼ੈ ਦੀ ਗੈਰ ਮੌਜੂਦਗੀ 'ਤੇ ਨਿਰਾਸ਼ਾ ਜ਼ਾਹਰ ਕਰ ਰਹੇ ਹਨ।

ਗੌਰਤਲਬ ਹੈ ਕਿ ਹੁਣ ਖੁਦ ਅਭਿਨੇਤਾ ਸੁਨੀਲ ਸ਼ੈੱਟੀ ਨੇ ਵੀ 'ਹੇਰਾ ਫੇਰੀ 3' 'ਚ ਅਕਸ਼ੈ ਕੁਮਾਰ ਦੇ ਨਾ ਆਉਣ 'ਤੇ ਨਿਰਾਸ਼ਾ ਜਤਾਈ ਹੈ।

ਸੁਨੀਲ ਸ਼ੈੱਟੀ ਨੇ ਕਿਹਾ, 'ਮੈਂ ਨਿਰਮਾਤਾ ਨੂੰ ਪੁੱਛਾਂਗਾ ਕਿ ਤੁਹਾਡੇ ਅਤੇ ਅਕਸ਼ੈ ਵਿਚਕਾਰ ਕੀ ਹੋਇਆ'

'ਏਬੀਪੀ ਨਿਊਜ਼' ਨੇ ਸੁਨੀਲ ਸ਼ੈੱਟੀ ਨੂੰ 'ਹੇਰਾ ਫੇਰੀ 3' 'ਚ ਕੰਮ ਨਾ ਕੀਤੇ ਜਾਣ ਅਤੇ ਕਾਰਤਿਕ ਦੀ ਜਗ੍ਹਾ ਲੈਣ 'ਤੇ ਪੁੱਛਿਆ ਤਾਂ ਸ਼ੈੱਟੀ ਨੇ ਕਿਹਾ, ''ਮੈਂ ਆਪਣੇ ਵੈੱਬ ਸ਼ੋਅ 'ਚ ਇੰਨਾ ਰੁੱਝਿਆ ਹੋਇਆ ਹਾਂ ਕਿ ਮੈਨੂੰ ਤਾਂ ਪਤਾ ਹੀ ਨਹੀਂ ਸੀ

ਇਹ ਸਮਝਣ ਲਈ ਮੈਨੂੰ 'ਹੇਰਾ ਫੇਰੀ 3' ਦੇ ਨਿਰਮਾਤਾ ਕੋਲ ਜਾਣਾ ਪਵੇਗਾ ਅਤੇ ਉਸ ਤੋਂ ਪੁੱਛਣਾ ਪਵੇਗਾ ਕਿ ਅਕਸ਼ੈ ਅਤੇ ਤੁਹਾਡੇ ਵਿਚਕਾਰ ਕੀ ਹੋਇਆ ਹੈ? ਪਰ ਮੈਨੂੰ ਨਹੀਂ ਪਤਾ ਕਿ ਕੀ ਹੋ ਰਿਹਾ ਹੈ।

ਧਿਆਨਯੋਗ ਹੈ ਕਿ ਸੁਨੀਲ ਸ਼ੈੱਟੀ ਨੇ 'ਹੇਰਾ ਫੇਰੀ 3' ਨੂੰ ਲੈ ਕੇ ਇਹ ਪ੍ਰਤੀਕਿਰਿਆ ਆਪਣੇ ਪਹਿਲੇ OTT ਸ਼ੋਅ 'ਧਾਰਵੀ ਬੈਂਕ' ਦੇ ਪ੍ਰਮੋਸ਼ਨ ਮੌਕੇ ਦਿੱਤੀ ਸੀ

19 ਨਵੰਬਰ ਤੋਂ ਐਮਐਕਸ ਪਲੇਅਰ 'ਤੇ ਆਉਣ ਵਾਲੇ ਇਸ ਸ਼ੋਅ 'ਚ ਸੁਨੀਲ ਸ਼ੈੱਟੀ ਤੋਂ ਇਲਾਵਾ ਵਿਵੇਕ ਓਬਰਾਏ ਅਤੇ ਸੋਨਾਲੀ ਕੁਲਕਰਨੀ ਵੀ ਅਹਿਮ ਭੂਮਿਕਾਵਾਂ 'ਚ ਨਜ਼ਰ ਆਉਣਗੇ।

ਜ਼ਿਕਰਯੋਗ ਹੈ ਕਿ ਸੁਪਰਹਿੱਟ ਫਿਲਮਾਂ 'ਹੇਰਾ ਫੇਰੀ' ਅਤੇ 'ਹੇਰਾ ਫੇਰੀ 2' 'ਚ ਅਕਸ਼ੇ ਕੁਮਾਰ ਨੇ ਰਾਜੂ ਦਾ ਕਿਰਦਾਰ ਨਿਭਾਇਆ ਸੀ ਜਦਕਿ ਸੁਨੀਲ ਸ਼ੈੱਟੀ ਨੇ 'ਘਨਸ਼ਿਆਮ' ਦਾ ਕਿਰਦਾਰ ਨਿਭਾਇਆ ਸੀ

ਮੰਨਿਆ ਜਾ ਰਿਹਾ ਸੀ ਕਿ 'ਹੇਰਾ ਫੇਰੀ 3' 'ਚ ਵੀ ਦੋਵੇਂ ਇਕ ਵਾਰ ਫਿਰ ਕੰਮ ਕਰਦੇ ਨਜ਼ਰ ਆਉਣਗੇ। ਹਾਲ ਹੀ 'ਚ ਅਕਸ਼ੇ ਕੁਮਾਰ ਨੇ ਕਿਹਾ ਕਿ ਉਨ੍ਹਾਂ ਨੂੰ 'ਹੇਰਾ ਫੇਰੀ 3' ਦੀ ਸਕ੍ਰਿਪਟ ਪਸੰਦ ਨਹੀਂ ਆਈ, ਉਨ੍ਹਾਂ ਨੇ ਖੁਦ ਫਿਲਮ 'ਚ ਕੰਮ ਕਰਨ ਤੋਂ ਇਨਕਾਰ ਕਰ ਦਿੱਤਾ।