ਸਮਾਰਟਫ਼ੋਨ ਸਾਡੀ ਰੋਜ਼ਾਨਾ ਜ਼ਿੰਦਗੀ ਦਾ ਅਹਿਮ ਹਿੱਸਾ ਬਣ ਗਏ ਹਨ। ਮੋਬਾਈਲ ਦੇ ਭਾਵੇਂ ਕਈ ਫਾਇਦੇ ਹਨ, ਪਰ ਕੁਝ ਨੁਕਸਾਨ ਵੀ ਹਨ।

ਕਈ ਖੋਜਾਂ ਵਿੱਚ ਇਹ ਸਪੱਸ਼ਟ ਹੋ ਗਿਆ ਹੈ ਕਿ ਇਹ ਲੋਕਾਂ ਦੀ ਸਿਹਤ ਨੂੰ ਵੀ ਨੁਕਸਾਨ ਪਹੁੰਚਾ ਰਿਹਾ ਹੈ। ਮਾਹਿਰਾਂ ਮੁਤਾਬਕ ਜਦੋਂ ਤੁਸੀਂ ਵਾਇਰਲੈੱਸ ਨੈੱਟਵਰਕ ਨਾਲ ਜੁੜੇ ਫ਼ੋਨ ਨੂੰ ਆਪਣੀ ਜੇਬ ਵਿੱਚ ਰੱਖਦੇ ਹੋ ਤਾਂ ਤੁਹਾਡੇ ਸਰੀਰ ਨੂੰ 2 ਤੋਂ 7 ਗੁਣਾ ਰੇਡੀਏਸ਼ਨ ਝੱਲਣੀ ਪੈਂਦੀ ਹੈ।

ਅਜਿਹੇ 'ਚ ਫੋਨ ਨੂੰ ਕਿੱਥੇ ਰੱਖਣਾ ਚਾਹੀਦਾ ਹੈ, ਇਹ ਵੀ ਵੱਡਾ ਮੁੱਦਾ ਹੈ। ਜਾਣੋ ਕਿੱਥੇ ਸਮਾਰਟਫੋਨ ਰੱਖਣਾ ਤੁਹਾਡੇ ਲਈ ਹਾਨੀਕਾਰਕ ਹੋ ਸਕਦਾ ਹੈ।

ਨੌਜਵਾਨ ਅਕਸਰ ਆਪਣੇ ਮੋਬਾਈਲ ਫ਼ੋਨ ਆਪਣੀ ਪੈਂਟ ਜਾਂ ਜੀਨਸ ਦੀ ਪਿਛਲੀ ਜੇਬ ਵਿੱਚ ਰੱਖਦੇ ਹਨ। ਬਾਈਕ ਚਲਾਉਂਦੇ ਸਮੇਂ ਵੀ ਲੋਕ ਅਕਸਰ ਆਪਣਾ ਮੋਬਾਇਲ ਆਪਣੀ ਪਿਛਲੀ ਜੇਬ 'ਚ ਰੱਖਦੇ ਹਨ।

ਹਾਲਾਂਕਿ, ਅਜਿਹੀ ਸਥਿਤੀ ਵਿੱਚ, ਫੋਨ ਦੇ ਚੋਰੀ ਹੋਣ ਦੇ ਨਾਲ-ਨਾਲ ਟੁੱਟਣ ਦਾ ਵੀ ਖ਼ਤਰਾ ਹੈ। ਨਾਲ ਹੀ ਇਸ ਨਾਲ ਤੁਹਾਨੂੰ ਪੇਟ ਅਤੇ ਲੱਤਾਂ ਵਿੱਚ ਦਰਦ ਦੀ ਸ਼ਿਕਾਇਤ ਹੋ ਸਕਦੀ ਹੈ। ਇਸ ਲਈ ਫੋਨ ਨੂੰ ਪਿਛਲੀ ਜੇਬ 'ਚ ਨਹੀਂ ਰੱਖਣਾ ਚਾਹੀਦਾ।

ਕਈ ਲੋਕਾਂ ਨੂੰ ਸੌਂਦੇ ਸਮੇਂ ਮੋਬਾਈਲ ਸਿਰਹਾਣੇ ਹੇਠਾਂ ਰੱਖਣ ਦੀ ਆਦਤ ਹੁੰਦੀ ਹੈ। ਪਰ ਇਹ ਆਦਤ ਬਿਲਕੁਲ ਗਲਤ ਹੈ।

ਅਜਿਹਾ ਕਰਨ ਨਾਲ ਤੁਹਾਨੂੰ ਭਵਿੱਖ ਵਿੱਚ ਸਿਰ ਦਰਦ ਅਤੇ ਚੱਕਰ ਆਉਣ ਵਰਗੀਆਂ ਸਮੱਸਿਆਵਾਂ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ। ਮੋਬਾਈਲ ਫੋਨ ਤੋਂ ਨਿਕਲਣ ਵਾਲੀ ਇਲੈਕਟ੍ਰੋਮੈਗਨੈਟਿਕ ਰੇਡੀਏਸ਼ਨ ਕਾਫ਼ੀ ਨੁਕਸਾਨਦੇਹ ਹੈ।

ਜੇ ਤੁਸੀਂ ਪੁਰਸ਼ ਹੋ ਅਤੇ ਪੈਂਟ ਜਾਂ ਜੀਨਸ ਦੀ ਅਗਲੀ ਜੇਬ 'ਚ ਆਪਣਾ ਸਮਾਰਟਫੋਨ ਰੱਖਦੇ ਹੋ ਤਾਂ ਸਾਵਧਾਨ ਹੋ ਜਾਓ।

ਇੱਕ ਰਿਸਰਚ ਵਿੱਚ ਇਹ ਗੱਲ ਸਾਫ਼ ਹੋ ਗਈ ਹੈ ਕਿ ਲੰਬੇ ਸਮੇਂ ਤੱਕ ਅਜਿਹਾ ਕਰਨ ਵਾਲੇ ਪੁਰਸ਼ਾਂ ਦੇ ਸਪਰਮ ਕਾਉਂਟ ਘੱਟ ਹੋ ਜਾਂਦੇ ਹਨ। ਨਾਲ ਹੀ, ਅਜਿਹਾ ਕਰਨ ਨਾਲ ਤੁਹਾਡੇ ਸ਼ੁਕਰਾਣੂ ਦੀ ਗੁਣਵੱਤਾ ਵੀ ਵਿਗੜ ਸਕਦੀ ਹੈ।