ਨਵੀਂ ਦਿੱਲੀ: ਸੋਸ਼ਲ ਮੀਡੀਆ (social Media) 'ਤੇ ਇੱਕ ਪਿਆਰੀ ਛੋਟੀ ਬੱਚੀ ਦਾ ਵੀਡੀਓ ਵਾਇਰਲ (Viral Video) ਹੋ ਰਿਹਾ ਹੈ। ਇਹ ਲੜਕੀ ਆਪਣੇ ਸ਼ਬਦਾਂ ਨੂੰ ਇੰਨੀ ਮਾਸੂਮੀਅਤ ਨਾਲ ਕਹਿ ਰਹੀ ਹੈ ਕਿ ਹਰ ਕੋਈ ਬੱਚੇ ਦੇ ਗੱਲ ਸੁਣ ਕੇ ਭਾਵੁਕ ਹੋ ਰਿਹਾ ਹੈ। ਵੀਡੀਓ ਵਿੱਚ ਨਜ਼ਰ ਆਉਣ ਵਾਲੀ ਇਹ 6 ਸਾਲਾ ਲੜਕੀ ਕਸ਼ਮੀਰ ਦੀ ਰਹਿਣ (Kashmiri Girl) ਵਾਲੀ ਹੈ। ਕੋਰੋਨਾ ਯੁੱਗ ਵਿਚ ਬੱਚੇ ਆਨਲਾਈਨ ਕਲਾਸਾਂ (Online Clasess) ਤੋਂ ਤੰਗ ਆ ਚੁੱਕੇ ਹਨ। ਲੜਕੀ ਇਸ ਵੀਡੀਓ 'ਚ ਆਨਲਾਈਨ ਕਲਾਸਾਂ ਤੋਂ ਤੰਗ ਆ ਕੇ ਹੀ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ (Prime Minister Narendra Modi) ਨੂੰ ਭਾਵਾਤਮਕ ਅਪੀਲ ਕਰ ਰਹੀ ਹੈ।
ਵੀਡੀਓ ਵਿਚ ਮਾਸੂਮ ਬੱਚੀ ਕਹਿ ਰਹੀ ਹੈ, 'ਅਸਲਾਮੂ ਅਲੈ ਇਕਮ ਮੋਦੀ ਸਾਹਿਬ, ਮੈਂ ਇੱਕ ਲੜਕੀ ਬੋਲ ਰਹੀ ਹਾਂ। ਮੈਂ ਜ਼ੂਮ ਕਲਾਸ ਬਾਰੇ ਗੱਲ ਕਰ ਸਕਦੀ ਹਾਂ। ਬੱਚੀ ਕਹਿ ਰਿਹਾ ਹੈ ਜੋ 6 ਸਾਲ ਦੇ ਬੱਚੇ ਹੁੰਦੇ ਹਨ ਉਨ੍ਹਾਂ ਨੂੰ ਜ਼ਿਆਦਾ ਕੰਮ ਕਿਉਂ ਦਿੰਦੇ ਹਨ। ਪਹਿਲਾਂ ਅੰਗਰੇਜ਼ੀ, ਗਣਿਤ, ਉਰਦੂ, ਈਵੀਐਸ ਤੇ ਫਿਰ ਕੰਪਿਊਟਰ ਕਲਾਸ। ਮੇਰੀਆਂ ਕਲਾਸਾਂ ਸਵੇਰੇ 10 ਵਜੇ ਤੋਂ ਦੁਪਹਿਰ 2 ਵਜੇ ਤੱਕ ਚੱਲਦੀਆਂ ਹਨ। ਇੰਨਾ ਕੰਮ ਤਾਂ ਵੱਡੇ ਬੱਚਿਆਂ ਕੋਲ ਹੁੰਦਾ ਹੈ।
ਜੰਮੂ-ਕਸ਼ਮੀਰ ਦੇ ਰਾਜਪਾਲ ਮਨੋਜ ਸਿਨਹਾ ਨੇ ਬੱਚੀ ਦੀ ਵੀਡੀਓ ਵਾਇਰਲ ਹੋਣ ਤੋਂ ਬਾਅਦ ਕਾਰਵਾਈ ਕੀਤੀ ਹੈ। ਉਨ੍ਹਾਂ ਨੇ ਲਿਖਿਆ ਹੈ ਕਿ ਬਹੁਤ ਹੀ ਮਾਸੂਮੀਅਤ ਭਰੀ ਸ਼ਿਕਾਇਤ ਹੈ। ਸਕੂਲੀ ਬੱਚਿਆਂ 'ਤੇ ਹੋਮਵਰਕ ਦਾ ਬੋਝ ਘੱਟ ਕਰਨ ਲਈ ਸਕੂਲ ਸਿੱਖਿਆ ਵਿਭਾਗ ਨੂੰ 48 ਘੰਟਿਆਂ ਵਿਚ ਇੱਕ ਨੀਤੀ ਬਣਾਉਣ ਦੀ ਹਦਾਇਤ ਕੀਤੀ ਗਈ ਹੈ। ਬਚਪਨ ਦੀ ਮਾਸੂਮੀਅਤ ਰੱਬ ਦੀ ਦਾਤ ਹੈ ਅਤੇ ਉਨ੍ਹਾਂ ਦੇ ਦਿਨ ਜੀਵੰਤ, ਅਨੰਦ ਤੇ ਅਨੰਦ ਨਾਲ ਭਰੇ ਹੋਣੇ ਚਾਹੀਦੇ ਹਨ।
ਜੰਮੂ ਕਸ਼ਮੀਰ ਦੀ ਛੇ ਸਾਲਾ ਲੜਕੀ ਨੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੂੰ ਇਕ ਵੀਡੀਓ ਸੰਦੇਸ਼ ਰਾਹੀਂ ਇਹ ਦੱਸਣ ਦੀ ਕੋਸ਼ਿਸ਼ ਕੀਤੀ ਹੈ ਕਿ ਬੱਚੇ ਕਿਵੇਂ ਤੰਗ ਆ ਰਹੇ ਹਨ। ਜਦੋਂ ਤੋਂ ਲੌਕਡਾਊਨ ਲੱਗਿਆ ਹੈ ਅਤੇ ਕੋਰੋਨਾ ਆਇਆ ਹੈ ਉਦੋਂ ਤੋਂ ਆਨਲਾਈਨ ਕਲਾਸਾਂ ਚੱਲ ਰਹੀਆਂ ਹਨ ਇਸ ਨਾਲ ਬੱਚਿਆਂ ਦੇ ਮਨਾਂ ਤੇ ਬਹੁਤ ਵੱਡਾ ਪ੍ਰਭਾਵ ਪੈ ਰਿਹਾ ਹੈ। ਸਕੂਲਾਂ ਵਿਚ ਬੱਚੇ ਇੱਕ ਦੂਜੇ ਨਾਲ ਖੇਡਦੇ, ਉੱਛਲਦੇ ਤੇ ਗੱਲਾਂ ਕਰਦੇ ਸੀ, ਇਸ ਲਈ ਉਨ੍ਹਾਂ ਨੂੰ ਪੜ੍ਹਾਈ 'ਤੇ ਕੋਈ ਬੋਝ ਮਹਿਸੂਸ ਨਹੀਂ ਹੋਇਆ, ਪਰ ਹੁਣ ਬੱਚੇ ਇਨ੍ਹਾਂ ਆਨਲਾਈਨ ਕਲਾਸਾਂ ਤੋਂ ਪ੍ਰੇਸ਼ਾਨ ਹੋ ਰਹੇ ਹਨ।
ਇਹ ਵੀ ਪੜ੍ਹੋ: BMW X7 M50d ਦਾ 'ਡਾਰਕ ਸ਼ੈਡੋ' ਐਡੀਸ਼ਨ ਲਾਂਚ, ਜਾਣੋ ਕੀਮਤ ਸਮੇਤ ਕੀ ਕੁਝ ਇਸ 'ਚ ਖਾਸ
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/apps/details?id=com.winit.starnews.hin
https://apps.apple.com/in/app/abp-live-news/id811114904