ਹਾਲ ਹੀ ਵਿੱਚ ਇੰਡੋਨੇਸ਼ੀਆ ਵਿੱਚ ਬਾਟਿਕ ਏਅਰ ਦੀ ਇੱਕ ਹੈਰਾਨ ਕਰਨ ਵਾਲੀ ਘਟਨਾ ਸਾਹਮਣੇ ਆਈ ਹੈ। ਗਾਰਡੀਅਨ ਦੀ ਰਿਪੋਰਟ ਮੁਤਾਬਕ 153 ਯਾਤਰੀਆਂ ਵਾਲੀ ਫਲਾਈਟ ਦਾ ਪਾਇਲਟ ਅਤੇ ਕੋ-ਪਾਇਲਟ ਅੱਧੇ ਘੰਟੇ ਤੱਕ ਸੌਂ ਗਏ। ਨਤੀਜਾ ਇਹ ਹੋਇਆ ਕਿ ਜਹਾਜ਼ ਆਪਣਾ ਰਸਤਾ ਭੁੱਲ ਗਿਆ। ਇਹ ਘਟਨਾ ਇਸ ਸਾਲ ਜਨਵਰੀ ਮਹੀਨੇ ਦੀ ਦੱਸੀ ਜਾਂਦੀ ਹੈ। ਘਟਨਾ ਦੀ ਜਾਂਚ ਦੇ ਹੁਕਮ ਦੇ ਦਿੱਤੇ ਗਏ ਹਨ ਅਤੇ ਜ਼ਿੰਮੇਵਾਰ ਪਾਇਲਟ ਅਤੇ ਕੋ-ਪਾਇਲਟ ਖਿਲਾਫ਼ ਕਾਰਵਾਈ ਕੀਤੀ ਗਈ ਹੈ। ਦੱਸਣਯੋਗ ਹੈ ਕਿ ਇਹ ਘਟਨਾ 153 ਯਾਤਰੀਆਂ ਨਾਲ ਸੁਲਾਵੇਸੀ ਤੋਂ ਜਕਾਰਤਾ ਜਾ ਰਹੀ ਫਲਾਈਟ 'ਚ ਵਾਪਰੀ ਸੀ।


ਖੇਤਰ ਕੰਟਰੋਲ ਕੇਂਦਰ ਨੇ ਜਹਾਜ਼ ਨਾਲ ਸੰਪਰਕ ਕਰਨ ਦੀ ਕੀਤੀ ਕੋਸ਼ਿਸ਼ 


ਟੇਕਆਫ ਦੇ ਅੱਧੇ ਘੰਟੇ ਬਾਅਦ ਫਲਾਈਟ ਦੇ ਕੈਪਟਨ ਕੁਝ ਸਮੇਂ ਲਈ ਆਰਾਮ ਕਰਨਾ ਚਾਹੁੰਦੇ ਸਨ। ਕੋ-ਪਾਇਲਟ ਨਾਲ ਗੱਲ ਕਰਨ ਤੋਂ ਬਾਅਦ ਉਹ ਸੌਂ ਗਿਆ। ਬੀਤੀ ਰਾਤ ਨੀਂਦ ਨਾ ਆਉਣ ਕਾਰਨ ਉਸ ਦਾ ਕੋ-ਪਾਇਲਟ ਵੀ ਕੁਝ ਸਮੇਂ ਬਾਅਦ ਅਚਾਨਕ ਸੌਂ ਗਿਆ। ਜਕਾਰਤਾ ਦੇ ਖੇਤਰ ਕੰਟਰੋਲ ਕੇਂਦਰ ਨੇ ਜਹਾਜ਼ ਨਾਲ ਸੰਪਰਕ ਕਰਨ ਦੀ ਕੋਸ਼ਿਸ਼ ਕੀਤੀ ਪਰ ਪਾਇਲਟਾਂ ਵੱਲੋਂ ਕੋਈ ਜਵਾਬ ਨਹੀਂ ਮਿਲਿਆ। ਜਦੋਂ ਪਾਇਲਟ 28 ਮਿੰਟ ਬਾਅਦ ਜਾਗਿਆ ਤਾਂ ਉਸ ਨੇ ਵੇਖਿਆ ਕਿ ਉਸ ਦਾ ਕੋ-ਪਾਇਲਟ ਵੀ ਸੌਂ ਰਿਹਾ ਸੀ। ਇਹ ਵੇਖ ਕੇ ਉਹ ਹੈਰਾਨ ਰਹਿ ਗਿਆ।


ਆਪਣੀ ਦਿਸ਼ਾ ਤੋਂ ਭਟਕ ਗਿਆ ਸੀ ਜਹਾਜ਼


ਪਾਇਲਟ ਨੇ ਜਲਦ ਹੀ ਆਪਣੇ ਸਾਥੀ ਨੂੰ ਜਗਾਇਆ। ਦੋਵਾਂ ਨੇ ਵੇਖਿਆ ਕਿ ਜਹਾਜ਼ ਸਹੀ ਦਿਸ਼ਾ 'ਚ ਨਹੀਂ ਜਾ ਰਿਹਾ ਸੀ। ਇਸ ਤੋਂ ਬਾਅਦ ਦੋਵਾਂ ਨੇ ਏਟੀਸੀ ਨਾਲ ਸੰਪਰਕ ਕੀਤਾ ਅਤੇ ਜਹਾਜ਼ ਨੂੰ ਸਹੀ ਰਸਤੇ 'ਤੇ ਲੈ ਲਿਆ। ਇਸ ਘਟਨਾ ਦੇ ਬਾਵਜੂਦ, 153 ਯਾਤਰੀਆਂ ਨੇ ਉਡਾਣ ਦੇ ਚਾਰ ਅਮਲੇ ਸਮੇਤ ਬਿਨਾਂ ਕਿਸੇ ਸਮੱਸਿਆ ਦੇ ਉਡਾਣ ਨੂੰ ਪੂਰਾ ਕੀਤਾ। ਇਸ ਘਟਨਾ 'ਤੇ ਇੰਡੋਨੇਸ਼ੀਆ ਦੇ ਟਰਾਂਸਪੋਰਟ ਮੰਤਰਾਲੇ ਨੇ ਬਾਟਿਕ ਏਅਰਵੇਜ਼ ਨੂੰ ਫਟਕਾਰ ਲਾਈ। Batik Airways ਨੇ ਐਲਾਨ ਕੀਤਾ ਹੈ ਕਿ ਉਹ ਸਾਰੀਆਂ ਸੁਰੱਖਿਆ ਸਿਫਾਰਿਸ਼ਾਂ ਨੂੰ ਲਾਗੂ ਕਰਨ ਲਈ ਵਚਨਬੱਧ ਹਨ ਅਤੇ ਜ਼ਿੰਮੇਵਾਰ ਲੋਕਾਂ ਖਿਲਾਫ਼ ਕਾਰਵਾਈ ਕੀਤੀ ਗਈ ਹੈ।


ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ।ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ।

 

ਇਹ ਵੀ ਪੜ੍ਹੋ: