ਨਿਊਜ਼ ਏਜੰਸੀ ਮੁਤਾਬਕ ਇਤਾਲਵੀ ਨਿਊਜ਼ ਰਿਪੋਰਟ ਵਿੱਚ ਸਿਰਫ ਮਿਸਟਰ ਪੀ. ਨਾਂ ਦਾ ਇੱਕ ਵਿਅਕਤੀ ਇਸ ਮਹਾਮਾਰੀ ਤੋਂ ਠੀਕ ਹੋਣ ਵਾਲਾ ਸਭ ਤੋਂ ਵਧ ਉਮਰ ਦਾ ਵਿਅਕਤੀ ਮੰਨਿਆ ਜਾ ਰਿਹਾ ਹੈ। ਰਿਮਿਨੀ ਦੇ ਉਪ-ਮੇਅਰ, ਗਲੋਰੀਆ ਲੀਸੀ ਮੁਤਾਬਕ 1919 ਵਿੱਚ ਜਨਮੇ ਮਿਸਟਰ ਪੀ ਨੂੰ ਕੋਰੋਨਾ ਪੌਜ਼ਟਿਵ ਪਾਏ ਜਾਣ ਤੋਂ ਇੱਕ ਹਫਤਾ ਪਹਿਲਾਂ ਉਸ ਨੂੰ ਰਿਮਿਨੀ ਹਸਪਤਾਲ ਓਸਪੇਡੇਲ ਇਨਫੋਮੇਰੀ ਡੀ ਰਿਮਿਨੀ ਵਿੱਚ ਦਾਖਲ ਕਰਵਾਇਆ ਗਿਆ ਸੀ।
ਵੀਰਵਾਰ ਨੂੰ ਇੱਕ ਟੈਲੀਵੀਯਨ ਇੰਟਰਵਿਊ ਵਿੱਚ, ਉਪ-ਮੇਅਰ ਲੀਸੀ ਨੇ ਕਿਹਾ ਕਿ ਜਿਵੇਂ ਹੀ ਮਰੀਜ਼ ਠੀਕ ਹੋਣ ਲੱਗਾ ਹਸਪਤਾਲ ਵਿੱਚ ਹਰ ਕੋਈ ਉਸੇ ਬਾਰੇ ਗੱਲ ਕਰਨ ਲਗਿਆ। 100 ਸਾਲਾ ਤੋਂ ਵੱਧ ਉਮਰ ਦੇ ਵਿਅਕਤੀ ਨੂੰ ਠੀਕ ਹੁੰਦੇ ਵੇਖ, ਸਾਰਿਆਂ ਨੇ ਸਾਡੇ ਸਾਰਿਆਂ ਦੇ ਭਵਿੱਖ ਦੀ ਉਮੀਦ ਵੇਖੀ ਹੈ।
ਲੀਸੀ ਨੇ ਅੱਗੇ ਕਿਹਾ ਕਿ ਉਸ ਦਾ ਪਰਿਵਾਰ ਬੁੱਧਵਾਰ ਰਾਤ ਨੂੰ ਉਸ ਨੂੰ ਆਪਣੇ ਘਰ ਲੈ ਗਿਆ ਅਤੇ ਇਸ ਪਿੱਛੇ ਇੱਕ ਸਬਕ ਹੈ ਕਿ 101 ਸਾਲ ਦੀ ਉਮਰ ‘ਚ ਵੀ ਭਵਿੱਖ ਖ਼ਤਮ ਨਹੀਂ ਹੋਇਆ। ਮਿਸਟਰ ਪੀ ਦੀ ਕਹਾਣੀ ਕੋਰੋਨੋਵਾਇਰਸ ਕਾਰਨ ਆਬਾਦੀ ਦੇ ਲਗਪਗ ਤੀਜੇ ਹਿੱਸੇ ਦੇ ਲੌਕਡਾਊਨ ਵਿਚਕਾਰ ਇਟਲੀ ਸਣੇ ਸਮੁੱਚੇ ਵਿਸ਼ਵ ਲਈ ਸਕਾਰਾਤਮਕ ਖ਼ਬਰ ਹੈ।