Viral Accident Video: ਹਾਦਸਿਆਂ ਨਾਲ ਸਬੰਧਤ ਵੀਡੀਓਜ਼ ਵੀ ਅਕਸਰ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੁੰਦੀਆਂ ਰਹਿੰਦੀਆਂ ਹਨ। ਕਦੇ ਭਿਆਨਕ ਹਾਦਸਿਆਂ ਦੀਆਂ ਵੀਡੀਓਜ਼ ਬਣ ਜਾਂਦੀਆਂ ਹਨ ਤੇ ਕਦੇ ਹਾਦਸਿਆਂ ਨਾਲ ਜੁੜੀਆਂ ਵੀਡੀਓਜ਼, ਜਿਸ ਨੂੰ ਦੇਖ ਕੇ ਲੋਕ ਹੱਸ-ਹੱਸ ਕੇ ਕਮਲੇ ਹੋ ਜਾਂਦੇ ਹਨ। ਹਾਲਾਂਕਿ ਇਹ ਵੱਖਰੀ ਗੱਲ ਹੈ ਕਿ ਹਾਦਸਿਆਂ ਦੀਆਂ ਅਜਿਹੀਆਂ ਮਜ਼ਾਕੀਆ ਵੀਡੀਓਜ਼ ਘੱਟ ਹੀ ਦੇਖਣ ਨੂੰ ਮਿਲਦੀਆਂ ਹਨ, ਪਰ ਅੱਜਕੱਲ੍ਹ ਇੱਕ ਅਜਿਹੀ ਵੀਡੀਓ ਵਾਇਰਲ ਹੋ ਰਹੀ ਹੈ, ਜਿਸ ਨੂੰ ਦੇਖ ਕੇ ਤੁਹਾਡਾ ਹਾਸਾ ਨਾ ਆਵੇ, ਅਜਿਹਾ ਹੋ ਨਹੀਂ ਸਕਦਾ। ਤੁਸੀਂ ਬਾਈਕ ਰੇਸ ਤਾਂ ਜ਼ਰੂਰ ਦੇਖੀ ਹੋਵੇਗੀ ਕਿ ਕਿਸ ਤਰ੍ਹਾਂ ਇਸ 'ਚ ਬਾਈਕ ਸਵਾਰ ਅੱਗੇ ਨਿਕਲਣ ਦੀ ਦੌੜ 'ਚ ਤੇਜ਼ ਰਫਤਾਰ 'ਤੇ ਬਾਈਕ ਚਲਾਉਂਦੇ ਨਜ਼ਰ ਆਉਂਦੇ ਹਨ ਪਰ ਕਈ ਵਾਰ ਉਹ ਇਸ ਦੌੜ 'ਚ ਹਾਦਸਿਆਂ ਦਾ ਸ਼ਿਕਾਰ ਵੀ ਹੋ ਜਾਂਦੇ ਹਨ। ਇਸ ਵੀਡੀਓ 'ਚ ਵੀ ਅਜਿਹਾ ਹੀ ਨਜ਼ਾਰਾ ਦੇਖਣ ਨੂੰ ਮਿਲ ਰਿਹਾ ਹੈ ਪਰ ਇਹ ਕੁਝ ਵੱਖਰਾ ਅਤੇ ਮਜ਼ਾਕੀਆ ਹੈ।
ਦਰਅਸਲ, ਰੇਸ ਦੌਰਾਨ ਦੋ ਬਾਈਕ ਸਵਾਰ ਓਵਰਟੇਕ ਕਰਨ ਦਾ ਮੁਕਾਬਲਾ ਕਰਦੇ ਹੋਏ ਇੱਕ ਦੂਜੇ ਨਾਲ ਟਕਰਾ ਗਏ। ਅਜਿਹੇ 'ਚ ਇੱਕ ਬਾਈਕ ਸਵਾਰ ਆਪਣੀ ਬਾਈਕ ਤੋਂ ਡਿੱਗ ਕੇ ਦੂਜੇ ਦੀ ਬਾਈਕ 'ਤੇ ਫਸ ਗਿਆ। ਇਸ ਦੌਰਾਨ ਦੂਜੇ ਬਾਈਕ ਸਵਾਰ ਦਾ ਸੰਤੁਲਨ ਵੀ ਵਿਗੜ ਜਾਂਦਾ ਹੈ ਅਤੇ ਅਖੀਰ ਉਸ ਨੂੰ ਆਪਣੀ ਬਾਈਕ ਰੋਕਣੀ ਪੈਂਦੀ ਹੈ। ਫਿਰ ਅੱਗੇ ਜੋ ਵਾਪਰਦਾ ਹੈ ਉਹ ਬਹੁਤ ਹੀ ਹਾਸੋਹੀਣੀ ਘਟਨਾ ਹੈ। ਵੀਡੀਓ 'ਚ ਤੁਸੀਂ ਦੇਖ ਸਕਦੇ ਹੋ ਕਿ ਕਿਵੇਂ ਬਾਈਕ ਸਵਾਰ ਚੱਲਦੇ ਸਮੇਂ ਅਚਾਨਕ ਟਕਰਾ ਜਾਂਦੇ ਹਨ ਅਤੇ ਇੱਕ ਰੇਸਰ ਡਿੱਗਣ ਵਾਲਾ ਹੁੰਦਾ ਹੈ ਪਰ ਦੂਜੇ ਰੇਸਰ ਦੀ ਬਾਈਕ 'ਤੇ ਫਸ ਜਾਣ ਕਾਰਨ ਡਿੱਗਦਾ ਨਹੀਂ।
ਅਜਿਹੇ 'ਚ ਜਿਵੇਂ ਹੀ ਦੂਜਾ ਰੇਸਰ ਆਪਣੀ ਬਾਈਕ ਨੂੰ ਸਾਈਡ 'ਤੇ ਰੋਕਦਾ ਹੈ, ਉਹ ਪਹਿਲਾ ਬਾਈਕ ਸਵਾਰ ਉਸ 'ਤੇ ਆ ਕੇ ਜ਼ੋਰਦਾਰ ਮੁੱਕਾ ਮਾਰਦਾ ਹੈ। ਫਿਰ ਆਪਣੇ ਰਾਹ ਤੁਰ ਪੈਂਦਾ ਹੈ। ਇਸ ਫਨੀ ਐਕਸੀਡੈਂਟ ਦੀ ਵੀਡੀਓ ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮ ਟਵਿੱਟਰ 'ਤੇ @Enezator ਨਾਮ ਦੀ ਆਈਡੀ ਨਾਲ ਸ਼ੇਅਰ ਕੀਤਾ ਗਿਆ ਹੈ ਅਤੇ ਕੈਪਸ਼ਨ 'ਚ ਇਸ ਨੂੰ ਹੁਣ ਤੱਕ ਦਾ ਸਭ ਤੋਂ ਮਜ਼ੇਦਾਰ ਹਾਦਸਾ ਦੱਸਿਆ ਗਿਆ ਹੈ।
ਇਹ ਵੀ ਪੜ੍ਹੋ: Viral News: ਭਾਰਤ ਤੋਂ ਪਾਕਿਸਤਾਨ ਜਾਣਾ ਸੀ ਇੰਨਾ ਸਸਤਾ, ਵੇਖੋ ਭਾਰਤੀ ਰੇਲਵੇ ਦੀ 75 ਸਾਲ ਪੁਰਾਣੀ ਟਿਕਟ
ਮਹਿਜ਼ 17 ਸੈਕਿੰਡ ਦੇ ਇਸ ਵੀਡੀਓ ਨੂੰ ਹੁਣ ਤੱਕ 2.9 ਮਿਲੀਅਨ ਯਾਨੀ 29 ਲੱਖ ਵਾਰ ਦੇਖਿਆ ਜਾ ਚੁੱਕਾ ਹੈ, ਜਦਕਿ 72 ਹਜ਼ਾਰ ਤੋਂ ਵੱਧ ਲੋਕ ਇਸ ਵੀਡੀਓ ਨੂੰ ਪਸੰਦ ਵੀ ਕਰ ਚੁੱਕੇ ਹਨ ਅਤੇ ਕਈ ਤਰ੍ਹਾਂ ਦੇ ਮਜ਼ਾਕੀਆ ਪ੍ਰਤੀਕਰਮ ਵੀ ਦਿੱਤੇ ਹਨ। ਕੁਝ ਕਹਿੰਦੇ ਹਨ ਕਿ ਉਨ੍ਹਾਂ ਨੇ ਅੱਜ ਤੱਕ ਅਜਿਹਾ ਹਾਦਸਾ ਨਹੀਂ ਦੇਖਿਆ ਹੈ, ਜਦੋਂ ਕਿ ਕੁਝ ਪੁੱਛ ਰਹੇ ਹਨ, 'ਕੀ ਇਹ ਸੀਨ ਕਿਸੇ ਫਿਲਮ ਦਾ ਹੈ?'