ਚੰਡੀਗੜ੍ਹ: ਯੂਨਾਈਟਿਡ ਕਿੰਗਡਮ ਵਿੱਚ ਇੱਕ ਜੋੜੇ ਨੇ ਹਾਲ ਹੀ ਵਿੱਚ ਆਪਣੀ ਨਵਜੰਮੀ ਧੀ ਦਾ ਨਾਂਅ ਇੱਕ ਭਾਰਤੀ ਪਕਵਾਨ ਦੇ ਨਾਂਅ 'ਤੇ ਰੱਖਣ ਦਾ ਐਲਾਨ ਕੀਤਾ ਹੈ। ਜਦੋਂ ਬੇਟੀ ਦਾ ਨਾਂ 'ਪਕੌੜਾ' ਰੱਖਿਆ ਗਿਆ ਤਾਂ ਲੋਕਾਂ ਨੇ ਇਸ ਨੂੰ ਕਾਫੀ ਵਾਇਰਲ ਕਰ ਦਿੱਤਾ। ਲੋਕਾਂ ਨੇ ਇੰਟਰਨੈੱਟ 'ਤੇ ਉਸ ਦਾ ਮਜ਼ਾਕ ਉਡਾਇਆ। ਹਾਲਾਂਕਿ ਇੰਟਰਨੈੱਟ 'ਤੇ ਕਿਸੇ ਵੀ ਗੱਲ 'ਤੇ ਵਿਸ਼ਵਾਸ ਕਰਨ ਤੋਂ ਪਹਿਲਾਂ ਤੁਹਾਨੂੰ ਇਸ ਪੂਰੇ ਮਾਮਲੇ ਬਾਰੇ ਜ਼ਰੂਰ ਪਤਾ ਹੋਣਾ ਚਾਹੀਦਾ ਹੈ ਕਿਉਂਕਿ ਇਹ ਸਾਰਾ ਮਾਮਲਾ ਬ੍ਰਿਟੇਨ ਦੇ ਇਕ ਰੈਸਟੋਰੈਂਟ ਮਾਲਕ ਦੁਆਰਾ ਬਣਾਇਆ ਗਿਆ ਮਜ਼ਾਕ ਸੀ। ਇਹ ਘਟਨਾ ਉੱਤਰੀ ਆਇਰਲੈਂਡ ਦੇ ਇਕ ਮਸ਼ਹੂਰ ਰੈਸਟੋਰੈਂਟ 'ਦਿ ਕੈਪਟਨਜ਼ ਟੇਬਲ' ਦੀ ਹੈ, ਜਿਸ ਦੇ ਮਾਲਕ ਨੇ ਆਪਣੇ ਫੇਸਬੁੱਕ ਅਕਾਊਂਟ 'ਤੇ ਇਕ ਪੋਸਟ ਲਿਖੀ ਹੈ।
ਵਾਇਰਲ ਪੋਸਟ ਦੇ ਨਾਲ ਹੀ ਸ਼ੁਰੂ ਕਰਦੇ ਹਾਂ.. ਉੱਤਰੀ ਆਇਰਲੈਂਡ ਦੇ ਨਿਊਟਾਊਨਬੇ ਦੇ ਇੱਕ ਮਸ਼ਹੂਰ ਰੈਸਟੋਰੈਂਟ 'ਦਿ ਕੈਪਟਨਜ਼ ਟੇਬਲ' ਨੇ ਫੇਸਬੁੱਕ 'ਤੇ ਨਵਜੰਮੇ ਬੱਚੇ ਦੀ ਤਸਵੀਰ ਅਤੇ ਦਿਲ ਨੂੰ ਛੂਹ ਲੈਣ ਵਾਲੇ ਨੋਟ ਦੇ ਨਾਲ ਇੱਕ ਬਿੱਲ ਸਾਂਝਾ ਕੀਤਾ ਹੈ। ਇਸ ਪੋਸਟ 'ਚ ਲੜਕੀ ਦਾ ਨਾਂ ਪਕੌੜਾ (Pakoda) ਦਿੱਤਾ ਗਿਆ ਸੀ। ਨੋਟ ਵਿੱਚ ਲਿਖਿਆ ਸੀ, 'ਮੇਰੀ ਪਤਨੀ ਨੇ ਸਾਡੀ ਨਵਜੰਮੀ ਧੀ ਨੂੰ ਪਕੌੜਾ ਕਿਹਾ, ਕਿਉਂਕਿ 'ਦਿ ਕੈਪਟਨਜ਼ ਟੇਬਲ' 'ਤੇ ਉਸ ਦੀ ਪਸੰਦੀਦਾ ਪਕਵਾਨ ਪਕੌੜਾ ਹੈ।' ਬਿੱਲ 'ਚ ਖੁਲਾਸਾ ਹੋਇਆ ਹੈ ਕਿ ਬੱਚੇ ਦੇ ਪਿਤਾ ਨੇ ਚਿਕਨ ਪਕੌੜਾ ਬੁਰੀਟੋ ਸਲਾਦ ਤੋਂ ਲੈ ਕੇ ਚਿਕਨ ਪਕੌੜੇ ਰੈਗੂਲਰ ਤੱਕ ਚਾਰ ਪਕੌੜਿਆਂ ਦਾ ਆਰਡਰ ਕੀਤਾ ਸੀ। ਪੋਸਟ ਦੇ ਕੈਪਸ਼ਨ 'ਚ ਲਿਖਿਆ ਹੈ, 'ਇਹ ਪਹਿਲੀ ਵਾਰ ਹੈ! ਪਕੌੜੇ ਦੀ ਦੁਨੀਆ ਵਿੱਚ ਤੁਹਾਡਾ ਸੁਆਗਤ ਹੈ। ਹੁਣ ਅਸੀਂ ਤੁਹਾਨੂੰ ਮਿਲਣ ਲਈ ਇੰਤਜ਼ਾਰ ਨਹੀਂ ਕਰ ਸਕਦੇ।
ਫੇਸਬੁੱਕ 'ਤੇ ਪੋਸਟ ਸ਼ੇਅਰ ਕਰਨ ਤੋਂ ਬਾਅਦ ਵਾਇਰਲ
ਯਾਨੀ ਕਿ ਨਵਜੰਮੀ ਬੱਚੀ ਦਾ ਅਸਲੀ ਨਾਂ ਪਕੌੜਾ ਨਹੀਂ ਹੈ, ਪਰ ਮਾਂ ਦੀ ਪਸੰਦੀਦਾ ਪਕਵਾਨ ਹੋਣ ਕਾਰਨ ਉਹ ਪਿਆਰ ਨਾਲ ਪਕੌੜਾ ਕਹਿ ਕੇ ਬੁਲਾਉਂਦੀ ਹੈ। ਇਸ 'ਤੇ ਰੈਸਟੋਰੈਂਟ ਮਾਲਕ ਨੇ ਇਸ ਨੂੰ ਫੇਸਬੁੱਕ 'ਤੇ ਪੋਸਟ ਕਰ ਦਿੱਤਾ ਅਤੇ ਲੋਕਾਂ ਨੇ ਲੜਕੀ ਦਾ ਨਾਂ ਪਕੌੜਾ ਸਮਝ ਲਿਆ। ਇਹ ਪੋਸਟ ਨੇਟੀਜ਼ਨਾਂ ਦੀਆਂ ਪ੍ਰਤੀਕਿਰਿਆਵਾਂ ਨਾਲ ਆਨਲਾਈਨ ਵਾਇਰਲ ਹੋ ਗਈ। ਇੱਕ ਯੂਜ਼ਰ ਨੇ ਲਿਖਿਆ, 'ਗਰਭ ਅਵਸਥਾ ਦੌਰਾਨ ਮੇਰੀਆਂ ਮਨਪਸੰਦ ਚੀਜ਼ਾਂ ਕੇਲੇ ਦੇ ਪੋਪਸੀਕਲ ਅਤੇ ਤਰਬੂਜ ਸਨ। ਰੱਬ ਦਾ ਸ਼ੁਕਰ ਹੈ ਕਿ ਮੈਂ ਥੋੜੀ ਜਿਹੀ ਸਮਝ ਵਰਤੀ ਅਤੇ ਆਪਣੇ ਬੱਚਿਆਂ ਦਾ ਨਾਂ ਉਨ੍ਹਾਂ ਦੇ ਨਾਂ 'ਤੇ ਨਹੀਂ ਰੱਖਿਆ। ਇੱਕ ਹੋਰ ਯੂਜ਼ਰ ਨੇ ਟਿੱਪਣੀ ਕੀਤੀ, 'ਹੇ, ਮੈਂ ਆਪਣੀ ਬੇਟੀ ਦਾ ਨਾਂ ਟੈਕੋ ਬੇਲਾ ਰੱਖਿਆ ਹੈ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ।ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ।