Bride Letter to Lover: ਇਨ੍ਹੀਂ ਦਿਨੀਂ ਪਿਆਰ ਦਾ ਮਹੀਨਾ ਚੱਲ ਰਿਹਾ ਹੈ। ਵੈਲੇਨਟਾਈਨ ਵੀਕ 'ਚ ਲੋਕ ਆਪਣੇ ਪ੍ਰੇਮੀ ਨੂੰ ਪਿਆਰ ਦੇ ਤੋਹਫ਼ੇ ਭੇਜ ਰਹੇ ਹਨ। ਇਸੇ ਦੌਰਾਨ ਇੱਕ ਲਾੜੀ ਨੇ ਆਪਣੇ ਪ੍ਰੇਮੀ ਨੂੰ 10 ਰੁਪਏ ਦੇ ਨੋਟ 'ਚ ਚਿੱਠੀ ਲਿਖ ਕੇ ਅਜੀਬੋ-ਗਰੀਬ ਮੰਗ ਕੀਤੀ ਹੈ। ਦਰਅਸਲ, ਲਾੜੀ ਆਪਣੇ ਵਿਆਹ ਤੋਂ ਖੁਸ਼ ਨਹੀਂ ਹੈ। ਇਸ ਲਈ ਉਸ ਨੇ ਆਪਣੇ ਪ੍ਰੇਮੀ ਨੂੰ ਚਿੱਠੀ ਲਿਖ ਕੇ ਉਸ ਨੂੰ ਵਿਆਹ ਦੇ ਹਾਲ 'ਚੋਂ ਭਜਾਉਣ ਲਈ ਕਿਹਾ ਹੈ। 10 ਰੁਪਏ ਦੇ ਨੋਟ ਦੀ ਇਹ ਤਸਵੀਰ ਇੰਟਰਨੈੱਟ 'ਤੇ ਵਾਇਰਲ ਹੋ ਗਈ ਹੈ। ਲਾੜੀ ਨੇ ਆਪਣੇ ਬੁਆਏਫ੍ਰੈਂਡ ਵਿਸ਼ਾਲ ਨੂੰ 10 ਰੁਪਏ ਦੇ ਨੋਟ 'ਤੇ ਚਿੱਠੀ ਲਿਖੀ ਹੈ।
ਲਾੜੀ ਨੇ ਆਪਣੇ ਪ੍ਰੇਮੀ ਨੂੰ ਲਿਖੀ ਚਿੱਠੀ
ਇਸ ਚਿੱਠੀ ਦੇ ਸਾਹਮਣੇ ਆਉਣ ਤੋਂ ਬਾਅਦ ਵਿਸ਼ਾਲ ਅਤੇ ਕੁਸੁਮ ਨਾਮ ਦੇ ਗਰਲਫ੍ਰੈਂਡ-ਬੁਆਏਫ੍ਰੈਂਡ ਲਾਈਮਲਾਈਟ 'ਚ ਆ ਗਏ ਹਨ। ਚਿੱਠੀ ਮੁਤਾਬਕ ਕੁਸੁਮ ਨਾਂ ਦੀ ਲੜਕੀ ਦਾ ਵਿਆਹ 26 ਅਪ੍ਰੈਲ ਨੂੰ ਹੈ। ਇਸ ਤੋਂ ਪਹਿਲਾਂ ਉਸ ਨੇ ਆਪਣੇ ਪ੍ਰੇਮੀ ਵਿਸ਼ਾਲ ਨੂੰ 10 ਰੁਪਏ ਦੇ ਨੋਟ 'ਤੇ ਚਿੱਠੀ ਲਿਖੀ ਹੈ। ਇਸ ਚਿੱਠੀ 'ਚ ਕੁਸੁਮ ਨੇ ਲਿਖਿਆ ਹੈ, "ਵਿਸ਼ਾਲ ਮੇਰਾ ਵਿਆਹ 26 ਅਪ੍ਰੈਲ ਨੂੰ ਹੈ। ਮੈਨੂੰ ਭਜਾ ਕੇ ਲੈ ਜਾਓ। ਆਈ ਲਵ ਯੂ। ਤੁਹਾਡੀ ਕੁਸੁਮ।" ਅਜਿਹਾ ਲੱਗਦਾ ਹੈ ਕਿ ਕਿਸੇ ਹੋਰ ਨੇ ਇਸ ਨੋਟ ਨੂੰ ਫੜ ਲਿਆ ਅਤੇ ਨੋਟ 'ਚ ਲਿਖੇ ਮੈਸੇਜ ਦੀ ਫੋਟੋ ਖਿੱਚ ਕੇ ਇੰਟਰਨੈੱਟ 'ਤੇ ਸ਼ੇਅਰ ਕਰ ਦਿੱਤੀ। ਵੇਖੋ ਚਿੱਠੀ -
ਇਸ ਤਸਵੀਰ ਨੂੰ ਇਕ ਯੂਜ਼ਰ ਨੇ ਟਵਿਟਰ 'ਤੇ ਸ਼ੇਅਰ ਕੀਤਾ ਹੈ। ਇਸ ਦੇ ਨਾਲ ਯੂਜ਼ਰ ਨੇ ਕੈਪਸ਼ਨ 'ਚ ਲਿਖਿਆ, "ਟਵਿਟਰ ਆਪਣੀ ਤਾਕਤ ਦਿਖਾਓ। ਕੁਸੁਮ ਦਾ ਇਹ ਮੈਸੇਜ਼ 26 ਅਪ੍ਰੈਲ ਤੋਂ ਪਹਿਲਾਂ ਵਿਸ਼ਾਲ ਨੂੰ ਪਹੁੰਚਾਉਣਾ ਹੈ। ਦੋਵਾਂ ਪ੍ਰੇਮੀਆਂ ਨੂੰ ਮਿਲਾਉਣਾ ਹੈ। ਕਿਰਪਾ ਕਰਕੇ ਇਸ ਨੂੰ ਫੈਲਾਓ... ਅਤੇ ਉਨ੍ਹਾਂ ਸਾਰੇ ਵਿਸ਼ਾਲ ਨੂੰ ਟੈਗ ਕਰੋ, ਜਿਨ੍ਹਾਂ ਨੂੰ ਤੁਸੀਂ ਜਾਣਦੇ ਹੋ। ਦੱਸ ਦੇਈਏ ਕਿ ਇਸ ਤੋਂ ਪਹਿਲਾਂ 10 ਰੁਪਏ ਦਾ ਇੱਕ ਹੋਰ ਨੋਟ ਸਾਹਮਣੇ ਆਇਆ ਸੀ। ਜਿਸ 'ਚ ਲਿਖਿਆ ਸੀ, "ਸੋਨਮ ਗੁਪਤਾ ਬੇਵਫ਼ਾ ਹੈ।" ਪਤਾ ਨਹੀਂ ਇਸ ਨੋਟ 'ਤੇ ਕਿੰਨੇ ਮੀਮ ਬਣਾਏ ਗਏ ਸਨ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ।ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ।