ਚੰਡੀਗੜ੍ਹ: ਚਿਲੀ ਦੇ ਰਾਸ਼ਟਰਪਤੀ ਗੈਬਰੀਅਲ ਬੋਰਿਕ ਦੇ ਭਾਸ਼ਣ ਦੌਰਾਨ ਸਾਈਕਲ ਚਲਾ ਰਹੇ ਬੱਚੇ ਦਾ ਇੱਕ ਮਜ਼ਾਕੀਆ ਵੀਡੀਓ ਸਾਹਮਣੇ ਆਇਆ ਹੈ। ਇਸ 'ਚ ਬੱਚੇ ਨੇ ਸੁਪਰਮੈਨ ਦੇ ਕੱਪੜੇ ਪਾਏ ਹੋਏ ਹਨ। ਬੋਰਿਕ ਜਿੰਨੇ ਜੋਸ਼ ਨਾਲ ਭਾਸ਼ਣ ਦਿੰਦਾ ਹੈ, ਓਨੇ ਹੀ ਜੋਸ਼ ਨਾਲ ਉਹ ਆਪਣਾ ਸਾਈਕਲ ਉਸ ਦੇ ਸਾਹਮਣੇ ਘੁੰਮਾਉਂਦਾ ਹੈ।


 


ਸਥਾਨਿਕ ਮੀਡੀਆ 24 ਹੌਰਸ ਮੁਤਾਬਕ ਇਹ ਵੀਡੀਓ ਇੱਕ ਹਫ਼ਤਾ ਪੁਰਾਣਾ ਹੈ। ਉਦੋਂ ਬੋਰਿਕ ਲੋਕਾਂ ਨੂੰ ਨਵੇਂ ਸੰਵਿਧਾਨ ਲਈ ਵੋਟ ਪਾਉਣ ਲਈ ਕਹਿ ਰਿਹਾ ਸੀ। ਲੋਕਾਂ ਨੇ ਦੋ ਦਿਨ ਪਹਿਲਾਂ ਆਪਣੀ ਵੋਟ ਪਾਈ ਸੀ ਅਤੇ ਉਨ੍ਹਾਂ ਦੇ ਪ੍ਰਸਤਾਵ ਨੂੰ ਲੋਕਾਂ ਨੇ ਪੂਰੀ ਤਰ੍ਹਾਂ ਰੱਦ ਕਰ ਦਿੱਤਾ ਸੀ।


 


ਯਾਨੀ ਰਾਸ਼ਟਰਪਤੀ ਦੇ ਭਾਸ਼ਣ ਦਾ ਲੋਕਾਂ 'ਤੇ ਕੋਈ ਅਸਰ ਨਹੀਂ ਹੋ ਸਕਿਆ। ਪਰ ਇਸੇ ਭਾਸ਼ਣ ਦੌਰਾਨ ਇੱਕ ਬੱਚੇ ਨੇ ਲੋਕਾਂ ਨੂੰ ਆਪਣੇ ਵੱਲ ਖਿੱਚ ਲਿਆ। ਉਸ ਨੇ ਲਾਲ ਟੋਪੀ ਅਤੇ ਨੀਲੇ ਰੰਗ ਦੀ ਸੁਪਰਹੀਰੋ ਡਰੈੱਸ ਪਾਈ ਹੋਈ ਸੀ।






ਇਸ ਵੀਡੀਓ ਨੂੰ ਡੇਵਿਡ ਐਡਲਰ ਨੇ ਐਤਵਾਰ ਨੂੰ ਟਵੀਟ ਕੀਤਾ। ਐਡਲਰ ਪ੍ਰੋਗਰੈਸਿਵ ਇੰਟਰਨੈਸ਼ਨਲ ਦਾ ਕੋਆਰਡੀਨੇਟਰ ਹੈ। ਇਹ ਸੰਸਥਾ ਪੂਰੀ ਦੁਨੀਆ ਵਿੱਚ ਕੰਮ ਕਰਦੀ ਹੈ।


 


ਵੀਡੀਓ ਸ਼ੇਅਰ ਕਰਦੇ ਹੋਏ ਉਨ੍ਹਾਂ ਨੇ ਲਿਖਿਆ, "ਜਦੋਂ ਬੋਰਿਕ ਲੋਕਾਂ ਨੂੰ ਨਵੇਂ ਸੰਵਿਧਾਨ ਲਈ ਵੋਟ ਪਾਉਣ ਲਈ ਕਹਿ ਰਹੇ ਸਨ ਤਾਂ ਉਹ ਸੁਪਰਹੀਰੋਜ਼ ਨਾਲ ਘਿਰਿਆ ਹੋਇਆ ਸੀ।"


 


ਉਨ੍ਹਾਂ ਦੇ ਇਸ ਟਵੀਟ 'ਤੇ ਹੁਣ ਤੱਕ 1 ਲੱਖ 33 ਹਜ਼ਾਰ ਤੋਂ ਵੱਧ ਲੋਕ ਦੇਖ ਚੁੱਕੇ ਹਨ। ਹਾਲਾਂਕਿ ਇਸ ਵੀਡੀਓ ਨੂੰ ਟਵਿਟਰ ਅਤੇ ਹੋਰ ਸੋਸ਼ਲ ਮੀਡੀਆ ਸਾਈਟਸ 'ਤੇ ਜ਼ਿਆਦਾ ਲੋਕ ਸ਼ੇਅਰ ਕਰ ਰਹੇ ਹਨ।


 


ਇਹ ਵੀ ਪੜ੍ਹੋ- ਸ਼ਾਨਦਾਰ ਨੌਕਰੀ! ਕੰਮ ਨਾ ਕਰਨ 'ਤੇ ਮਿਲਦੇ ਪੈਸੇ, ਤਨਖਾਹ ਜਾਣ ਕੇ ਰਹਿ ਜਾਓਗੇ ਹੈਰਾਨ!


ਦਰਅਸਲ ਇਹ ਵੀਡੀਓ ਦੋ ਕਾਰਨਾਂ ਕਰਕੇ ਲੋਕਾਂ ਨੂੰ ਆਕਰਸ਼ਿਤ ਕਰ ਰਿਹਾ ਹੈ। ਪਹਿਲੇ ਰਾਸ਼ਟਰਪਤੀ ਦੇ ਭਾਸ਼ਣ ਦੌਰਾਨ ਅਜਿਹੇ ਬੱਚੇ ਦੀ ਸਾਈਕਲਿੰਗ, ਦੂਸਰਾ ਰਾਸ਼ਟਰਪਤੀ ਦੀ ਉਮਰ ਅਤੇ ਨਵੇਂ ਸੰਵਿਧਾਨ ਲਈ ਉਸ ਦਾ ਲੋਕਾਂ ਵਿੱਚ ਆਉਣਾ।


 


ਰਾਇਟਰਜ਼ ਮੁਤਾਬਕ 36 ਸਾਲ ਦੀ ਉਮਰ ਵਿੱਚ ਚਿਲੀ ਦੇ ਰਾਸ਼ਟਰਪਤੀ ਬਣੇ ਬੋਰਿਕ ਨੇ ਜਦੋਂ ਲੋਕਾਂ ਨੂੰ ਨਵੇਂ ਸੰਵਿਧਾਨ ਲਈ ਵੋਟ ਕਰਨ ਲਈ ਕਿਹਾ ਤਾਂ 7.9 ਮਿਲੀਅਨ ਲੋਕਾਂ ਨੇ ਵੋਟ ਪਾਈ। ਪਰ ਇਸ ਵਿੱਚੋਂ 49 ਲੱਖ ਲੋਕਾਂ ਨੇ ਨਵਾਂ ਸੰਵਿਧਾਨ ਬਣਾਉਣ ਦੇ ਵਿਰੋਧ ਵਿੱਚ ਵੋਟ ਦਿੱਤੀ। ਇਸ ਲਈ ਇਸ ਨੂੰ ਰਾਸ਼ਟਰਪਤੀ ਲਈ ਵੱਡਾ ਝਟਕਾ ਕਿਹਾ ਜਾ ਰਿਹਾ ਹੈ।


 


ਨੋਟ- ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ।ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ।