ਲਾਗੋਸ: ਨਾਈਜੀਰੀਆ ਦੇ ਲੋਗਾਸ ਸ਼ਹਿਰ ਦੇ ਇੱਕ ਸਕੂਲ ਨੇ ਆਪਣੇ ਬੱਚਿਆਂ ਦੀ ਫੀਸ ‘ਚ ਮਾਪਿਆਂ ਤੋਂ ਪਲਾਸਟਿਕ ਬੋਤਲਾਂ ਲੈਣ ਦੀ ਪਹਿਲ ਕੀਤੀ ਹੈ। ਇਸ ਲਈ ਇੱਕ ਬੈਗ ਪਲਾਸਟਿਕ ਬੋਤਲਾਂ ਭਰ ਕੇ ਲਈਆਂ ਜਾਂਦੀਆਂ ਹਨ ਜਿਨ੍ਹਾਂ ਦਾ ਵਜ਼ਨ ਕਰਨ ਤੋਂ ਬਾਅਦ ਕੀਮਤ ਤੈਅ ਹੁੰਦੀ ਹੈ। ਬੋਤਲਾਂ ਤੋਂ ਬਣੇ ਪੈਸਿਆਂ ਦੀ ਕੀਮਤ ਨੂੰ ਬੱਚਿਆਂ ਦੀ ਸਕੂਲੀ ਫੀਸ ਵਿੱਚੋਂ ਘੱਟ ਕਰ ਦਿੱਤਾ ਜਾਂਦਾ ਹੈ। ਸਕੂਲ ਵੱਲੋਂ ਕੀਤੀ ਇਹ ਅਨੋਖੀ ਪਹਿਲ ਦੇ ਦੋ ਫਾਇਦੇ ਹੋਏ ਹਨ। ਇੱਕ ਤਾਂ ਪਰਿਵਾਰ ਨੂੰ ਆਰਥਿਕ ਮਦਦ ਮਿਲਦੀ ਹੈ ਤੇ ਦੂਜਾ ਸ਼ਹਿਰ ਦਾ ਵਾਤਾਵਰਣ ਵੀ ਸਾਫ਼ ਹੋ ਰਿਹਾ ਹੈ। ਭਾਰਤ ਦੇ ਪੂਰਬੀ ਸੂਬੇ ਅਸਮ ਦੇ ਇੱਕ ਸਕੂਲ ‘ਚ ਵੀ ਪਲਾਸਟਿਕ ਕਚਰੇ ਨੂੰ ਫੀਸ ਵਜੋਂ ਲਿਆ ਜਾਂਦਾ ਹੈ। ਇਹ ਪ੍ਰੋਜੈਕਟ ਮਾਰਿਟ ਇੰਟਰਨੈਸ਼ਨਲ ਕਸੂਲ ‘ਚ ਸ਼ੁਰੂ ਕੀਤਾ ਗਿਆ ਹੈ। ਇਸ ਨੂੰ ਜਲਦੀ ਹੀ ਹੋਰ ਸਕੂਲਾਂ ‘ਚ ਵੀ ਲਾਗੂ ਕਰਨ ਦੀ ਯੋਜਨਾ ਬਣਾਈ ਗਈ ਹੈ। ਉਧਰ ਸਕੂਲ ਦੇ ਪ੍ਰਿੰਸੀਪਲ ਮੇਤਾਬਕ, ਬੱਚਿਆ ਦੀ ਸਿੱਖੀਆ ਜਾਰੀ ਰੱਖਣ ‘ਚ ਇਹ ਯੋਜਨਾ ਕਾਰਗਰ ਸਾਬਤ ਹੋਈ ਹੈ। ਉਨ੍ਹਾਂ ਕਿਹਾ ਕਿ ਅਸੀ ਪਹਿਲਾਂ ਦੇ ਮੁਕਾਬਲੇ ਤੇਜੀ ਨਾਲ ਫੀਸ ਲੈ ਪਾਉਂਦੇ ਹਾਂ। ਇਹ ਸਕੂਲ, ਮਾਪਿਆਂ ਤੇ ਬੱਚਿਆਂ ਲਈ ਵਧੀਆ ਤੋਹਫਾ ਹੈ।