Wedding Ring Finger Fact: ਅੱਜਕੱਲ੍ਹ ਭਾਰਤ 'ਚ ਇੰਗੇਜਮੈਂਟ ਸੈਰੇਮਨੀ ਕਾਫ਼ੀ ਆਮ ਗੱਲ ਹੋ ਗਈਆਂ ਹਨ। ਤੁਸੀਂ ਦੇਖਿਆ ਹੋਵੇਗਾ ਕਿ ਜਦੋਂ ਜੋੜਾ ਇਕ-ਦੂਜੇ ਨੂੰ ਮੁੰਦਰੀਆਂ ਪਾਉਂਦੇ ਹਨ ਤਾਂ ਉਹ ਹੱਥ ਦੀ ਚੌਥੀ ਉਂਗਲ ਮਤਲਬ ਰਿੰਗ ਫਿੰਗਰ 'ਚ ਮੁੰਦਰੀ ਪਹਿਨਾਉਂਦੇ ਹਨ। ਮੰਗਣੀ ਹੋਵੇ ਜਾਂ ਵਿਆਹ ਜਾਂ ਪਿਆਰ ਦਾ ਪ੍ਰਗਟਾਵਾ, ਲੋਕ ਜ਼ਿਆਦਾਤਰ ਖੱਬੇ ਹੱਥ ਦੀ ਚੌਥੀ ਉਂਗਲੀ 'ਚ ਮੁੰਦਰੀ ਪਾਉਂਦੇ ਹਨ। ਪਰ ਇਸ ਦਾ ਕਾਰਨ ਕੀ ਹੈ? ਇਸ ਉਂਗਲੀ 'ਚ ਹੀ ਮੁੰਦਰੀ ਕਿਉਂ ਪਹਿਨੀ ਜਾਂਦੀ ਹੈ? ਭਾਰਤ ਦੇ ਨਾਲ-ਨਾਲ ਵਿਦੇਸ਼ਾਂ 'ਚ ਵੀ ਇਸ ਉਂਗਲੀ 'ਤੇ ਵਿਆਹ ਦੀ ਮੁੰਦਰੀ ਪਹਿਨੀ ਜਾਂਦੀ ਹੈ। ਆਓ ਜਾਣਦੇ ਹਾਂ ਇਸ ਦੇ ਪਿੱਛੇ ਦਾ ਕਾਰਨ...
ਲੋਕਾਂ ਦਾ ਕੀ ਮੰਨਣਾ ਹੈ?
ਇਨਸਾਈਡਰ ਵੈਬਸਾਈਟ ਦੀ ਰਿਪੋਰਟ ਦੇ ਅਨੁਸਾਰ ਲਗਭਗ 6000 ਸਾਲ ਪਹਿਲਾਂ ਪ੍ਰਾਚੀਨ ਮਿਸਰ 'ਚ ਮੁੰਦਰੀਆਂ ਪਹਿਨਣ ਦੀ ਸ਼ੁਰੂਆਤ ਹੋਈ ਸੀ। ਉਦੋਂ ਮੁੰਦਰੀ ਪਾਉਣ ਨੂੰ ਲੈ ਕੇ ਕਈ ਅਫਵਾਹਾਂ ਸਨ, ਜੋ ਅੱਜ ਵੀ ਚੱਲ ਰਹੀਆਂ ਹਨ। ਫਿਰ ਮਿਸਰ ਦੇ ਲੋਕ ਮੰਨਦੇ ਸਨ ਕਿ ਮਨੁੱਖ ਦੀ ਚੌਥੀ ਉਂਗਲ ਤੋਂ ਲਵਰਸ ਵੇਨ ਨਾਂਅ ਦੀ ਇਕ ਨਾੜੀ ਸਿੱਧੀ ਦਿਲ ਤਕ ਜਾਂਦੀ ਹੈ। ਕਹਿਣ ਦਾ ਮਤਲਬ ਹੈ ਕਿ ਉਹ ਮੰਨਦੇ ਸਨ ਕਿ ਇਸ ਉਂਗਲੀ ਦੀਆਂ ਤਾਰਾਂ ਦਿਲ ਨਾਲ ਸਿੱਧੇ ਜੁੜੀਆਂ ਹੋਈਆਂ ਹਨ। ਉਦੋਂ ਸ਼ਾਇਦ ਉਨ੍ਹਾਂ ਨੂੰ ਪਤਾ ਨਹੀਂ ਸੀ ਕਿ ਹੱਥ ਦੀਆਂ ਸਾਰੀਆਂ ਉਂਗਲਾਂ ਦਿਲ ਨਾਲ ਜੁੜੀਆਂ ਹੋਈਆਂ ਹਨ। ਇਸ ਕਾਰਨ ਲੋਕਾਂ ਨੇ ਇਸ ਉਂਗਲੀ 'ਚ ਮੁੰਦਰੀਆਂ ਪਾਉਣੀਆਂ ਸ਼ੁਰੂ ਕਰ ਦਿੱਤੀਆਂ।
ਵੱਖ-ਵੱਖ ਧਰਮਾਂ ਦੇ ਵੱਖ-ਵੱਖ ਰੀਤੀ-ਰਿਵਾਜ
ਈਸਾਈ ਧਰਮ ਤੋਂ ਇਲਾਵਾ ਹੋਰ ਵੀ ਬਹੁਤ ਸਾਰੇ ਧਰਮ ਹਨ, ਜਿਨ੍ਹਾਂ 'ਚ ਮੁੰਦਰੀ ਪਾਉਣਾ ਜ਼ਰੂਰੀ ਨਹੀਂ ਹੈ ਅਤੇ ਜੇਕਰ ਹੈ ਤਾਂ ਇਸ ਨੂੰ ਸਿਰਫ਼ ਚੌਥੀ ਉਂਗਲੀ 'ਚ ਪਹਿਨਣਾ ਲਾਜ਼ਮੀ ਨਹੀਂ ਹੈ। ਉਦਾਹਰਨ ਲਈ ਯਹੂਦੀਆਂ 'ਚ ਵਿਆਹ ਦੀਆਂ ਰਸਮਾਂ ਤੋਂ ਬਾਅਦ ਮੁੰਦਰੀ ਨੂੰ ਦੂਜੀ ਉਂਗਲੀ 'ਚ ਸ਼ਿਫਟ ਕੀਤਾ ਜਾ ਸਕਦਾ ਹੈ ਅਤੇ ਰਸਮ ਦੌਰਾਨ ਮੁੰਦਰੀ ਨੂੰ ਦੂਜੀ ਉਂਗਲੀ 'ਚ ਪਹਿਨਾਇਆ ਜਾਂਦਾ ਹੈ। ਇਸਲਾਮ ਜਾਂ ਸਨਾਤਮਾ ਧਰਮ 'ਚ ਮੁੰਦਰੀ ਪਾਉਣਾ ਲਾਜ਼ਮੀ ਨਹੀਂ ਹੈ। ਹਾਲਾਂਕਿ ਭਾਰਤ ਵਿਦੇਸ਼ਾਂ ਦੀ ਪਰੰਪਰਾ ਨੂੰ ਤੇਜ਼ੀ ਨਾਲ ਅਪਣਾ ਰਿਹਾ ਹੈ ਅਤੇ ਲੋਕਾਂ ਨੇ ਵਿਆਹ ਤੋਂ ਪਹਿਲਾਂ ਰਿੰਗ ਸੈਰੇਮਨੀ ਵੀ ਕਰਨੀ ਸ਼ੁਰੂ ਕਰ ਦਿੱਤੀ ਹੈ।
ਚੌਥੀ ਉਂਗਲੀ 'ਚ ਮੁੰਦਰੀ ਪਹਿਨਣ ਦੀ ਪਰੰਪਰਾ
ਉਂਜ ਵਿਆਹ ਦੀ ਮੁੰਦਰੀ ਪਹਿਨਣ ਅਤੇ ਚੌਥੀ ਉਂਗਲ 'ਚ ਪਹਿਨਣ ਦਾ ਰਿਵਾਜ ਵੀ ਮਿਸਰ ਦੇ ਲੋਕਾਂ ਵੱਲੋਂ ਸ਼ੁਰੂ ਕੀਤਾ ਗਿਆ ਸੀ। ਪਰ ਮੁੰਦਰੀ ਨੂੰ ਕਿਹੜੇ ਹੱਥ ਦੀ ਕਿਹੜੀ ਉਂਗਲ 'ਚ ਪਾਉਣਾ ਹੈ, ਇਸ 'ਤੇ ਬਹਿਸ ਲਗਭਗ 450 ਸਾਲ ਪਹਿਲਾਂ ਬ੍ਰਿਟੇਨ 'ਚ ਸ਼ੁਰੂ ਹੋਈ ਸੀ। ਸਾਲ 1549 'ਚ ਐਂਗਲੀਕਨ ਚਰਚ ਨੇ ਆਪਣੇ ਆਪ ਨੂੰ ਕੈਥੋਲਿਕ ਚਰਚ ਅਤੇ ਉਨ੍ਹਾਂ ਦੇ ਵਿਸ਼ਵਾਸਾਂ ਤੋਂ ਵੱਖ ਕਰ ਲਿਆ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਆਪਣੇ ਤਰੀਕੇ ਵੀ ਬਦਲੇ। ਜਿੱਥੇ ਕੈਥੋਲਿਕ ਚਰਚ ਅਨੁਸਾਰ ਅੰਗੂਠੀ ਸੱਜੇ ਹੱਥ ਦੀ ਚੌਥੀ ਉਂਗਲੀ 'ਚ ਪਹਿਨਣੀ ਚਾਹੀਦੀ ਹੈ, ਉੱਥੇ ਐਂਗਲੀਕਨ ਚਰਚ ਨੇ ਇਸ ਨੂੰ ਖੱਬੇ ਹੱਥ ਦੀ ਚੌਥੀ ਉਂਗਲੀ 'ਚ ਪਹਿਨਣਾ ਸ਼ੁਰੂ ਕਰ ਦਿੱਤਾ ਅਤੇ ਹੌਲੀ-ਹੌਲੀ ਇਹ ਪ੍ਰਥਾ ਪ੍ਰਚਲਿਤ ਹੋ ਗਈ।