Unique Mummy Found In Egypt: ਉਂਝ ਤਾਂ ਮਿਸਰ ਵਿੱਚ ਬਹੁਤ ਸਾਰੇ ਭੇਦ ਲੁਕੇ ਹੋਏ ਹਨ। ਉੱਥੇ ਹਮੇਸ਼ਾ ਕੁਝ ਨਵਾਂ ਹੁੰਦਾ ਰਹਿੰਦਾ ਹੈ। ਇਸ ਵਾਰ ਵੀ ਇੱਕ ਹੈਰਾਨੀਜਨਕ ਮਾਮਲਾ ਸਾਹਮਣੇ ਆਇਆ ਹੈ। ਦਰਅਸਲ ਮਿਸਰ 'ਚ ਇੱਕ ਅਜਿਹੀ ਮਮੀ ਮਿਲੀ ਹੈ, ਜਿਸ ਦੀ ਜੀਭ ਸੋਨੇ ਦੀ ਹੈ। ਇਸ ਸਭ ਤੋਂ ਹੈਰਾਨੀਜਨਕ ਜੀਭ ਬਾਰੇ ਜਾਣ ਕੇ ਲੋਕ ਹੈਰਾਨ ਹਨ। ਜਾਣਕਾਰੀ ਮੁਤਾਬਕ ਖੁਦਾਈ ਦੌਰਾਨ ਪੁਰਾਤੱਤਵ ਵਿਭਾਗ ਦੇ ਕਰਮਚਾਰੀਆਂ ਨੂੰ ਇਹ ਜੀਭ ਮਿਲੀ ਹੈ, ਜੋ ਸੋਸ਼ਲ ਮੀਡੀਆ 'ਤੇ ਚਰਚਾ ਦਾ ਵਿਸ਼ਾ ਬਣੀ ਹੋਈ ਹੈ। ਇਸ ਮੁੱਦੇ 'ਤੇ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਕੁਏਸਨਾ ਨਾਰਕੋਪੋਲਿਸ 'ਚ ਕਈ ਮਮੀ ਮਿਲੇ ਹਨ। ਇਸ ਕਬਰਸਤਾਨ ਵਿੱਚ ਹਜ਼ਾਰਾਂ ਮਕਬਰੇ ਹਨ ਜੋ ਦੇਸ਼ ਦੇ ਇਤਿਹਾਸ ਦੇ ਵੱਖ-ਵੱਖ ਦੌਰ ਨਾਲ ਸਬੰਧਤ ਹਨ।
ਅਧਿਕਾਰੀਆਂ ਨੇ ਅੰਦਾਜ਼ਾ ਲਾਇਆ ਹੈ ਕਿ ਸੁਨਹਿਰੀ ਜੀਭ ਦਾ ਕੋਈ ਖਾਸ ਮਕਸਦ ਹੈ। ਹੋ ਸਕਦਾ ਹੈ ਕਿ ਇਸ ਨੂੰ ਕੁਝ ਖਾਸ ਲੋਕਾਂ ਲਈ ਲਗਾਇਆ ਗਿਆ ਹੋਵੇ। ਮਿਸਰ ਵਿੱਚ ਇੱਕ ਪ੍ਰਸਿੱਧ ਕਹਾਣੀ ਦੇ ਅਨੁਸਾਰ, ਨਿਆਂ ਦੇ ਦੇਵਤੇ ਓਸੀਰਿਸ ਲੋਕਾਂ ਦੁਆਰਾ ਇੱਕ ਮਹੱਤਵਪੂਰਣ ਦੇਵਤਾ ਮੰਨਿਆ ਜਾਂਦਾ ਸੀ। ਉਸਦੀ ਮੌਤ ਤੋਂ ਬਾਅਦ ਉਸਦੀ ਲਾਸ਼ ਨੂੰ ਮਿਸਰ ਦੇ ਕਈ ਇਲਾਕਿਆਂ ਵਿੱਚ ਸੁੱਟ ਦਿੱਤਾ ਗਿਆ ਸੀ। ਇਸ ਤੋਂ ਬਾਅਦ ਓਸੀਰਿਸ ਦੀ ਭੈਣ ਅਤੇ ਪਤਨੀ ਨੇ ਮਿਲ ਕੇ ਸਾਰੀਆਂ ਲਾਸ਼ਾਂ ਨੂੰ ਇਕੱਠਾ ਜੇੜ ਕੇ ਫਿਰ ਤੋਂ ਜ਼ਿੰਦਾ ਕਰ ਦਿੱਤਾ।
ਮਿਸਰ ਦੇ ਪੁਰਾਤੱਤਵ ਅਧਿਕਾਰੀ ਮੁਸਤਫਾ ਵਜ਼ੀਰੀ ਨੇ ਦੱਸਿਆ ਕਿ ਇਹ ਮਮੀ ਬਹੁਤ ਬੁਰੀ ਹਾਲਤ ਵਿੱਚ ਮਿਲੀ ਹੈ। ਉਨ੍ਹਾਂ ਦੱਸਿਆ ਕਿ ਮਮੀ ਦੀ ਜੀਭ ਦੇ ਅੰਦਰ ਸੋਨੇ ਦੀ ਜੀਭ ਮਿਲੀ ਹੈ। ਇਨ੍ਹਾਂ ਖੋਜਾਂ ਬਾਰੇ ਮਿਸਰ ਦੇ ਸੈਰ-ਸਪਾਟਾ ਮੰਤਰਾਲੇ ਨੇ ਕਿਹਾ ਕਿ ਅਜੇ ਤੱਕ ਇਹ ਸਪੱਸ਼ਟ ਨਹੀਂ ਹੋਇਆ ਹੈ ਕਿ ਤਾਜ਼ਾ ਖੋਜ ਵਿੱਚ ਕਿੰਨੀਆਂ ਮਮੀ ਮਿਲੀਆਂ ਹਨ ਅਤੇ ਕਿੰਨੀਆਂ ਮਮੀ ਦੇ ਅੰਦਰ ਸੋਨੇ ਦੀਆਂ ਜੀਭਾਂ ਹਨ। ਹਾਲਾਂਕਿ ਇਹ ਖੋਜ ਮਿਸਰ ਦੇ ਲਿਹਾਜ਼ ਨਾਲ ਬਹੁਤ ਵੱਡੀ ਹੈ। ਲੋਕ ਇਸ ਬਾਰੇ ਵਧੇਰੇ ਉਤਸੁਕ ਹਨ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਤੇ ਡੇਲੀਹੰਟ 'ਤੇ ਵੀ ਫੌਲੋ ਕਰ ਸਕਦੇ ਹੋ।