Online Marriage: ਵਿਆਹ ਦਾ ਫੈਸਲਾ ਜ਼ਿੰਦਗੀ ਦੇ ਸਭ ਤੋਂ ਵੱਡੇ ਫੈਸਲਿਆਂ ਵਿੱਚੋਂ ਇੱਕ ਹੈ। ਲੋਕ ਵਿਆਹ ਤੋਂ ਪਹਿਲਾਂ ਆਪਣੇ ਹੋਣ ਵਾਲੇ ਪਾਰਟਨਰ ਨੂੰ ਕਈ ਵਾਰ ਮਿਲ ਕੇ ਕਾਫੀ ਸਮਾਂ ਬਤੀਤ ਕਰਦੇ ਹਨ। ਇਸ ਤੋਂ ਬਾਅਦ ਹੀ ਉਹ ਵਿਆਹ ਦਾ ਫੈਸਲਾ ਲੈਂਦੇ ਹਨ ਪਰ, ਕੀ ਤੁਸੀਂ ਕਦੇ ਅਜਿਹੇ ਵਿਆਹ ਬਾਰੇ ਸੁਣਿਆ ਹੈ ਜਿਸ ਵਿੱਚ ਲਾੜਾ-ਲਾੜੀ ਦਾ ਲਵ ਮੈਰਿਜ (Love Marriage) ਕੀਤੀ ਹੋਵੇ ਪਰ ਉਨ੍ਹਾਂ ਨੇ ਕਦੇ ਇੱਕ ਦੂਜੇ ਨੂੰ ਆਹਮੋ-ਸਾਹਮਣੇ ਨਹੀਂ ਦੇਖਿਆ ਤੇ ਆਨਲਾਈਨ ਵਿਆਹ (Online Marriage) ਵੀ ਕਰਵਾ ਲਿਆ ਹੈ। ਹਾਂ ਤੁਸੀਂ ਇਹ ਸਹੀ ਪੜ੍ਹਿਆ ਹੈ!
ਅਜਿਹਾ ਹੀ ਕੁਝ ਬ੍ਰਿਟੇਨ (Britain) ਦੀ ਰਹਿਣ ਵਾਲੀ 26 ਸਾਲਾ ਆਇਸੀ (Ayse)ਤੇ ਅਮਰੀਕਾ (America) ਦੇ 24 ਸਾਲਾ ਡੇਰਿਨ (Darrin) ਨਾਲ ਹੋਇਆ ਹੈ। ਦੋਵਾਂ ਨੇ ਇਕ-ਦੂਜੇ ਨੂੰ ਮਿਲੇ ਬਿਨਾਂ ਜ਼ੂਮ ਕਾਲ (Zoom Call) ਰਾਹੀਂ ਵਿਆਹ ਕਰ ਲਿਆ। ਦੋਵਾਂ ਦੀ ਮੁਲਾਕਾਤ ਫੇਸਬੁੱਕ (Facebook) ਰਾਹੀਂ ਹੋਈ ਸੀ ਤੇ ਦੋਹਾਂ ਨੂੰ ਇੱਕ-ਦੂਜੇ ਨਾਲ ਪਿਆਰ ਹੋ ਗਿਆ। ਇਸ ਤੋਂ ਬਾਅਦ ਦੋਹਾਂ ਨੇ ਆਨਲਾਈਨ ਵਿਆਹ ਕਰਨ ਦਾ ਫੈਸਲਾ ਕੀਤਾ।
ਖਬਰਾਂ ਮੁਤਾਬਕ, ਕੋਰੋਨਾ ਕਾਰਨ ਯੂਕੇ ਵਿੱਚ ਲਾਕਡਾਊਨ (Lockdown in UK) ਸੀ। ਫਿਰ ਆਇਸੀ ਨੇ ਇੱਕ ਫੇਸਬੁੱਕ ਗਰੁੱਪ ਵਿੱਚ ਸ਼ਾਮਲ ਹੋ ਗਈ। ਉਸ ਦੀ ਮੁਲਾਕਾਤ 56 ਸਾਲਾ ਔਰਤ ਕੇਂਡਾ ਨਾਲ ਹੋਈ। ਇਸ ਤੋਂ ਬਾਅਦ ਆਈਸੀ ਦੀ ਮੁਲਾਕਾਤ ਉਨ੍ਹਾਂ ਦੇ ਪੁੱਤਰ ਡੇਰਿਨ ਨਾਲ ਹੋਈ। ਦੋਵਾਂ ਨੇ ਕੋਰੋਨਾ ਦੌਰਾਨ ਇੱਕ ਦੂਜੇ ਨਾਲ ਗੱਲ ਕਰਨੀ ਸ਼ੁਰੂ ਕਰ ਦਿੱਤੀ। ਇਸ ਤੋਂ ਬਾਅਦ ਦੋਵਾਂ ਨੇ ਫੋਨ 'ਤੇ ਵੀ ਗੱਲ ਕਰਨੀ ਸ਼ੁਰੂ ਕਰ ਦਿੱਤੀ ਅਤੇ ਗੱਲ ਵੀਡੀਓ ਕਾਲ ਤੱਕ ਪਹੁੰਚ ਗਈ। ਦੋਵਾਂ ਨੇ ਮਿਲਣ ਦੀ ਕੋਸ਼ਿਸ਼ ਕੀਤੀ ਪਰ ਕੋਰੋਨਾ ਕਾਰਨ ਇਹ ਸੰਭਵ ਨਹੀਂ ਹੋ ਸਕਿਆ।
ਆਨਲਾਈਨ ਵਿਆਹ ਕਰਾਉਣ ਦਾ ਫੈਸਲਾ ਕੀਤਾ
ਦੋਵਾਂ ਵਿੱਚ ਪਿਆਰ ਹੋਣ ਤੋਂ ਬਾਅਦ ਡੈਰਿਨ ਨੇ ਆਈਸੀ ਨੂੰ ਆਨਲਾਈਨ ਪ੍ਰਪੋਜ਼ ਕੀਤਾ ਅਤੇ ਇਸ ਤੋਂ ਬਾਅਦ ਦੋਵਾਂ ਨੇ ਕਾਨੂੰਨੀ ਤੌਰ 'ਤੇ ਆਨਲਾਈਨ ਵਿਆਹ ਕਰਨ ਦਾ ਫੈਸਲਾ ਕੀਤਾ। 19 ਅਗਸਤ ਨੂੰ ਦੋਵਾਂ ਨੇ ਜ਼ੂਮ ਕਾਲ ਰਾਹੀਂ ਵਿਆਹ ਕਰਵਾ ਲਿਆ। ਇਸ ਵਿਆਹ 'ਚ ਕਰੀਬੀ ਲੋਕਾਂ ਨੇ ਸ਼ਿਰਕਤ ਕੀਤੀ। ਅਜੇ ਵੀ ਦੋਹਾਂ ਨੇ ਇਕ-ਦੂਜੇ ਨੂੰ ਨਹੀਂ ਦੇਖਿਆ ਹੈ ਅਤੇ ਕੋਰੋਨਾ ਪਾਬੰਦੀਆਂ ਖਤਮ ਹੋਣ ਤੋਂ ਬਾਅਦ ਦੋਵੇਂ ਮਿਲਣਗੇ ਅਤੇ ਵਿਆਹ ਦੀ ਪਾਰਟੀ ਵੀ ਦੇਣਗੇ।
ਇਹ ਵੀ ਪੜ੍ਹੋ: Delhi Pollution: ਕੋਰੋਨਾ ਮਗਰੋਂ ਦਿੱਲੀ-ਐਨਸੀਆਰ 'ਚ ਪ੍ਰਦੂਸ਼ਣ ਦਾ ਕਹਿਰ, ਮੁੜ ਬੰਦ ਹੋਏ ਸਕੂਲ ਕਾਲਜ, ਜਾਣੋ CAQM ਦਾ ਆਰਡਰ
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/