ਨਵੀਂ ਦਿੱਲੀ: ਹਰ ਸਾਲ ਨਵੰਬਰ ਮਹੀਨੇ 'ਚ ਬੈਂਕ ਦੇ ਪੈਨਸ਼ਨਰਾਂ ਨੂੰ ਲਾਈਫ ਸਰਟੀਫਿਕੇਟ ਦੇਣਾ ਪੈਂਦਾ ਹੈ, ਜਿਸ ਨਾਲ ਇਹ ਯਕੀਨੀ ਹੁੰਦਾ ਹੈ ਕਿ ਪੈਨਸ਼ਨਰ (Pensioners) ਅਜੇ ਵੀ ਜਿਉਂਦੇ ਹਨ। ਹੋਰ ਬੈਂਕਾਂ (SBI) ਵਾਂਗ, ਲਾਈਫ ਸਰਟੀਫਿਕੇਟ ਵੀ ਐਸਬੀਆਈ ਵਿੱਚ ਜਮ੍ਹਾਂ ਹੈ ਤੇ ਹੁਣ ਪੈਨਸ਼ਨਰਾਂ ਕੋਲ ਇਹ ਸਰਟੀਫਿਕੇਟ ਜਮ੍ਹਾਂ ਕਰਾਉਣ ਲਈ ਅੱਜ ਸਮੇਤ 15 ਦਿਨ ਬਾਕੀ ਹਨ।
ਹਾਲਾਂਕਿ, ਤੁਹਾਨੂੰ ਇਹ ਜਾਣ ਕੇ ਖੁਸ਼ੀ ਹੋਵੇਗੀ ਕਿ ਹੁਣ ਐਸਬੀਆਈ ਨੇ ਆਪਣੇ ਪੈਨਸ਼ਨਰਾਂ ਨੂੰ ਵੀਡੀਓ ਕਾਲ ਰਾਹੀਂ ਘਰ ਬੈਠੇ ਇਹ ਜੀਵਨ ਸਰਟੀਫਿਕੇਟ ਜਮ੍ਹਾ ਕਰਨ ਦੀ ਸਹੂਲਤ ਦਿੱਤੀ ਹੈ। ਇਹ ਉਨ੍ਹਾਂ ਬਜ਼ੁਰਗ ਪੈਨਸ਼ਨਰਾਂ ਲਈ ਸੱਚਮੁੱਚ ਵੱਡੀ ਰਾਹਤ ਵਾਲੀ ਖ਼ਬਰ ਹੈ, ਜਿਨ੍ਹਾਂ ਨੇ ਨਵੰਬਰ ਵਿੱਚ ਆਪਣੇ ਜਿਉਂਦੇ ਹੋਣ ਦਾ ਸਬੂਤ ਦੇਣਾ ਹੈ ਤਾਂ ਜੋ ਉਨ੍ਹਾਂ ਦੀ ਪੈਨਸ਼ਨ ਸਮੇਂ ਸਿਰ ਆਉਂਦੀ ਰਹੇ।
ਜਾਣੋ, ਕਿਵੇਂ SBI ਪੈਨਸ਼ਨਰ ਵੀਡੀਓ ਕਾਲ ਰਾਹੀਂ ਆਪਣਾ ਜੀਵਨ ਸਰਟੀਫਿਕੇਟ ਜਮ੍ਹਾ ਕਰਵਾ ਸਕਦੇ ਹਨ
https://www.pensionseva.sbi/ ਇਹ ਉਹ ਪੋਰਟਲ ਹੈ ਜਿਸ 'ਤੇ ਤੁਸੀਂ ਬੈਂਕ ਅਧਿਕਾਰੀ ਦੀ ਮਦਦ ਨਾਲ ਵੀਡੀਓ ਕਾਲ ਰਾਹੀਂ ਜੀਵਨ ਸਰਟੀਫਿਕੇਟ ਜਮ੍ਹਾ ਕਰ ਸਕੋਗੇ।
ਉੱਪਰ ਦੱਸੇ ਪੋਰਟਲ 'ਤੇ ਜਾਓ ਅਤੇ Video LC ਵਿਕਲਪ 'ਤੇ ਕਲਿੱਕ ਕਰੋ। ਤੁਹਾਨੂੰ ਆਪਣਾ SBI ਪੈਨਸ਼ਨ ਖਾਤਾ ਨੰਬਰ ਆਪਣੇ ਕੋਲ ਰੱਖਣਾ ਹੋਵੇਗਾ ਤੇ ਵੀਡੀਓ LC ਵਿਕਲਪ 'ਤੇ ਕਲਿੱਕ ਕਰਨ ਤੋਂ ਬਾਅਦ, ਤੁਹਾਨੂੰ ਇਸ 'ਤੇ ਪੈਨਸ਼ਨ ਖਾਤਾ ਨੰਬਰ ਲਿਖਣਾ ਹੋਵੇਗਾ। ਇਸ ਤੋਂ ਬਾਅਦ, ਪੁਸ਼ਟੀ ਲਈ ਤੁਹਾਡੇ ਪੈਨਸ਼ਨ ਖਾਤੇ ਨਾਲ ਰਜਿਸਟਰ ਕੀਤੇ ਨੰਬਰ 'ਤੇ ਇੱਕ OTP ਆਵੇਗਾ।
ਅੱਗੇ ਦੀ ਪ੍ਰਕਿਰਿਆ ਲਈ, ਇਸ ਪੋਰਟਲ ਦੇ ਵੀਡੀਓ LC ਵਾਲੇ ਕਾਲਮ ਵਿੱਚ ਦਿਖਾਈ ਦੇਣ ਵਾਲੇ ਸਾਰੇ ਨਿਯਮਾਂ ਅਤੇ ਸ਼ਰਤਾਂ ਦੀ ਸੂਚੀ ਨੂੰ ਧਿਆਨ ਨਾਲ ਪੜ੍ਹੋ ਤੇ ਸਟਾਰਟ ਜਰਨੀ (Start Journey) 'ਤੇ ਕਲਿੱਕ ਕਰੋ। ਇਸ ਸਮੇਂ ਤੁਹਾਡੇ ਕੋਲ ਆਪਣਾ ਪੈਨ ਕਾਰਡ ਹੋਣਾ ਵੀ ਜ਼ਰੂਰੀ ਹੈ। ਸਟਾਰਟ ਜਰਨੀ ਤੋਂ ਬਾਅਦ, ਆਈ ਐਮ ਰੈਡੀ 'ਤੇ ਕਲਿੱਕ ਕਰੋ ਤੇ ਫਿਰ ਵੀਡੀਓ ਕਾਲ ਸ਼ੁਰੂ ਕਰੋ। ਹੁਣ ਤੁਹਾਨੂੰ ਕੁਝ ਸਮਾਂ ਇੰਤਜ਼ਾਰ ਕਰਨਾ ਹੋਵੇਗਾ ਤੇ ਜਿਵੇਂ ਹੀ SBI ਅਧਿਕਾਰੀਆਂ ਨੂੰ ਸਮਾਂ ਮਿਲੇਗਾ ਤੁਹਾਡੀ ਵੀਡੀਓ ਕਾਲ ਸ਼ੁਰੂ ਹੋ ਜਾਵੇਗੀ। ਇਕ ਖਾਸ ਗੱਲ ਇਹ ਹੈ ਕਿ ਤੁਸੀਂ ਆਪਣੀ ਸਹੂਲਤ ਦੇ ਹਿਸਾਬ ਨਾਲ ਸਮਾਂ ਚੁਣ ਕੇ ਉਸ ਨੂੰ ਚੁਣ ਸਕਦੇ ਹੋ।
ਵੀਡੀਓ ਕਾਲ ਸ਼ੁਰੂ ਹੋਣ ਤੋਂ ਬਾਅਦ ਕੀ ਕਰਨਾ
ਵੀਡੀਓ ਕਾਲ ਸ਼ੁਰੂ ਹੋਣ ਤੋਂ ਬਾਅਦ, SBI ਦਾ ਕਾਰਜਕਾਰੀ ਅਧਿਕਾਰੀ ਤੁਹਾਨੂੰ ਸਕਰੀਨ ਸ਼ੇਅਰ 'ਤੇ 4 ਅੰਕਾਂ ਦਾ ਨੰਬਰ ਪੜ੍ਹਨ ਲਈ ਕਹੇਗਾ। ਇਸ ਤੋਂ ਬਾਅਦ ਤੁਹਾਨੂੰ ਆਪਣਾ ਪੈਨ ਕਾਰਡ ਦਿਖਾਉਣ ਲਈ ਕਿਹਾ ਜਾਵੇਗਾ ਤੇ ਬੈਂਕ ਅਧਿਕਾਰੀ ਇਸ ਦੀ ਫੋਟੋ ਕਲਿੱਕ ਕਰਨਗੇ। ਇਸ ਤੋਂ ਬਾਅਦ ਬੈਂਕ ਅਧਿਕਾਰੀ ਤੁਹਾਡੀ ਪਛਾਣ ਲਈ ਤੁਹਾਡੀ ਤਸਵੀਰ 'ਤੇ ਕਲਿੱਕ ਕਰਨਗੇ ਤੇ ਵੀਡੀਓ ਕਾਲ ਦੀ ਪ੍ਰਕਿਰਿਆ ਪੂਰੀ ਹੋ ਜਾਵੇਗੀ।
ਧਿਆਨਯੋਗ ਚੀਜ਼ਾਂ
ਜੇਕਰ ਤੁਹਾਡੀ ਵੀਡੀਓ ਕਾਲ ਦੀ ਪੂਰੀ ਪ੍ਰਕਿਰਿਆ 'ਚ ਕੋਈ ਗਲਤੀ ਹੁੰਦੀ ਹੈ, ਤਾਂ ਤੁਹਾਨੂੰ ਵੀਡੀਓ ਕਾਲ ਰਾਹੀਂ ਹੀ ਇਸ ਦੀ ਜਾਣਕਾਰੀ ਦਿੱਤੀ ਜਾਵੇਗੀ।
ਅਜਿਹੇ 'ਚ ਤੁਹਾਨੂੰ ਬੈਂਕ ਜਾ ਕੇ ਆਪਣਾ ਜੀਵਨ ਪ੍ਰਮਾਣ ਪੱਤਰ ਜਮ੍ਹਾ ਕਰਵਾਉਣਾ ਹੋਵੇਗਾ।
ਇਹ ਵੀ ਪੜ੍ਹੋ: Supreme Court: ਸੁਪਰੀਮ ਕੋਰਟ ਵੱਲੋਂ ਦਿਨਕਰ ਗੁਪਤਾ ਦੀ ਡੀਜੀਪੀ ਵਜੋਂ ਨਿਯੁਕਤੀ ਖ਼ਿਲਾਫ਼ ਪਟੀਸ਼ਨਾਂ ਖਾਰਜ
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/