Most Expensive Cow: 40 ਕਰੋੜ ਰੁਪਏ ਦੀ ਗਾਂ ਬਾਰੇ ਸੁਣ ਕੇ ਅੱਖਾਂ ਖੁੱਲ੍ਹੀਆਂ ਦੀਆਂ ਖੁੱਲ੍ਹੀਆਂ ਰਹਿ ਗਈਆਂ। ਜੀ ਹਾਂ ਇਹ ਬਿਲਕੁਲ ਸੱਚ ਹੈ। ਇੰਨੀ ਕੀਮਤ ਦੇ ਵਿੱਚ ਬਹੁਤ ਹੀ ਆਰਾਮ ਦੇ ਨਾਲ ਕੋਈ ਸਖ਼ਸ਼ ਲਗਜ਼ਰੀ ਕਾਰ ਤੋਂ ਲੈ ਕੇ ਬੰਗਲੇ ਤੱਕ ਦਾ ਮਾਲਿਕ ਬਣ ਸਕਦਾ ਹੈ। ਇਸ ਗਾਂ ਦੀ ਖਾਸੀਅਤਾਂ ਨੇ ਇਸ ਨੂੰ ਦੁਨੀਆ ਦੀ ਸਭ ਤੋਂ ਮਹਿੰਗੀ ਗਾਂ ਬਣਾ ਦਿੱਤਾ ਹੈ।
ਪਰ ਤੁਹਾਨੂੰ ਦੱਸ ਦੇਈਏ ਕਿ ਭਾਰਤ ਦੀ ਇੱਕ ਬਹੁਤ ਹੀ ਖਾਸ ਨਸਲ ਦੀ ਗਾਂ ਦੁਨੀਆ ਦੀ ਸਭ ਤੋਂ ਮਹਿੰਗੀ ਗਾਂ ਬਣ ਗਈ ਹੈ। ਨੇਲੋਰ ਨਸਲ ਦੀ ਇੱਕ ਗਾਂ, ਜਿਸਨੂੰ ਵਿਆਟੀਨਾ-19 FIV ਮਾਰਾ ਇਮੋਵਿਸ ਵਜੋਂ ਜਾਣਿਆ ਜਾਂਦਾ ਹੈ। ਇਸ ਨਸਲ ਦੀ ਇੱਕ ਗਾਂ ਬ੍ਰਾਜ਼ੀਲ ਵਿੱਚ ਇੱਕ ਨਿਲਾਮੀ ਵਿੱਚ 4.8 ਮਿਲੀਅਨ ਅਮਰੀਕੀ ਡਾਲਰ ਵਿੱਚ ਵੇਚੀ ਗਈ ਹੈ, ਜੋ ਕਿ ਭਾਰਤੀ ਰੁਪਏ ਵਿੱਚ 40 ਕਰੋੜ ਰੁਪਏ ਬਣਦੀ ਹੈ।
ਜਾਣੋ ਇਸ ਗਾਂ ਦਾ ਭਾਰਤ ਨਾਲ ਕੀ ਖਾਸ ਸੰਬੰਧ
ਗਾਂ ਦੀ ਇਸ ਨਸਲ ਦਾ ਨਾਂ ਆਂਧਰਾ ਪ੍ਰਦੇਸ਼ ਦੇ ਨੇਲੋਰ ਜ਼ਿਲ੍ਹੇ ਦੇ ਨਾਂ 'ਤੇ ਰੱਖਿਆ ਗਿਆ ਹੈ। ਗਾਂ ਦੀ ਇਸ ਨਸਲ ਦਾ ਵਿਗਿਆਨਕ ਨਾਮ ਬੋਸ ਇੰਡੀਕਸ ਹੈ। ਇੱਥੋਂ ਇਸ ਨਸਲ ਨੂੰ 1868 ਵਿੱਚ ਜਹਾਜ਼ ਰਾਹੀਂ ਬ੍ਰਾਜ਼ੀਲ ਭੇਜਿਆ ਗਿਆ ਸੀ। ਅਤੇ ਫਿਰ ਇਹ ਦੁਨੀਆ ਦੇ ਹੋਰ ਹਿੱਸਿਆਂ ਵਿੱਚ ਵੀ ਫੈਲ ਗਈ। ਇਕੱਲੇ ਬ੍ਰਾਜ਼ੀਲ ਵਿਚ ਇਸ ਨਸਲ ਦੀਆਂ ਲਗਭਗ 16 ਕਰੋੜ ਗਾਵਾਂ ਹਨ।
ਇਹ ਇਸ ਨਸਲ ਦੀਆਂ ਗਾਵਾਂ ਦੀ ਵਿਸ਼ੇਸ਼ਤਾ ਹੈ
Viatina-19 FIV ਮਾਰਾ ਇਮੋਵਿਸ ਗਾਂ ਦੀ ਨਸਲ ਆਪਣੇ ਗੁਣਾਂ ਲਈ ਦੁਨੀਆ ਭਰ ਵਿੱਚ ਬਹੁਤ ਜ਼ਿਆਦਾ ਮਾਨਤਾ ਪ੍ਰਾਪਤ ਹੈ। ਆਓ ਜਾਣਦੇ ਹਾਂ ਕੀ ਹੈ ਇਸਦੀ ਖਾਸੀਅਤ?
- ਇਸ ਨਸਲ ਦੀਆਂ ਗਾਵਾਂ ਦੇ ਮੋਢਿਆਂ ਉੱਤੇ ਚਮਕਦਾਰ ਚਿੱਟੇ ਫਰ ਅਤੇ ਇੱਕ ਵੱਡਾ bulbous hump ਹੁੰਦਾ ਹੈ।
- ਨੈਲੋਰ ਨਸਲ ਦੀ ਗਾਂ ਗਰਮ ਮੌਸਮ ਵਿੱਚ ਆਸਾਨੀ ਨਾਲ ਅਨੁਕੂਲ ਹੋ ਜਾਂਦੀ ਹੈ। ਇਸ ਦਾ ਚਿੱਟਾ ਫਰ ਸੂਰਜ ਦੀ ਰੌਸ਼ਨੀ ਤੋਂ ਰੱਖਿਆ ਕਰਦਾ ਹੈ। ਜਿਸ ਕਾਰਨ ਇਹ ਗਰਮੀ ਨੂੰ ਆਸਾਨੀ ਨਾਲ ਬਰਦਾਸ਼ਤ ਕਰ ਸਕਦੀ ਹੈ।
- ਉਨ੍ਹਾਂ ਦੀ ਇਮਿਊਨਿਟੀ ਵੀ ਸ਼ਾਨਦਾਰ ਹੁੰਦੀ ਹੈ। ਇੱਥੋਂ ਤੱਕ ਕਿ ਖੂਨ ਚੂਸਣ ਵਾਲੇ ਕੀੜੇ ਵੀ ਉਨ੍ਹਾਂ ਦੀ ਸਖ਼ਤ ਚਮੜੀ 'ਤੇ ਹਮਲਾ ਨਹੀਂ ਕਰਦੇ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ।ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ।