Big Fat Wedding at Low Cost: ਵਿਆਹ ਕਿਸੇ ਵੀ ਵਿਅਕਤੀ ਦੀ ਜ਼ਿੰਦਗੀ ਦਾ ਸਭ ਤੋਂ ਵੱਡਾ ਦਿਨ ਹੁੰਦਾ ਹੈ। ਇਸ ਖਾਸ ਦਿਨ ਨੂੰ ਯਾਦਗਾਰ ਬਣਾਉਣ ਲਈ ਲੋਕ ਪਾਣੀ ਵਾਂਗ ਪੈਸਾ ਵਹਾਉਂਦੇ ਹਨ। ਪਰ, ਬ੍ਰਿਟੇਨ 'ਚ ਰਹਿਣ ਵਾਲੇ ਇੱਕ ਜੋੜੇ ਨੇ ਸ਼ਾਨਦਾਰ ਕੰਮ ਕੀਤਾ ਹੈ। ਉਸ ਨੇ ਇੱਕ ਅਜਿਹੀ ਮਿਸਾਲ ਕਾਇਮ ਕੀਤੀ ਹੈ ਜਿਸ ਦੀ ਪਾਲਣਾ ਦੂਸਰੇ ਵੀ ਕਰ ਸਕਦੇ ਹਨ।
ਜੈਸਮੀਨ ਤੇ ਉਸ ਦੇ ਪਤੀ ਸੈਮ ਕਿੰਗਡਨ ਨੇ ਬਹੁਤ ਘੱਟ ਪੈਸਿਆਂ ਵਿੱਚ ਆਪਣੇ ਵਿਆਹ ਵਿੱਚ ਇੱਕ ਬਹੁਤ ਹੀ ਸ਼ਾਨਦਾਰ ਪਾਰਟੀ ਕੀਤੀ। ਉਨ੍ਹਾਂ ਦੱਸਿਆ ਕਿ ਵਿਆਹ ਦੀ ਵੱਡੀ ਪਾਰਟੀ ਲਈ ਜ਼ਿਆਦਾ ਪੈਸਾ ਬਰਬਾਦ ਕਰਨ ਦੀ ਲੋੜ ਨਹੀਂ।
ਦੱਸ ਦੇਈਏ ਕਿ ਜੈਸਮੀਨ ਪੇਸ਼ੇ ਤੋਂ ਟੀਚਰ ਹੈ। ਜਦੋਂ ਉਸ ਨੇ ਆਪਣੇ ਸਾਥੀ ਸੈਮ (ਸੈਮ ਕਿੰਗਡਨ) ਨਾਲ ਵਿਆਹ ਕਰਨ ਦਾ ਫੈਸਲਾ ਕੀਤਾ, ਤਾਂ ਉਨ੍ਹਾਂ ਸੋਚਿਆ ਕਿ ਸਹੀ ਯੋਜਨਾਬੰਦੀ ਨਾਲ, ਉਹ ਆਪਣੇ ਵਿਆਹ ਨੂੰ ਸ਼ਾਨਦਾਰ ਤੇ ਯਾਦਗਾਰ ਬਣਾ ਦੇਣਗੇ। ਦੋਵੇਂ ਆਪਣਾ ਘਰ ਵੀ ਬਣਾ ਰਹੇ ਹਨ, ਇਸ ਲਈ ਉਨ੍ਹਾਂ ਨੇ ਆਪਣੇ ਵਿਆਹ ਦੀ ਬਹੁਤ ਹੀ ਸਮਾਰਟ ਪਲਾਨਿੰਗ ਕੀਤੀ। ਇਸ ਦੇ ਨਾਲ ਹੀ ਘੱਟ ਪੈਸਿਆਂ 'ਚ ਵੀ ਉਨ੍ਹਾਂ ਦੇ ਵਿਆਹ 'ਚ ਕੋਈ ਕਮੀ ਨਹੀਂ ਆਈ।
ਇਸ ਤਰ੍ਹਾਂ ਬਣਾਇਆ ਗਿਆ ਸਮਾਰਟ ਪਲਾਨ
ਦੱਸ ਦੇਈਏ ਕਿ ਦੋਵਾਂ ਨੇ ਵਿਆਹ ਦੀ ਪਲੈਨਿੰਗ ਬਹੁਤ ਹੀ ਸਮਾਰਟ ਤਰੀਕੇ ਨਾਲ ਕੀਤੀ ਸੀ। ਸਭ ਤੋਂ ਪਹਿਲਾਂ ਵਿਆਹ ਤੋਂ ਬਾਅਦ ਰਿਸੈਪਸ਼ਨ ਲਈ ਦੁਲਹਨ ਦੇ ਮਾਤਾ-ਪਿਤਾ ਦੇ ਬਗੀਚੇ ਨੂੰ ਚੁਣਿਆ ਗਿਆ। ਉਸ ਨੇ ਪਹਿਲਾਂ ਹੀ ਉਸ ਬਾਗ ਵਿੱਚ ਫੁੱਲ ਲਗਾਏ ਹੋਏ ਸੀ ਜੋ ਉਹ ਵਿਆਹ ਵਾਲੀ ਥਾਂ 'ਤੇ ਚਾਹੁੰਦੇ ਸੀ। ਇਸ ਕਾਰਨ ਫੁੱਲਾਂ ਦੀ ਸਜਾਵਟ 'ਤੇ ਖ਼ਰਚ ਹੋਣ ਵਾਲੇ ਪੈਸੇ ਦੀ ਬੱਚਤ ਹੋ ਗਈ।
ਇਸ ਤੋਂ ਬਾਅਦ ਉਨ੍ਹਾਂ ਨੇ ਪਿੰਡ ਦੇ ਹਾਲ ਵਿੱਚ ਵਿਆਹ ਦਾ ਫਰਨੀਚਰ ਕਿਰਾਏ 'ਤੇ ਲਿਆ ਤੇ ਇੱਕ ਨਿਲਾਮੀ ਕੇਂਦਰ ਤੋਂ ਕਰੌਕਰੀ ਖਰੀਦੀ। ਇਸ ਦੇ ਨਾਲ ਹੀ ਉਨ੍ਹਾਂ ਦੇ ਆਪਣੇ ਪਰਿਵਾਰ ਦੇ ਲੋਕਾਂ ਤੋਂ ਵਿਆਹ ਦਾ ਕੇਕ ਬਣਵਾਇਆ। ਇਸ ਦੇ ਨਾਲ ਹੀ ਸਥਾਨ ਨੂੰ ਵਿੰਟੇਜ ਥੀਮ 'ਤੇ ਸਜਾਇਆ ਗਿਆ। ਇਸ ਲਈ ਘਰ ਵਿੱਚ ਰੱਖੀ ਲੱਕੜ ਦੀ ਵਰਤੋਂ ਕੀਤੀ। ਇਸ ਦੇ ਨਾਲ ਹੀ ਵਿਆਹ ਦੇ ਫੋਟੋਗ੍ਰਾਫਰ ਨੂੰ ਅੱਧੇ ਦਿਨ ਲਈ ਬੁਲਾਇਆ ਗਿਆ। ਸੈਮ ਦੇ ਸੂਟ ਦੀ ਕੀਮਤ 40 ਹਜ਼ਾਰ ਰੁਪਏ ਹੈ ਜਦੋਂਕਿ ਲਾੜੀ ਦੇ ਵਿਆਹ ਦੇ ਪਹਿਰਾਵੇ ਦੀ ਕੀਮਤ 1 ਲੱਖ ਰੁਪਏ ਹੈ।
ਦੱਸ ਦੇਈਏ ਕਿ ਇਸ ਤਰ੍ਹਾਂ ਨਾਲ ਥੋੜ੍ਹੇ ਜਿਹੇ ਸਮਾਰਟ ਪਲਾਨਿੰਗ ਨਾਲ ਇਸ ਜੋੜੇ ਨੇ ਆਪਣੇ ਵਿਆਹ ਦਾ ਸਾਰਾ ਖਰਚ 5 ਲੱਖ ਰੁਪਏ ਵਿੱਚ ਨਿਪਟਾਇਆ। ਇਸ ਤਰ੍ਹਾਂ ਉਨ੍ਹਾਂ ਨੇ ਆਪਣੇ ਵਿਆਹ 'ਚ ਸਿਰਫ 30 ਮਹਿਮਾਨਾਂ ਨੂੰ ਹੀ ਬੁਲਾਇਆ ਸੀ। ਬਾਕੀ ਮਹਿਮਾਨਾਂ ਨੂੰ ਰਿਸੈਪਸ਼ਨ ਲਈ ਬੁਲਾਇਆ। ਇਸ ਤਰ੍ਹਾਂ ਵਿਆਹ ਲਈ ਪੈਸੇ ਬਚਾ ਕੇ ਜੋੜਾ ਇਸ ਪੈਸੇ ਦੀ ਵਰਤੋਂ ਘਰ ਦੀ ਉਸਾਰੀ ਲਈ ਕਰਨ ਜਾ ਰਿਹਾ ਹੈ।
ਇਹ ਵੀ ਪੜ੍ਹੋ: Winter Fitness Tips: ਸਰਦੀਆਂ 'ਚ ਇਨ੍ਹਾਂ 6 ਤਰੀਕਿਆਂ ਨਾਲ ਆਪਣੇ ਸਰੀਰ ਨੂੰ ਰੱਖੋ ਪੂਰੀ ਤਰ੍ਹਾਂ ਫਿੱਟ ਤੇ ਸਿਹਤਮੰਦ
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/