Shocking Video: ਸੋਸ਼ਲ ਮੀਡੀਆ 'ਤੇ ਇੱਕ ਵਾਰ ਫਿਰ ਤੋਂ ਇੱਕ ਖੌਫਨਾਕ ਵੀਡੀਓ ਵਾਇਰਲ ਹੋ ਰਿਹਾ ਹੈ। ਇਸ ਵਿੱਚ ਦੇਖਿਆ ਜਾ ਰਿਹਾ ਹੈ ਕਿ ਇੱਕ ਸਕੂਲੀ ਬੱਸ ਇੱਕ ਛੋਟੀ ਬੱਚੀ ਨੂੰ ਕਰੀਬ 1000 ਫੁੱਟ ਤੱਕ ਘਸੀਟਦੀ ਹੈ। ਇਸ ਕਲਿੱਪ ਨੂੰ ਯੂਜ਼ਰ ਡੀਨ ਬਲੰਡਲ ਨੇ ਸ਼ੁੱਕਰਵਾਰ ਨੂੰ ਸ਼ੇਅਰ ਕੀਤਾ। ਉਦੋਂ ਤੋਂ ਇਸ ਵੀਡੀਓ ਨੂੰ 5 ਮਿਲੀਅਨ ਵਿਊਜ਼ ਮਿਲ ਚੁੱਕੇ ਹਨ। ਵੀਡੀਓ 'ਚ ਬੱਚੀ ਨੂੰ ਸਕੂਲ ਬੱਸ 'ਚੋਂ ਉਤਰਦਿਆਂ ਦੇਖਿਆ ਗਿਆ, ਉਦੋਂ ਉਸ ਦਾ ਬੈਗ ਸਕੂਲ ਬੱਸ ਦੇ ਗੇਟ 'ਚ ਫਸ ਗਿਆ। ਬੱਸ ਡਰਾਈਵਰ ਔਰਤ ਬਿਨਾਂ ਦੇਖੇ ਹੀ ਬੱਸ ਚਲਾ ਦਿੰਦੀ ਹੈ ਅਤੇ ਬੱਚੀ ਨੂੰ ਸਕੂਲ ਬੱਸ ਦੇ ਨਾਲ ਘਸੀਟ ਕੇ ਲੈ ਜਾਂਦੀ ਹੈ। ਪਰ ਇਹ ਸਾਰੀ ਘਟਨਾ ਬੱਸ ਦੇ ਨਿਗਰਾਨੀ ਕੈਮਰੇ ਵਿੱਚ ਕੈਦ ਹੋ ਗਈ।
ਇੰਟਰਨੈੱਟ ਯੂਜ਼ਰਸ ਇਸ ਫੁਟੇਜ ਨੂੰ ਦੇਖ ਕੇ ਹੈਰਾਨ ਹਨ। ਜਦੋਂ ਕਿ ਕਈਆਂ ਨੇ ਵੀਡੀਓ ਕਲਿੱਪ ਨੂੰ "ਖੌਫ਼ਨਾਕ" ਕਿਹਾ ਹੈ, ਕੁਝ ਪੁੱਛ ਰਹੇ ਹਨ ਕਿ ਡਰਾਈਵਰ ਨੇ ਇਸ ਵੱਲ ਧਿਆਨ ਕਿਵੇਂ ਨਹੀਂ ਦਿੱਤਾ।
ਇੱਕ ਯੂਜ਼ਰ ਨੇ ਲਿਖਿਆ, "ਇਹ ਦੇਖਣਾ ਕਿੰਨਾ ਔਖਾ ਹੈ।" ਇੱਕ ਹੋਰ ਯੂਜ਼ਰ ਨੇ ਲਿਖਿਆ, ਇਹ ਦੇਖ ਕੇ ਮੇਰਾ ਸਾਹ ਰੁਕ ਗਿਆ। ਤੀਜੇ ਯੂਜ਼ਰ ਨੇ ਲਿਖਿਆ, 'ਅਵਿਸ਼ਵਾਸ਼ਯੋਗ, ਮੇਰੇ ਕੋਲ ਰੱਬ ਦਾ ਧੰਨਵਾਦ ਕਰਨ ਲਈ ਸ਼ਬਦ ਨਹੀਂ ਹਨ ਕਿ ਬੱਚੀ ਠੀਕ ਹੈ। ਇਸ ਦੇ ਨਾਲ ਹੀ ਚੌਥੇ ਯੂਜ਼ਰ ਨੇ ਲਿਖਿਆ, "ਇਹ ਬਹੁਤ ਘੱਟ ਵੀਡੀਓਜ਼ 'ਚੋਂ ਇੱਕ ਹੈ, ਜਿਸ ਨੂੰ ਦੇਖ ਕੇ ਮੇਰਾ ਦਿਲ ਕੰਬ ਗਿਆ।"
ਪਿਛਲੀਆਂ ਰਿਪੋਰਟਾਂ ਅਨੁਸਾਰ ਇਹ ਘਟਨਾ 2015 ਵਿੱਚ ਅਮਰੀਕਾ ਦੇ ਕੈਂਟਕੀ ਵਿੱਚ ਵਾਪਰੀ ਸੀ। ਹਾਲਾਂਕਿ, ਇਹ ਕਲਿੱਪ ਪਿਛਲੇ ਸਾਲ ਹੀ ਜਾਰੀ ਕੀਤਾ ਗਿਆ ਸੀ ਜਦੋਂ ਇਸ ਕੇਸ ਦੀ ਸੁਣਵਾਈ ਸ਼ੁਰੂ ਹੋਈ ਸੀ। ਹਾਦਸੇ ਦੇ ਸਮੇਂ ਬੱਚੀ ਦੀ ਉਮਰ ਸਿਰਫ 6 ਸਾਲ ਸੀ ਅਤੇ ਉਹ ਜੇਫਰਸਨ ਕਾਊਂਟੀ ਸਕੂਲ ਦੀ ਬੱਸ ਤੋਂ ਉਤਰ ਰਹੀ ਸੀ। ਕੁੜੀ ਨੂੰ ਫਿਰ ਪੋਸਟ ਟਰੌਮੈਟਿਕ ਤਣਾਅ ਸੰਬੰਧੀ ਵਿਗਾੜ (PTSD 9Post-traumatic Stress disorder) ਵੀ ਹੋ ਗਿਆ ਸੀ। ਇਸ ਮਾਮਲੇ ਵਿੱਚ ਬੱਸ ਡਰਾਈਵਰ ਔਰਤ ਨੂੰ ਦੋਸ਼ੀ ਪਾਇਆ ਗਿਆ ਸੀ। ਇਸ ਪੂਰੀ ਘਟਨਾ ਦੌਰਾਨ ਉਸ ਨੇ 16 ਨਿਯਮ ਤੋੜੇ।