ਕੇਂਦਰ ਸਰਕਾਰ ਨੇ 'ਇਲੈਕਟ੍ਰਿਕ ਮੋਬਿਲਿਟੀ ਪ੍ਰਮੋਸ਼ਨ ਸਕੀਮ (EMPS) 2024' ਨੂੰ ਦੋ ਮਹੀਨੇ ਵਧਾ ਕੇ 30 ਸਤੰਬਰ 2024 ਤੱਕ ਕਰ ਦਿੱਤਾ ਹੈ। ਇਹ ਸਕੀਮ ਪਹਿਲਾਂ ਜੁਲਾਈ 2024 ਵਿੱਚ ਖਤਮ ਹੋਣ ਵਾਲੀ ਸੀ। ਇਸ ਤੋਂ ਇਲਾਵਾ, ਯੋਜਨਾ ਲਈ ਕੁੱਲ ਬਜਟ ਅਲਾਟਮੈਂਟ ਵੀ ਹੁਣ 500 ਕਰੋੜ ਰੁਪਏ ਤੋਂ ਵਧਾ ਕੇ 778 ਕਰੋੜ ਰੁਪਏ ਕਰ ਦਿੱਤੀ ਗਈ ਹੈ।
ਯੋਜਨਾ ਦੇ ਟੀਚੇ ਨੂੰ ਵੀ 5,60,789 ਇਲੈਕਟ੍ਰਿਕ ਵਾਹਨਾਂ (EVs) ਦੀ ਖਰੀਦ ਦਾ ਸਮਰਥਨ ਕਰਨ ਲਈ ਅਪਡੇਟ ਕੀਤਾ ਗਿਆ ਹੈ, ਜੋ ਕਿ ਪਹਿਲਾਂ 3,72,215 ਇਲੈਕਟ੍ਰਿਕ ਵਾਹਨ ਸਨ। ਇਨ੍ਹਾਂ ਵਿੱਚ 5,00,080 ਇਲੈਕਟ੍ਰਿਕ ਦੋਪਹੀਆ ਵਾਹਨ ਅਤੇ 60,709 ਇਲੈਕਟ੍ਰਿਕ ਥ੍ਰੀ-ਵ੍ਹੀਲਰ ਸ਼ਾਮਲ ਹਨ।
ਈ-ਵਾਹਨਾਂ ਲਈ ਕੀ ਹੈ EMPS ?
ਇਲੈਕਟ੍ਰਿਕ ਮੋਬਿਲਿਟੀ ਪ੍ਰਮੋਸ਼ਨ ਸਕੀਮ (EMPS) 2024 ਨੂੰ ਭਾਰੀ ਉਦਯੋਗ ਮੰਤਰਾਲੇ ਦੁਆਰਾ 13 ਮਾਰਚ, 2024 ਨੂੰ ਦੇਸ਼ ਭਰ ਵਿੱਚ ਇਲੈਕਟ੍ਰਿਕ ਵਾਹਨਾਂ (EVs) ਨੂੰ ਅਪਣਾਉਣ ਨੂੰ ਉਤਸ਼ਾਹਿਤ ਕਰਨ ਦੇ ਉਦੇਸ਼ ਨਾਲ ਸ਼ੁਰੂ ਕੀਤਾ ਗਿਆ ਸੀ। ਇਸ ਸਕੀਮ ਨੂੰ ਫਾਸਟਰ ਅਡਾਪਸ਼ਨ ਐਂਡ ਮਨੂਫੈਕਚਰਿੰਗ ਆਫ਼ ਹਾਈਬ੍ਰਿਡ ਐਂਡ ਇਲੈਕਟ੍ਰਿਕ ਵਹੀਕਲ ਭਾਵ FAME ਸਬਸਿਡੀ ਸਕੀਮ ਨਾਲ ਬਦਲ ਦਿੱਤਾ ਗਿਆ ਹੈ, ਜਿਸਦੀ ਮਿਆਦ 31 ਮਾਰਚ, 2024 ਨੂੰ ਖਤਮ ਹੋ ਗਈ ਸੀ।
EMPS ਦੀ ਮਿਆਦ ਪਹਿਲਾਂ 1 ਅਪ੍ਰੈਲ ਤੋਂ 31 ਜੁਲਾਈ, 2024 ਤੱਕ ਨਿਰਧਾਰਤ ਕੀਤੀ ਗਈ ਸੀ, ਪਰ ਹੁਣ ਇਸ ਦੀ ਮਿਆਦ ਨੂੰ ਇਸ ਸਾਲ 30 ਸਤੰਬਰ ਤੱਕ ਸੋਧਿਆ ਗਿਆ ਹੈ। ਇਸ ਦਾ ਮਤਲਬ ਹੈ ਕਿ ਹੁਣ ਗਾਹਕ 31 ਜੁਲਾਈ ਤੱਕ ਇਲੈਕਟ੍ਰਿਕ ਸਕੂਟਰ ਅਤੇ ਇਲੈਕਟ੍ਰਿਕ ਥ੍ਰੀ-ਵ੍ਹੀਲਰਸ ਦੀ ਖਰੀਦ 'ਤੇ ਸਬਸਿਡੀ ਦਾ ਲਾਭ ਲੈ ਸਕਣਗੇ।
ਇਲੈਕਟ੍ਰਿਕ ਸਕੂਟਰ 'ਤੇ 10,000 ਰੁਪਏ ਦੀ ਛੋਟ
ਇਹ ਸਕੀਮ ਵਪਾਰਕ ਦੋ-ਪਹੀਆ ਵਾਹਨ ਅਤੇ ਤਿੰਨ-ਪਹੀਆ ਵਾਹਨ ਇਲੈਕਟ੍ਰਿਕ ਵਾਹਨਾਂ ਅਤੇ ਦੋ-ਪਹੀਆ ਵਾਹਨ ਨਿੱਜੀ ਇਲੈਕਟ੍ਰਿਕ ਵਾਹਨਾਂ 'ਤੇ ਲਾਗੂ ਹੈ। EV ਖਰੀਦਦਾਰ ਦੋਪਹੀਆ ਵਾਹਨ ਈਵੀ ਲਈ ₹10,000 ਤੱਕ, ਛੋਟੇ ਤਿੰਨ-ਪਹੀਆ ਵਾਹਨ ਈਵੀ ਲਈ ₹25,000 ਤੱਕ ਅਤੇ ਵੱਡੇ ਤਿੰਨ-ਪਹੀਆ ਵਾਹਨ ਈਵੀ ਲਈ ₹50,000 ਤੱਕ ਦੇ ਲਾਭ ਪ੍ਰਾਪਤ ਕਰ ਸਕਦੇ ਹਨ।
ਇਨ੍ਹਾਂ ਕੰਪਨੀਆਂ ਦੇ ਈ-ਸਕੂਟਰਾਂ 'ਤੇ ਚੁੱਕੋ ਸਬਸਿਡੀ ਦਾ ਫਾਇਦਾ
ਟਾਈਮਜ਼ ਆਫ਼ ਇੰਡੀਆ ਦੀ ਰਿਪੋਰਟ ਦੇ ਅਨੁਸਾਰ, ਅਥਰ ਐਨਰਜੀ, ਬਜਾਜ ਆਟੋ, ਓਲਾ ਇਲੈਕਟ੍ਰਿਕ, ਹੀਰੋ ਮੋਟੋਕਾਰਪ, ਟੀਵੀਐਸ ਅਤੇ ਕਾਇਨੇਟਿਕ ਗ੍ਰੀਨ ਉਨ੍ਹਾਂ ਕੰਪਨੀਆਂ ਵਿੱਚ ਸ਼ਾਮਲ ਹਨ ਜਿਨ੍ਹਾਂ ਨੂੰ EMPS ਸਬਸਿਡੀ ਦਾ ਦਾਅਵਾ ਕਰਨ ਦੀ ਮਨਜ਼ੂਰੀ ਮਿਲੀ ਹੈ। EMPS ਅਧੀਨ ਦੋ-ਪਹੀਆ ਅਤੇ ਤਿੰਨ-ਪਹੀਆ ਵਾਹਨਾਂ ਲਈ ਪ੍ਰਤੀ ਯੂਨਿਟ ਸਬਸਿਡੀ ਹੁਣ FAME ਅਧੀਨ ਸਬਸਿਡੀ ਦੇ ਅੱਧੇ ਤੋਂ ਵੀ ਘੱਟ ਹੈ।
Car loan Information:
Calculate Car Loan EMI