Gold price: ਸੋਨਾ ਖਰੀਦਣ ਵਾਲਿਆਂ ਲਈ ਸਰਾਫਾ ਬਾਜ਼ਾਰ ਤੋਂ ਚੰਗੀ ਖ਼ਬਰ ਸਾਹਮਣੇ ਆਈ ਹੈ। ਸੋਨੇ ਦੀ ਕੀਮਤ ‘ਚ ਫਿਰ ਤੋਂ ਵੱਡੀ ਗਿਰਾਵਟ ਦਰਜ ਕੀਤੀ ਗਈ ਹੈ। ਜੇਕਰ ਚਾਂਦੀ ਦੀ ਗੱਲ ਕਰੀਏ ਤਾਂ ਇਸ ਦੀ ਕੀਮਤ ‘ਚ ਕੋਈ ਬਦਲਾਅ ਨਹੀਂ ਹੋਇਆ। ਦੱਸ ਦਈਏ ਕਿ ਟੈਕਸ ਅਤੇ ਐਕਸਾਈਜ਼ ਡਿਊਟੀ ਕਾਰਨ ਸੋਨੇ-ਚਾਂਦੀ ਦੀਆਂ ਕੀਮਤਾਂ ਹਰ ਰੋਜ਼ ਵਧਦੀਆਂ-ਘਟਦੀਆਂ ਰਹਿੰਦੀਆਂ ਹਨ।
ਬਜਟ ਵਿਚ ਹੋਏ ਐਲਾਨ ਤੋਂ ਬਾਅਦ ਦਿੱਲੀ-ਐੱਨਸੀਆਰ ਸਮੇਤ ਦੇਸ਼ ਦੇ ਸਾਰੇ ਵੱਡੇ ਸ਼ਹਿਰਾਂ 'ਚ ਸੋਨੇ ਦੀਆਂ ਕੀਮਤਾਂ 'ਚ ਗਿਰਾਵਟ ਦੇਖਣ ਨੂੰ ਮਿਲ ਰਹੀ ਹੈ। ਕੇਂਦਰ ਸਰਕਾਰ ਨੇ ਸੋਨੇ ਦੀ ਦਰਾਮਦ ਉਤੇ ਕਸਟਮ ਡਿਊਟੀ ਘਟਾਉਣ ਦਾ ਐਲਾਨ ਕੀਤਾ ਸੀ। ਇਸ ਤੋਂ ਬਾਅਦ 6 ਦਿਨਾਂ 'ਚ ਸੋਨੇ ਦੀ ਕੀਮਤ 'ਚ ਕਰੀਬ 7269 ਰੁਪਏ ਦੀ ਗਿਰਾਵਟ ਦਰਜ ਕੀਤੀ ਗਈ ਹੈ।
ਜੇਕਰ ਤੁਸੀਂ ਵੀ ਸੋਨਾ ਖਰੀਦਣ ਲਈ ਬਾਜ਼ਾਰ ਜਾ ਰਹੇ ਹੋ, ਤਾਂ ਉਸ ਤੋਂ ਪਹਿਲਾਂ ਇਸ ਦਾ ਤਾਜ਼ਾ ਰੇਟ ਦੇਖ ਲਓ। ਇੱਥੇ ਅਸੀਂ ਤੁਹਾਨੂੰ ਕੁਝ ਸ਼ਹਿਰਾਂ ਵਿਚ 24 ਕੈਰੇਟ ਅਤੇ 22 ਕੈਰੇਟ ਸੋਨੇ ਦੇ ਰੇਟ ਦੱਸ ਰਹੇ ਹਾਂ। ਦਿੱਲੀ ਵਿੱਚ 1 ਤੋਲੇ 22 ਕੈਰੇਟ ਸੋਨੇ ਦੀ ਕੀਮਤ 64200 ਰੁਪਏ ਹੈ। ਜਦੋਂ ਕਿ 24 ਕੈਰੇਟ ਸੋਨੇ ਦੀ ਕੀਮਤ 67410 ਰੁਪਏ ਹੈ।
ਫਰੀਦਾਬਾਦ 'ਚ ਤੁਹਾਨੂੰ ਦਿੱਲੀ ਦੇ ਬਰਾਬਰ ਰੇਟ 'ਤੇ 22-24 ਕੈਰੇਟ ਸੋਨਾ ਮਿਲੇਗਾ। ਪਟਨਾ ਵਿੱਚ 22 ਕੈਰੇਟ ਸੋਨੇ ਦੀ ਕੀਮਤ 64900 ਰੁਪਏ ਹੈ। ਇੱਥੇ 24 ਕੈਰੇਟ ਸੋਨਾ 68150 ਰੁਪਏ ਵਿੱਚ ਮਿਲ ਰਿਹਾ ਹੈ। ਕਾਨਪੁਰ ਅਤੇ ਲਖਨਊ ਵਿੱਚ ਵੀ ਸੋਨੇ ਦਾ ਰੇਟ ਦਿੱਲੀ ਵਾਂਗ ਹੀ ਹੈ। ਇੰਦੌਰ ਵਿੱਚ 22 ਕੈਰੇਟ ਸੋਨੇ ਦੀ ਕੀਮਤ 64100 ਰੁਪਏ ਅਤੇ 24 ਕੈਰੇਟ ਸੋਨੇ ਦੀ ਕੀਮਤ 6731 ਰੁਪਏ ਹੈ।
ਕੈਰੇਟ ਕੀ ਹੈ?
ਕੈਰੇਟ ਇੱਕ ਇਕਾਈ ਹੈ ਜੋ ਗਹਿਣਿਆਂ ਦੇ ਭਾਰ ਜਾਂ ਸੋਨੇ ਦੀ ਸ਼ੁੱਧਤਾ ਨੂੰ ਦਰਸਾਉਂਦੀ ਹੈ। ਕੈਰਟ ਦਰਸਾਉਂਦਾ ਹੈ ਕਿ ਉਸ ਧਾਤ ਦਾ ਕਿੰਨਾ ਹਿੱਸਾ ਕਿਸੇ ਹੋਰ ਧਾਤ ਨਾਲ ਮਿਲਾਇਆ ਜਾਂਦਾ ਹੈ। ਉਦਾਹਰਨ ਲਈ, 24 ਕੈਰੇਟ ਸੋਨੇ ਨੂੰ ਸਭ ਤੋਂ ਸ਼ੁੱਧ ਮੰਨਿਆ ਜਾਂਦਾ ਹੈ।
ਇਸ ਵਿੱਚ ਕੋਈ ਹੋਰ ਧਾਤ ਨਹੀਂ ਮਿਲਾਈ ਜਾਂਦੀ। ਹਾਲਾਂਕਿ, ਸ਼ੁੱਧ ਸੋਨਾ ਬਹੁਤ ਜਲਦੀ ਟੁੱਟ ਜਾਂਦਾ ਹੈ, ਇਸ ਲਈ ਇਸ ਨੂੰ ਥੋੜਾ ਮਜ਼ਬੂਤ ਬਣਾਉਣ ਲਈ ਇਸ ਵਿੱਚ ਹੋਰ ਧਾਤਾਂ ਜੋੜੀਆਂ ਜਾਂਦੀਆਂ ਹਨ। ਇਸ ਲਈ ਜ਼ਿਆਦਾਤਰ ਸੋਨੇ ਦੇ ਗਹਿਣੇ 22 ਕੈਰੇਟ ਸੋਨੇ ਤੋਂ ਬਣਾਏ ਜਾਂਦੇ ਹਨ। ਸੋਨੇ-ਚਾਂਦੀ ਦੀ ਖਰੀਦਦਾਰੀ ਨੂੰ ਲੈ ਕੇ ਸਥਿਤੀ ਅਜਿਹੀ ਹੈ ਕਿ ਗਾਹਕ ਨਵੰਬਰ ਅਤੇ ਦਸੰਬਰ ‘ਚ ਹੋਣ ਵਾਲੇ ਵਿਆਹਾਂ ਲਈ ਪਹਿਲਾਂ ਹੀ ਗਹਿਣੇ ਮੰਗਵਾ ਰਹੇ ਹਨ।
ਕੁਝ ਲੋਕ ਧਨਤੇਰਸ ਅਤੇ ਦੀਵਾਲੀ ਦੇ ਤਿਉਹਾਰਾਂ ਲਈ ਆਰਡਰ ਦੇ ਰਹੇ ਹਨ। ਇਸ ਦੇ ਨਾਲ ਹੀ, ਗਾਹਕਾਂ ਨੂੰ ਆਕਰਸ਼ਿਤ ਕਰਨ ਲਈ, ਜਿਊਲਰ ਸੋਨੇ ‘ਤੇ ਐਡਵਾਂਸ ਬੁਕਿੰਗ ਸਕੀਮ ਲੈ ਕੇ ਆ ਰਹੇ ਹਨ।