ਨਵੀਂ ਦਿੱਲੀ: ਕੋਰੋਨਾ ਕਾਲ ਕਰਕੇ ਮਾਰੂਤੀ ਨੇ ਆਪਣੀਆਂ ਕਾਰਾਂ ਦੀ ਵਿਕਰੀ ਘੱਟ ਹੋਣ ਕਰਕੇ ਗੱਡੀਆਂ ਨੂੰ ਲੀਜ਼ 'ਤੇ ਦੇਣ ਦੀ ਤਿਆਰੀ ਕੀਤੀ ਹੈ। ਜੀ ਹਾਂ, ਕੰਪਨੀ ਨੇ ਲੀਜ਼ 'ਤੇ ਕਾਰਾਂ ਦੇਣਾ ਸ਼ੁਰੂ ਕਰ ਦਿੱਤਾ ਹੈ। ਹੁਣ ਤੁਸੀਂ ਮਾਰੂਤੀ ਸੁਜ਼ੂਕੀ ਦੀਆਂ ਕਾਰਾਂ ਕਿਰਾਏ 'ਤੇ ਲੈ ਸਕੋਗੇ। ਦੇਸ਼ ਦੀ ਸਭ ਤੋਂ ਵੱਡੀ ਕਾਰ ਕੰਪਨੀ ਮਾਰੂਤੀ ਸੁਜ਼ੂਕੀ ਨੇ 'ਮਾਰੂਤੀ ਸੁਜ਼ੂਕੀ ਸਬਸਕ੍ਰਾਈਬਰ ਬ੍ਰਾਂਡ' ਦੇ ਨਾਂ ਹੇਠ ਆਪਣੀ ਲੀਜ਼ ਗਾਹਕੀ ਸੇਵਾ ਸ਼ੁਰੂ ਕੀਤੀ ਹੈ। ਮਾਰੂਤੀ ਨੇ ਆਪਣੀ ਕਾਰ ਲੀਜ਼ਿੰਗ ਸੇਵਾ ਬਾਰੇ ਬਿਆਨ ਵਿੱਚ ਕਿਹਾ ਹੈ ਕਿ ਸ਼ੁਰੂਆਤ 'ਚ ਇਸ ਨੂੰ ਗੁਰੂਗ੍ਰਾਮ ਤੇ ਬੰਗਲੁਰੂ ਵਿੱਚ ਪਾਇਲਟ ਪ੍ਰਾਜੈਕਟ ਦੇ ਤੌਰ ਵਿੱਚ ਇਸ ਦੀ ਸ਼ੁਰੂਆਤ ਕੀਤੀ ਸੀ। ਇਸ ਤਹਿਤ ਸਵਿਫਟ, ਡਿਜ਼ਾਇਰ, ਵਿਟਾਰਾ ਬ੍ਰੇਜ਼ਾ ਤੇ ਅਰਟਿਗਾ ਵਾਹਨ ਮਾਰੂਤੀ ਸੁਜ਼ੂਕੀ ਅਰੇਨਾ ਰਾਹੀਂ ਤੇ ਬਲੇਨੋ, ਸੀਆਜ਼ ਤੇ ਐਕਸਐਲ ਨੈਕਸ ਰਾਹੀਂ ਕਿਰਾਏ 'ਤੇ ਮੁਹੱਈਆ ਕਰਾਈ ਜਾਣਗੀਆਂ। ਲੀਜ਼ ਪੋਰਟਫੋਲੀਓ ਵਿੱਚ ਸ਼ਾਮਲ ਚੁਣੀਆਂ ਗਈਆਂ ਕਾਰਾਂ ਨੂੰ 24, 36 ਜਾਂ 48 ਮਹੀਨਿਆਂ ਲਈ ਕਿਰਾਏ 'ਤੇ ਦਿੱਤਾ ਜਾ ਸਕਦਾ ਹੈ। ਗਾਹਕ ਇੱਕ ਨਿਸ਼ਚਤ ਮਾਸਿਕ ਭੁਗਤਾਨ ਰਾਹੀਂ ਕਾਰ ਨੂੰ ਕਿਰਾਏ 'ਤੇ ਦੇ ਸਕਦੇ ਹਨ। ਇਸ ਵਿੱਚ ਰੱਖ-ਰਖਾਅ ਤੇ ਬੀਮੇ ਦਾ ਹਿੱਸਾ ਸ਼ਾਮਲ ਹੋਵੇਗਾ। ਮਾਰੂਤੀ ਸੁਜ਼ੂਕੀ ਨੇ ਇਸ ਸੇਵਾ ਲਈ ਓਰਿਕਸ ਆਟੋ ਬੁਨਿਆਦੀ ਢਾਂਚਾ ਸੇਵਾ ਨਾਲ ਭਾਈਵਾਲੀ ਕੀਤੀ ਹੈ। ਇਹ ਜਾਪਾਨ ਦੇ ਓਰਿਕਸ ਕਾਰਪੋਰੇਸ਼ਨ ਦੀ ਸਹਾਇਕ ਕੰਪਨੀ ਹੈ, ਜੋ ਭਾਰਤ ਵਿੱਚ ਇਸ ਸੇਵਾ ਦੇ ਸੰਚਾਲਨ ਦੀ ਨਿਗਰਾਨੀ ਕਰੇਗੀ। ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ: https://play.google.com/store/apps/details?id=com.winit.starnews.hin https://apps.apple.com/in/app/abp-live-news/id811114904

Car loan Information:

Calculate Car Loan EMI