ਟਾਈਗਰ-ਦਿਸ਼ਾ ਦੇ ਰਿਸ਼ਤਿਆਂ 'ਤੇ ਕ੍ਰਿਸ਼ਨਾ ਦੀ ਮੋਹਰ!
ਦਿਸ਼ਾ ਪਟਾਨੀ ਤੇ ਟਾਈਗਰ ਸ਼ਰੌਫ ਦੇ ਅਫੇਅਰ ਦੀਆਂ ਖ਼ਬਰਾਂ ਅਕਸਰ ਹੀ ਸੁਰਖੀਆਂ ‘ਚ ਰਹੀਆਂ ਹਨ। ਕੁਝ ਸਮਾਂ ਪਹਿਲਾਂ ਖ਼ਬਰਾਂ ਆਈਆਂ ਸੀ ਕਿ ਦੋਵਾਂ ਦਾ ਬ੍ਰੈਕਅੱਪ ਹੋ ਗਿਆ ਹੈ। ਹੁਣ ਮੀਡੀਆ ਦੇ ਹੱਥ ਲੱਗੀਆਂ ਇਹ ਖਾਸ ਤਸਵੀਰਾਂ ਤਾਂ ਕੁਝ ਹੋਰ ਹੀ ਕਹਾਣੀ ਬਿਆਨ ਕਰ ਰਹੀਆਂ ਹਨ।
ਦਿਸ਼ਾ ਤੇ ਕ੍ਰਿਸ਼ਨਾ ਦੀਆਂ ਤਸਵੀਰਾਂ ਦੇਖ ਕੇ ਸਾਫ ਹੋ ਗਿਆ ਹੈ ਕਿ ਦੋਵਾਂ ਦੀ ਚੰਗੀ ਦੋਸਤੀ ਹੈ। ਇਸ ਡੇਟ ‘ਚ ਆਏ ਤਿੰਨਾਂ ਦੇ ਚਿਹਰੇ ਦੀ ਮੁਸਕੁਰਾਹਟ ਕਾਫੀ ਕੁਝ ਬਿਆਨ ਕਰ ਰਹੀ ਹੈ।
ਇਸ ਤੋਂ ਕੁਝ ਸਮਾਂ ਪਹਿਲਾਂ ਦਿਸ਼ਾ ਟਾਈਗਰ ਦੀ ਮਾਂ ਆਇਸ਼ਾ ਸ਼ਰੌਫ ਨਾਲ ਵੀ ਡੇਟ ‘ਤੇ ਸਪੌਟ ਹੋ ਚੁੱਕੀ ਹੈ। ਉਸ ਤੋਂ ਬਾਅਦ ਖ਼ਬਰਾਂ ਆਈਆਂ ਸੀ ਕਿ ਟਾਈਗਰ ਲਈ ਆਇਸ਼ਾ ਨੇ ਵੀ ਦਿਸ਼ਾ ਨੂੰ ਪਸੰਦ ਕਰ ਲਿਆ ਹੈ।
ਜਦੋਂ ਇਹ ਤਿੰਨੇ ਇਕੱਠੇ ਰੈਸਟੋਰੈਂਟ ‘ਚ ਆਏ ਤਾਂ ਮੀਡੀਆ ਕੈਮਰਿਆਂ ਨੇ ਉਨ੍ਹਾਂ ਨੂੰ ਘੇਰ ਲਿਆ। ਇਸ ਮੌਕੇ ਦਿਸ਼ਾ ਤੇ ਕ੍ਰਿਸ਼ਨਾ ਇੱਕ-ਦੂਜੇ ਦੇ ਹੱਥ ਫੜ੍ਹ ਤੁਰਦੀਆਂ ਨਜ਼ਰ ਆਈਆਂ।
ਇਸ ਤਿਕੜੀ ਨੂੰ ਦੇਖ ਲੱਗਦਾ ਹੈ ਕਿ ਕ੍ਰਿਸ਼ਨਾ ਨੇ ਵੀ ਭਰਾ ਟਾਈਗਰ ਦੀ ਪਸੰਦ ਨੂੰ ਹਰੀ ਝੰਡੀ ਦੇ ਦਿੱਤੀ ਹੈ।
ਦਿਸ਼ਾ ਤੇ ਟਾਈਗਰ ਇੱਕ-ਦੂਜੇ ਨੂੰ ਲੰਬੇ ਸਮੇਂ ਤੋਂ ਡੇਟ ਕਰ ਰਹੇ ਹਨ। ਦੋਵਾਂ ਨੂੰ ਕਈ ਨੌਜਵਾਨ ਕੱਪਲ ਆਪਣਾ ਆਈਡਲ ਮੰਨਦੇ ਹਨ। ਹਾਲ ਹੀ ‘ਚ ਦਿਸ਼ਾ, ਟਾਈਗਰ ਤੇ ਭੈਣ ਕ੍ਰਿਸ਼ਨਾ ਨਾਲ ਲੰਚ ਡੇਟ ‘ਤੇ ਸਪੌਟ ਹੋਈ।