Yubari Melon Price: ਆਮ ਤੌਰ ਤੇ ਮਹਿੰਗੇ ਤੋਂ ਮਹਿੰਗਾ ਫਲ ਅਸੀਂ ਕਿੰਨੇ ਤੱਕ ਦਾ ਸੋਚ ਸਕਦੇ ਹਾਂ। ਸ਼ਾਇਦ 300-400 ਜਾਂ 1000 -1500 ਰੁਪਏ ਪ੍ਰਤੀ ਕਿਲੋ...ਪਰ ਅਸੀਂ ਜਿਸ ਫਲ ਦੀ ਗੱਲ ਕਰ ਰਹੇ ਹਾਂ ਉਸ ਦੀ ਕੀਮਤ ਤੁਹਾਡੇ ਹੋਸ਼ ਉੱਡਾ ਦੇਵੇਗੀ। ਇਸ ਦੀ ਫਲ ਦੀ ਕੀਮਤ 20 ਲੱਖ ਰੁਪਏ ਪ੍ਰਤੀ ਕਿੱਲੋ ਹੈ। ਆਓ ਤੁਹਾਨੂੰ ਦੱਸਦੇ ਹਾਂ ਕਿ ਇਹ ਫਲ ਕਿਹੜਾ ਹੈ ਤੇ ਕਿੱਥੇ ਉਗਾਇਆ ਜਾਂਦਾ ਹੈ?
ਭਾਰਤ ਵਿੱਚ ਕਈ ਤਰ੍ਹਾਂ ਦੇ ਫਲ ਤੇ ਸਬਜ਼ੀਆਂ ਪਾਈਆਂ ਜਾਂਦੀਆਂ ਹਨ। ਇਨ੍ਹਾਂ ਵਿੱਚੋਂ ਕੁਝ ਬਹੁਤ ਹੀ ਸਾਧਾਰਨ ਫਲ ਹਨ ਜਿਵੇਂ ਸੇਬ, ਸੰਤਰਾ, ਅੰਗੂਰ ਆਦਿ। ਅਸੀਂ ਜਿਸ ਫਲ ਦੀ ਗੱਲ ਕਰ ਰਹੇ ਹਾਂ, ਉਸ ਦੀ ਕੀਮਤ 'ਚ ਤੁਸੀਂ ਕਾਫੀ ਸੋਨਾ ਖਰੀਦ ਸਕਦੇ ਹੋ। ਇਸ ਤੋਂ ਇਲਾਵਾ ਤੁਸੀਂ ਆਪਣੇ ਲਈ ਲਗਜਰੀ ਕਾਰ ਤੇ ਕਈ ਆਈਫੋਨ ਵੀ ਲੈ ਸਕਦੇ ਹੋ।
ਦੁਨੀਆ ਦੇ ਇਸ ਸਭ ਤੋਂ ਮਹਿੰਗੇ ਫਲ ਦਾ ਨਾਂ ਯੂਬਰੀ ਖਰਬੂਜਾ ਹੈ। ਯੂਬਰੀ ਇੱਕ ਖਰਬੂਜਾ ਹੈ ਜਿਸ ਨੂੰ ਦੁਨੀਆ ਦਾ ਸਭ ਤੋਂ ਮਹਿੰਗਾ ਫਲ ਕਿਹਾ ਜਾਂਦਾ ਹੈ। ਕੁਝ ਸਮਾਂ ਪਹਿਲਾਂ ਦੋ ਯੂਬਰੀ ਖਰਬੂਜੇ ਨਿਲਾਮ ਹੋਏ ਸੀ। ਅੱਧਾ-ਅੱਧਾ ਕਿੱਲੋ ਦੇ ਇਨ੍ਹਾਂ ਖਰਬੂਜ਼ਿਆਂ ਬਦਲੇ ਵੇਚਣ ਵਾਲੇ ਨੂੰ 20 ਲੱਖ ਰੁਪਏ ਮਿਲੇ।
ਯਾਨੀ ਇਹ ਇੱਕ ਅਜਿਹਾ ਫਲ ਹੈ ਜਿਸ ਨੂੰ ਸਿਰਫ਼ ਅਮੀਰ ਲੋਕ ਹੀ ਖਰੀਦ ਸਕਦੇ ਹਨ। ਯੂਬਰੀ ਖਰਬੂਜਾ ਹਰ ਜਗ੍ਹਾ ਨਹੀਂ ਉੱਗਦਾ। ਇਹ ਫਲ ਸਿਰਫ ਜਾਪਾਨ ਵਿੱਚ ਉਗਾਇਆ ਜਾਂਦਾ ਹੈ। ਇਹ ਬਹੁਤ ਘੱਟ ਮਾਤਰਾ ਵਿੱਚ ਉਗਾਇਆ ਜਾਂਦਾ ਹੈ, ਜਿਸ ਕਾਰਨ ਇਸ ਨੂੰ ਬਾਹਰ ਨਹੀਂ ਭੇਜਿਆ ਜਾਂਦਾ। ਅਜਿਹੇ 'ਚ ਇਹ ਖਰਬੂਜਾ ਸਿਰਫ ਜਾਪਾਨ 'ਚ ਹੀ ਮਿਲਦਾ ਹੈ।
ਸਭ ਤੋਂ ਹੈਰਾਨੀ ਵਾਲੀ ਗੱਲ ਇਹ ਹੈ ਕਿ ਇੰਨਾ ਮਹਿੰਗੀ ਹੋਣ ਦੇ ਬਾਵਜੂਦ ਇਸ ਦੀ ਕਾਫੀ ਮੰਗ ਹੈ। ਇਹ ਫਲ 20 ਲੱਖ ਰੁਪਏ ਪ੍ਰਤੀ ਕਿਲੋ ਵਿਕਦਾ ਹੈ। ਇਸ ਦੇ ਬਾਵਜੂਦ, ਬਹੁਤ ਸਾਰੇ ਲੋਕ ਇਸ ਨੂੰ ਖਰੀਦਦੇ ਹਨ। ਇਸ ਫਲ ਦੇ ਇੰਨੇ ਮਹਿੰਗੇ ਹੋਣ ਦਾ ਇਕ ਖਾਸ ਕਾਰਨ ਹੈ। ਜਦੋਂਕਿ ਫਲ ਆਮ ਤੌਰ 'ਤੇ ਸੂਰਜ ਦੀ ਰੌਸ਼ਨੀ ਵਿੱਚ ਉੱਗਦੇ ਹਨ ਪਰ ਯੁਬਰੀ ਖਰਬੂਜਾ ਸਿਰਫ ਗ੍ਰੀਨਹਾਉਸ ਵਿੱਚ ਉਗਾਇਆ ਜਾਂਦਾ ਹੈ।
ਭਾਰਤ ਵਿੱਚ, ਖਰਬੂਜਾ ਆਪਣੇ ਸ਼ੁਰੂਆਤੀ ਸੀਜ਼ਨ ਵਿੱਚ ਹੀ ਮਹਿੰਗਾ ਹੁੰਦਾ ਹੈ ਪਰ ਕੁਝ ਸਮੇਂ ਬਾਅਦ ਇਹ 20 ਤੋਂ 30 ਰੁਪਏ ਪ੍ਰਤੀ ਕਿਲੋ ਬਾਜ਼ਾਰ ਵਿੱਚ ਮਿਲਣ ਲੱਗ ਜਾਂਦਾ ਹੈ। ਅਜਿਹੇ 'ਚ ਜੇਕਰ ਤੁਲਨਾ ਕਰੀਏ ਤਾਂ ਯੂਬਰੀ ਖਰਬੂਜੇ ਦੀ ਕੀਮਤ ਭਾਰਤ ਦੇ ਖਰਬੂਜੇ ਤੋਂ ਇੱਕ ਲੱਖ ਗੁਣਾ ਜ਼ਿਆਦਾ ਹੈ।