ਨਵੀਂ ਦਿੱਲ: ਅੰਤਰਰਾਸ਼ਟਰੀ ਕੀਮਤਾਂ ਦੀ ਤਰਜ਼ 'ਤੇ ਮੰਗਲਵਾਰ ਨੂੰ ਭਾਰਤੀ ਬਾਜ਼ਾਰ 'ਚ ਸੋਨੇ ਤੇ ਚਾਂਦੀ ਦੀਆਂ ਕੀਮਤਾਂ 'ਚ ਵੀ ਵਾਧਾ ਦਰਜ ਕੀਤਾ ਗਿਆ। ਸੋਨਾ ਇਕ ਵਾਰ ਫਿਰ 50 ਹਜ਼ਾਰ ਰੁਪਏ ਪ੍ਰਤੀ ਦਸ ਗ੍ਰਾਮ ਦੇ ਪੱਧਰ ਨੂੰ ਪਾਰ ਕਰ ਗਿਆ। ਸੋਨੇ 'ਤੇ ਤਿਉਹਾਰ ਦੀ ਮੰਗ ਦਾ ਪ੍ਰਭਾਵ ਦਿਖਾਈ ਦੇ ਰਿਹਾ ਹੈ। ਇਸ ਨੇ ਸੋਨੇ ਤੇ ਚਾਂਦੀ ਦੀਆਂ ਕੀਮਤਾਂ 'ਚ ਵਾਧਾ ਕੀਤਾ ਹੈ।
ਸੋਮਵਾਰ ਨੂੰ ਕੀਮਤਾਂ ਵਿੱਚ ਗਿਰਾਵਟ ਦੇ ਕਾਰਨ ਹੇਠਲੇ ਪੱਧਰ 'ਤੇ ਖਰੀਦ ਨੇ ਮੰਗਲਵਾਰ ਨੂੰ ਸੋਨੇ ਤੇ ਚਾਂਦੀ ਦੋਵਾਂ ਨੂੰ ਚੜ੍ਹਾ ਦਿੱਤਾ। ਹਾਲਾਂਕਿ, ਇਹ ਵੇਖਣਾ ਅਜੇ ਬਾਕੀ ਹੈ ਕਿ ਅਮਰੀਕਾ 'ਚ ਰਾਹਤ ਪੈਕੇਜ ਬਾਰੇ ਸੰਸਦ ਕੀ ਪਹੁੰਚ ਰੱਖਦੀ ਹੈ। ਇਹ ਸੋਨੇ ਅਤੇ ਚਾਂਦੀ ਨੂੰ ਤੁਰੰਤ ਪ੍ਰਭਾਵਤ ਕਰੇਗਾ।
ਦਿੱਲੀ ਬਾਜ਼ਾਰ 'ਚ ਸੋਨਾ ਫਿਰ ਵਧਿਆ:
ਹਾਲਾਂਕਿ, ਮੰਗਲਵਾਰ ਨੂੰ ਭਾਰਤ 'ਚ ਐਮਸੀਐਕਸ 'ਚ ਸੋਨੇ ਦੀ ਕੀਮਤ 1.10% ਯਾਨੀ 549 ਰੁਪਏ ਦੀ ਤੇਜ਼ੀ ਨਾਲ 50,297 ਰੁਪਏ ਪ੍ਰਤੀ ਦਸ ਗ੍ਰਾਮ ਰਹੀ। ਚਾਂਦੀ ਦੀਆਂ ਕੀਮਤਾਂ 2.10 ਪ੍ਰਤੀਸ਼ਤ ਵਧੀਆਂ ਅਤੇ ਇਸ ਦੀ ਕੀਮਤ 62,130 ਰੁਪਏ ਪ੍ਰਤੀ ਕਿਲੋਗ੍ਰਾਮ 'ਤੇ ਪਹੁੰਚ ਗਈ। ਭਾਰਤ ਵਿੱਚ ਤਿਉਹਾਰਾਂ ਦੀ ਮੰਗ ਦੇ ਪ੍ਰਭਾਵ ਕਾਰਨ ਇਸ ਦੀਆਂ ਕੀਮਤਾਂ ਵਿੱਚ ਵਾਧਾ ਹੁੰਦਾ ਵੇਖਿਆ ਜਾ ਰਿਹਾ ਹੈ। ਮੰਗਲਵਾਰ ਨੂੰ ਅਹਿਮਦਾਬਾਦ ਸਰਾਫਾ ਬਾਜ਼ਾਰ 'ਚ ਗੋਲ੍ਡ ਸਪੋਟ ਦੀ ਕੀਮਤ 52,208 ਰੁਪਏ ਪ੍ਰਤੀ ਦਸ ਗ੍ਰਾਮ ਸੀ। ਉਥੇ ਹੀ ਗੋਲਡ ਫਿਊਚਰ ਦੀ ਕੀਮਤ 50,305 ਰੁਪਏ ਪ੍ਰਤੀ ਦਸ ਗ੍ਰਾਮ ਸੀ।
ਸੋਮਵਾਰ ਨੂੰ ਦਿੱਲੀ ਬਾਜ਼ਾਰ 'ਚ ਸੋਨੇ ਦੀ ਕੀਮਤ 277 ਰੁਪਏ ਦੀ ਤੇਜ਼ੀ ਨਾਲ 52,183 ਰੁਪਏ ਪ੍ਰਤੀ ਦਸ ਗ੍ਰਾਮ ਰਹੀ, ਜਦਕਿ ਚਾਂਦੀ ਦੀ ਕੀਮਤ 694 ਰੁਪਏ ਦੀ ਤੇਜ਼ੀ ਨਾਲ 65,699 ਰੁਪਏ ਪ੍ਰਤੀ ਕਿਲੋਗ੍ਰਾਮ ਹੋ ਗਈ। ਗਲੋਬਲ ਬਾਜ਼ਾਰ 'ਚ ਸੋਨੇ ਦੀ ਕੀਮਤ 1,849.93 ਡਾਲਰ ਪ੍ਰਤੀ ਔਂਸ 'ਤੇ ਪਹੁੰਚ ਗਈ। ਯੂਐਸ ਗੋਲਡ ਫਿਊਚਰ 0.8 ਪ੍ਰਤੀਸ਼ਤ ਵੱਧ ਕੇ 1,869.40 ਡਾਲਰ ਪ੍ਰਤੀ ਔਂਸ 'ਤੇ ਪਹੁੰਚ ਗਿਆ
ਵਿਸ਼ਵ ਦਾ ਸਭ ਤੋਂ ਵੱਡਾ ਸੋਨਾ-ਅਧਾਰਤ ਈਟੀਐਫ, ਐਸਪੀਡੀਆਰ ਗੋਲਡ ਟਰੱਸਟ ਦੀ ਹੋਲਡਿੰਗ 0.83% ਦੀ ਗਿਰਾਵਟ ਨਾਲ 1249.79 ਟਨ 'ਤੇ ਆ ਗਈ। ਇਸ ਦੌਰਾਨ ਚਾਂਦੀ ਦੀ ਕੀਮਤ 0.1 ਪ੍ਰਤੀਸ਼ਤ ਦੀ ਤੇਜ਼ੀ ਨਾਲ 24.10 ਡਾਲਰ ਪ੍ਰਤੀ ਔਂਸ 'ਤੇ ਪਹੁੰਚ ਗਈ।ਅਮਰੀਕਾ ਦੇ ਰਾਹਤ ਪੈਕੇਜ 'ਤੇ ਗਲੋਬਲ ਬਾਜ਼ਾਰ 'ਚ ਨਜ਼ਰ ਰੱਖੀ ਜਾ ਰਹੀ ਹੈ।