HDFC ਨੇ ਬੈਂਚਮਾਰਕ ਰਿਟੇਲ ਪ੍ਰਾਈਮ ਲੈਂਡਿੰਗ ਰੇਟ (RPLR) ਦੀ ਦਰ 5 ਬੇਸਿਕ ਪੁਆਇੰਟ ਤੱਕ ਵਧਾ ਦਿੱਤੀ ਹੈ। ਇਸ ਵਾਧੇ ਨਾਲ ਹੋਮ ਲੋਨ (Home loan rate) ਦੀ ਦਰ 'ਚ ਵੀ 5 ਬੇਸਿਸ ਪੁਆਇੰਟ ਦਾ ਵਾਧਾ ਹੋਵੇਗਾ। ਲੋਨ ਰੇਟ ਵਿੱਚ ਇਹ ਵਾਧਾ ਮੌਜੂਦਾ ਗਾਹਕਾਂ 'ਤੇ ਲਾਗੂ ਹੋਵੇਗਾ। ਹਾਲਾਂਕਿ, ਇਸ ਨਾਲ ਨਵੇਂ ਗਾਹਕਾਂ ਦੀਆਂ ਵਿਆਜ ਦਰਾਂ 'ਤੇ ਕੋਈ ਅਸਰ ਨਹੀਂ ਪਵੇਗਾ ਕਿਉਂਕਿ ਉਨ੍ਹਾਂ ਨੂੰ ਬੈਂਚਮਾਰਕ 'ਤੇ 5 ਬੇਸਿਕ ਪੁਆਇੰਟ ਦੀ ਵਾਧੂ ਛੋਟ ਮਿਲੇਗੀ। ਇਹ RPLR ਦੇ ਵਾਧੇ ਨੂੰ ਬਰਾਬਰ ਕਰੇਗਾ।
ਪਿਛਲੇ ਕਈ ਦਿਨਾਂ ਤੋਂ ਇਸ ਗੱਲ 'ਤੇ ਚਰਚਾ ਚੱਲ ਰਹੀ ਹੈ ਕਿ ਕੀ ਬੈਂਕ ਅਤੇ ਹਾਊਸਿੰਗ ਫਾਈਨਾਂਸ ਕੰਪਨੀਆਂ ਨਜ਼ਦੀਕੀ ਮਿਆਦ 'ਚ ਉਧਾਰ ਦਰਾਂ 'ਚ ਵਾਧਾ ਕਰਨਗੇ ਜਾਂ ਨਹੀਂ ਕਿਉਂਕਿ ਰਿਜ਼ਰਵ ਬੈਂਕ ਨੇ ਆਪਣੀਆਂ ਵਿਆਜ ਦਰਾਂ ਨੂੰ ਸਥਿਰ ਰੱਖਿਆ ਹੈ। ਇਸ ਦੌਰਾਨ HDFC ਨੇ ਲੰਬੇ ਅੰਤਰਾਲ ਤੋਂ ਬਾਅਦ ਉਧਾਰ ਦਰ ਵਿੱਚ 5 ਬੇਸਿਕ ਪੁਆਇੰਟ ਦਾ ਵਾਧਾ ਕੀਤਾ ਹੈ। ਇਸ ਨਾਲ ਹੋਰ ਬੈਂਕ ਅਤੇ ਹਾਊਸਿੰਗ ਫਾਈਨਾਂਸ ਕੰਪਨੀਆਂ ਵੀ ਪ੍ਰਾਈਮ ਲੈਂਡਿੰਗ ਰੇਟ ਵਧਾ ਸਕਦੀਆਂ ਹਨ। ਇਸ ਨਾਲ ਹੋਮ ਲੋਨ ਮਹਿੰਗਾ ਹੋ ਜਾਵੇਗਾ। ਹਾਲਾਂਕਿ, ਇਹ ਦਰ ਮੌਜੂਦਾ ਗਾਹਕਾਂ 'ਤੇ ਲਾਗੂ ਹੋਵੇਗੀ ਅਤੇ ਨਵੇਂ ਗਾਹਕ ਇਸ ਦੇ ਪ੍ਰਭਾਵ ਵਿੱਚ ਨਹੀਂ ਆਉਣਗੇ।
ਪਹਿਲਾਂ ਵੀ ਹੋ ਚੁੱਕਾ ਹੈ ਵਾਧਾ
ਪਹਿਲਾਂ ਵੀ ਹੋ ਚੁੱਕਾ ਹੈ ਵਾਧਾ
HDFC ਨੇ ਵੀ ਪਿਛਲੇ ਮਹੀਨੇ ਵੀ ਪ੍ਰਾਈਮ ਲੈਂਡਿੰਗ ਰੇਟ ਵਿੱਚ ਵਾਧੇ ਦਾ ਐਲਾਨ ਕੀਤਾ ਸੀ। ਇਸ 'ਚ 20 ਬੇਸਿਕ ਪੁਆਇੰਟ ਤੱਕ ਦਾ ਵਾਧਾ ਕੀਤਾ ਗਿਆ ਸੀ ਅਤੇ ਨਵੀਆਂ ਦਰਾਂ 1 ਅਪ੍ਰੈਲ ਤੋਂ ਲਾਗੂ ਕੀਤੀਆਂ ਗਈਆਂ ਸਨ। ਸਿਰਫ਼ ਇੱਕ ਮਹੀਨੇ ਬਾਅਦ HDFC ਨੇ ਪ੍ਰਾਈਮ ਲੈਂਡਿੰਗ ਰੇਟ ਜਾਂ RPLR 'ਤੇ 5 ਬੇਸਿਕ ਪੁਆਇੰਟ ਦੇ ਵਾਧੇ ਦਾ ਐਲਾਨ ਕੀਤਾ ਸੀ।
HDFC ਭਾਰਤ ਦਾ ਸਭ ਤੋਂ ਵੱਡਾ ਮੌਰਗੇਜ ਫਾਈਨਾਂਸਰ ਹੈ। ਇਸਦੀ ਉਧਾਰ ਦਰ ਵਿੱਚ ਵਾਧੇ ਨਾਲ ਇਹ ਸਪੱਸ਼ਟ ਹੋ ਗਿਆ ਹੈ ਕਿ ਹੁਣ ਸਸਤੇ ਘਰਾਂ ਦੇ ਕਰਜ਼ਿਆਂ ਦੇ ਦਿਨ ਖਤਮ ਹੋ ਗਏ ਹਨ। ਆਉਣ ਵਾਲੇ ਸਮੇਂ 'ਚ ਹੋਮ ਲੋਨ ਦੀਆਂ ਦਰਾਂ ਵਧਣਗੀਆਂ ਅਤੇ ਇਸ 'ਚ ਬੈਂਕਾਂ ਦੇ ਨਾਲ-ਨਾਲ ਫਾਈਨਾਂਸ ਕੰਪਨੀਆਂ ਵੀ ਆਪਣਾ ਐਲਾਨ ਕਰਨਗੀਆਂ। ਹਾਲ ਹੀ ਦੇ ਮਹੀਨਿਆਂ ਵਿੱਚ ਖਾਸ ਕਰਕੇ ਕੋਰੋਨਾ ਦੇ ਦੌਰਾਨ ਹੋਮ ਲੋਨ ਬਹੁਤ ਸਸਤੇ ਦੇਖੇ ਗਏ, ਜਿਸਦਾ ਲੋਕਾਂ ਨੇ ਫਾਇਦਾ ਉਠਾਇਆ। ਮਾਹਿਰਾਂ ਅਨੁਸਾਰ ਆਉਣ ਵਾਲੇ ਸਮੇਂ ਵਿੱਚ ਕਰਜ਼ੇ ਮਹਿੰਗੇ ਹੋਣਗੇ। ਹੋਰ ਚੀਜ਼ਾਂ ਦੀ ਮਹਿੰਗਾਈ ਵਿੱਚ ਵੀ ਹੋਮ ਲੋਨ ਦੀ ਵੱਡੀ ਭੂਮਿਕਾ ਹੋਵੇਗੀ।