India's Economy: ਏਸ਼ੀਅਨ ਡਿਵੈਲਪਮੈਂਟ ਬੈਂਕ (ADB) ਨੇ ਬੁੱਧਵਾਰ ਨੂੰ ਵਿੱਤੀ ਸਾਲ 2022-23 ਵਿੱਚ ਦੱਖਣੀ ਏਸ਼ੀਆਈ ਅਰਥਚਾਰਿਆਂ ਲਈ ਸੱਤ ਪ੍ਰਤੀਸ਼ਤ ਦੀ ਸਮੂਹਿਕ ਵਿਕਾਸ ਦਰ ਦਾ ਅਨੁਮਾਨ ਲਾਇਆ ਹੈ, ਖੇਤਰ ਦੀ ਸਭ ਤੋਂ ਵੱਡੀ ਅਰਥਵਿਵਸਥਾ ਭਾਰਤ ਦੀ ਮੌਜੂਦਾ ਵਿੱਤੀ ਸਾਲ ਵਿੱਚ 7.5 ਪ੍ਰਤੀਸ਼ਤ ਤੇ ਅਗਲੇ ਵਿੱਚ ਅੱਠ ਪ੍ਰਤੀਸ਼ਤ ਪ੍ਰਤੀਸ਼ਤ ਦੀ ਦਰ ਨਾਲ ਵਧਣ ਦੀ ਉਮੀਦ ਹੈ।

ADO ਨੇ ਰਿਪੋਰਟ ਜਾਰੀ ਕੀਤੀ
'ਏਸ਼ੀਅਨ ਡਿਵੈਲਪਮੈਂਟ ਆਉਟਲੁੱਕ' (ADO) 2022 ਨੂੰ ਜਾਰੀ ਕਰਦਿਆ ਮਨੀਲਾ ਸਥਿਤ 'ਮਲਟੀ-ਲੈਟਰਲ ਫੰਡਿੰਗ ਏਜੰਸੀ' ਨੇ ਕਿਹਾ ਕਿ ਦੱਖਣੀ ਏਸ਼ੀਆ ਵਿੱਚ ਵਿਕਾਸ ਦਰ 2023 ਵਿੱਚ 7.4 ਪ੍ਰਤੀਸ਼ਤ ਤੱਕ ਪਹੁੰਚਣ ਤੋਂ ਪਹਿਲਾਂ 2022 ਵਿੱਚ ਸੱਤ ਪ੍ਰਤੀਸ਼ਤ ਰਹਿਣ ਦਾ ਅਨੁਮਾਨ ਹੈ। ਖੇਤਰ ਵਿੱਚ ਵਿਕਾਸ ਦੀ ਗਤੀਸ਼ੀਲਤਾ ਬਹੁਤ ਹੱਦ ਤੱਕ ਭਾਰਤ ਤੇ ਪਾਕਿਸਤਾਨ 'ਤੇ ਨਿਰਭਰ ਕਰਦੀ ਹੈ।

2022 ਵਿੱਚ 7 ਪ੍ਰਤੀਸ਼ਤ ਦੇ ਵਾਧੇ ਦੀ ਉਮੀਦ
ਏਜੰਸੀ ਨੇ ਏਡੀਓ ਰਿਪੋਰਟ ਵਿੱਚ ਕਿਹਾ, "ਦੱਖਣੀ ਏਸ਼ੀਆਈ ਅਰਥਵਿਵਸਥਾਵਾਂ ਵਿੱਚ 2022 ਵਿੱਚ 7 ਫੀਸਦੀ ਅਤੇ 2023 ਵਿੱਚ 7.4 ਫੀਸਦੀ ਦੇ ਵਾਧੇ ਦੀ ਉਮੀਦ ਹੈ। ਭਾਰਤ, ਖੇਤਰ ਦੀ ਸਭ ਤੋਂ ਵੱਡੀ ਅਰਥਵਿਵਸਥਾ, ਦੀ ਮੌਜੂਦਾ ਸਾਲ ਵਿੱਚ 7.5 ਫੀਸਦੀ ਤੇ ਅਗਲੇ ਵਿੱਤੀ ਸਾਲ ਵਿੱਚ ਅੱਠ ਫੀਸਦੀ ਦੀ ਦਰ ਨਾਲ ਵਿਕਾਸ ਕਰਨ ਦੀ ਉਮੀਦ ਹੈ।

2022 'ਚ ਪਾਕਿਸਤਾਨ ਦੀ ਵਿਕਾਸ ਦਰ 4 ਫੀਸਦੀ ਰਹਿਣ ਦਾ ਅਨੁਮਾਨ
ਰਿਪੋਰਟ ਅਨੁਸਾਰ, 2023 ਵਿੱਚ 4.5 ਪ੍ਰਤੀਸ਼ਤ ਤੱਕ ਵਧਣ ਤੋਂ ਪਹਿਲਾਂ ਕਮਜ਼ੋਰ ਘਰੇਲੂ ਮੰਗ ਕਾਰਨ ਪਾਕਿਸਤਾਨ ਦੀ ਵਿਕਾਸ ਦਰ 2022 ਵਿੱਚ ਮੱਧਮ ਤੋਂ ਚਾਰ ਪ੍ਰਤੀਸ਼ਤ ਤੱਕ ਰਹਿਣ ਦਾ ਅਨੁਮਾਨ ਹੈ। ADB ਨੇ ਕਿਹਾ ਕਿ ਘਰੇਲੂ ਮੰਗ ਵਿੱਚ ਮਜ਼ਬੂਤ ਰਿਕਵਰੀ ਤੇ ਨਿਰਯਾਤ ਵਿੱਚ ਨਿਰੰਤਰ ਵਿਸਤਾਰ ਦੇ ਕਾਰਨ ਵਿਕਾਸਸ਼ੀਲ ਏਸ਼ੀਆ ਵਿੱਚ ਆਰਥਿਕਤਾਵਾਂ ਵਿੱਚ ਇਸ ਸਾਲ 5.2 ਪ੍ਰਤੀਸ਼ਤ ਅਤੇ 2023 ਵਿੱਚ 5.3 ਪ੍ਰਤੀਸ਼ਤ ਦੇ ਵਾਧੇ ਦਾ ਅਨੁਮਾਨ ਹੈ।


ਇਹ ਵੀ ਪੜ੍ਹੋ


ਚੰਡੀਗੜ੍ਹ ਲੈ ਕੇ ਰਹੇਗੀ 'ਆਪ' ਸਰਕਾਰ, ਹਰਪਾਲ ਚੀਮਾ ਦਾ ਖੱਟਰ ਸਰਕਾਰ 'ਤੇ ਪਲਟਵਾਰ